៥ សញ្ញាដែលបញ្ជាក់ថាអ្នកកំពុងស្រឡាញ់មនុស្សប្រុសខុសហើយ

2017-07-04 03:42:36
ចំនួនមតិ 0 | ចំនួនចែករំលែក 0

គ្មានអ្នកណាអាចមើលចិត្តមនុស្សធ្លុះនោះ ថ្ងៃនេះល្អ តែយើងមិនដឹងថាថ្ងៃស្អែកទៅជាយ៉ាងណាឡើយ ដូច្នេះបើសិនជាពេលនេះទំនាក់ទំនងអ្នកឈានដល់ដំណាក់កាលដូចខាងក្រោម មានន័យថាអ្នកកំពុងស្រឡាញ់មនុស្សខុសហើយ ៖

១. ស្រក់ទឹកភ្នែកស្ទើររាល់យប់ ៖ ប្រហែលជាពេលយប់ជាពេលដែលអ្នកពិបាកចិត្តខ្លាំង អ្នកស្មុគស្មាញ ហត់នឿយជាមួយស្នេហារបស់អ្នកដែលមានរឿងមិនចេះចប់មិនចេះហើយ។

រុបតំណាង

**២. អ្នកគ្មានអារម្មណ៍ល្អក្នុងទំនាក់ទំនងនេះទៀត ៖** អារម្មណ៍អ្នកកាន់តែអស់ពីមួយថ្ងៃទៅមួយថ្ងៃ អ្នកគ្មានអារម្មណ៍រីករាយ គ្មានអារម្មណ៍ថាខ្លួនឯងមានសេរីភាពដូចមុន ហើយរវាងអ្នកនិងគាត់គឺតឹងតែងជាមួយគ្នាជាងអ្នកដទៃទៅទៀត។

៣. អ្នកមានអារម្មណ៍ថាឯកាទោះបីជានៅក្បែរគ្នាក៏ដោយ ៖ ភាពឯកានៅតែមានចំពោះអ្នកទោះបីជាអ្នក និង គាត់នៅជាមួយគ្នាក៏ដោយ ក៏អ្នកនៅតែមានអារម្មណ៍ថាមានគាត់ក៏ដូចអត់គាត់ ហើយមានគាត់រឹតតែពិបាកចិត្តជាងពេលមិនទាន់ស្គាល់គាត់ទៀត។

៤. អ្នកលះបង់ច្រើនពេកទៅលើគាត់តែឯង ៖ គ្រប់យ៉ាងអ្នកធ្វើដើម្បីគាត់តែឯង ដោយសារមិនចង់មានបញ្ហាអ្នកសុខចិត្តចាញ់ សុខចិត្តពិបាកចិត្តតែម្នាក់ឯង ទាំងគាត់មិនដែលដឹង ហើយពេលខ្លះគាត់មិនទទួលអំពើល្អរបស់អ្នកទៀត។

រូបតំណាង

៥. ចាប់ផ្ដើមលែងមានអារម្មណ៍ពិបាកចិត្តនៅពេលដែលមិនបានជួបគាត់ ៖ ជួប ឬ មិនជួបក៏លែងមានបញ្ហាសម្រាប់អ្នក ព្រោះអ្នកគិតថាអត់មានគាត់អ្នកសប្បាយចិត្តជាង ព្រោះនៅជាមួយគាត់ក៏រឹតតែធ្វើឲ្យអ្នកពិបាកចិត្តថែម។

បើដឹងថាខុសហើយ គួរតែកុំបណ្ដោយឲ្យខុសកាន់តែខ្លាំងទៀត ព្រោះជីវិតយើងគួរតែល្អជាងនេះ៕

ប្រភព៖ relrules ប្រែសម្រួល៖ ផេង ផលធិតា