រឿងទាំង ៥ ដែលនារីគ្រប់រូបត្រូវតែធ្វើមុនពេលយកប្ដី បើមិនចង់ឲ្យពេលវេលាហួសឥតន័យ

2017-06-26 09:19:12
ចំនួនមតិ 0 | ចំនួនចែករំលែក 0

បើអ្នកជិតចូលរោងការហើយមិនទាន់ធ្វើរឿងទាំងនេះ ដាច់ខាតត្រូវធ្វើម្ដង កុំឲ្យយុវភាពកន្លងទៅឥតន័យ។

១. មានស្នេហា២ឬ៣

ឲ្យតែអ្នកមិនចាប់ត្រីដៃពីរ រឿងដែលអ្នកចង់មានសង្សារប៉ុន្មាននាក់ ក៏គ្មានអ្នកណាមានសិទ្ធិវាយតម្លៃអ្នកដែរ តែកុំដល់ថ្នាក់ដូរសង្សារដូចខោអាវនោះ។ ដូចនេះហើយ សូមឲ្យបេះដូងអ្នកដើរផ្សងព្រេងពីរ បីដងសិនចុះ មុនសម្រេចចិត្តវេចបង្វេចទៅតាមប្ដី។ លើសពីនេះទៅទៀត តាមវិធីនេះដែរ អ្នកមានបទពិសោធន៍ដើម្បីប្រៀបធៀបអ្នកណាល្អជាងអ្នកណា។

រូបតំណាង

**២. បើមានលទ្ធភាព គួររើចេញនៅក្រៅមួយរយៈ**

កាលពីមុន មនុស្សស្រីក្រោយពេលរើចេញពីផ្ទះឪពុកម្ដាយបង្កើតគឺទៅនៅផ្ទះប្ដីតែម្ដង តែឥលូវនេះ មិនចាំបាច់ដល់ពេលនោះ ទើបអាចចេញនៅក្រៅបាន។ សុំការអនុញ្ញាតពីប៉ាម៉ាក់ចេញនៅក្រៅ ដើម្បីដឹងពីជីវិតឯករាជ្យ១០០%។ ថ្ងៃក្រោយពេលមានប្ដីមានកូនហើយ អ្នកនឹងគ្មានពេលស្រែកលេងជាមួយក្រុមមិត្តភ័ក្ដិទៀតឡើយ។

៣. ទូទាត់បំណុលទាំងអស់

វាពិតជារឿងមិនសមគួរមួយដែលយើងចាំឲ្យប្ដីសងបំណុលឲ្យអ្នក នៅពេលអ្នកដែលចាយវាគឺជាខ្លួនឯង។ ទំនួលខុសត្រូវរបស់អ្នកគឺទូទាត់រាល់បំណុលផ្ទាល់ខ្លួនទាំងអស់ ហើយក៏ត្រូវដឹងដែរថាដៃគូជីវិតរបស់យើងក៏មិនជំពាក់បំណុលអ្នកណាទាំងអស់។ មានមនុស្សជាច្រើនក្រោយការសន្សំលុយមិនបានមួយកាក់ដើម្បីចិញ្ចឹមកូនដោយសារតែរវល់ដោះបំណុលមុនពេលការ។

៤. ក្លាហានឈប់ពីការងារដែលធ្វើឲ្យយើងពិបាកចិត្ត

ការងារសព្វថ្ងៃធ្វើឲ្យអ្នកមិនសប្បាយចិត្ត ប្រាក់ខែមិនទាន់ត្រូវចិត្ត វាធ្វើឲ្យអ្នកតឹងទ្រូងក្រោយធ្វើការពេញមួយថ្ងៃ? នោះអ្នកគួរតែបញ្ចប់វាឲ្យឆាប់រហ័ស។ បើអ្នកនៅតែស៊ូទ្រាំជាមួយវាទៀត មិនយូរមិនឆាប់អ្នកអាចឆ្កួតក៏ថាបាន។

៥. រៀនស្រលាញ់ខ្លួនឯងឲ្យបានច្រើន

ការស្រាវជ្រាវមួយបានឲ្យដឹងថា នារីនៅលើពិភពលោកមិនដល់១០%ផងដែលពេញចិត្តនឹងរូបសម្បត្តិរបស់ខ្លួន។ សង្ឃឹមថាអ្នកមិនស្ថិតក្នុងចំណោម១០%នោះទៅចុះ។ វាគ្មានខុសអ្វីនោះទេ បើសិនជាទម្ងន់អ្នកលើសទម្ងន់ស្ដង់ដាពីរទៅ៣គីឡូ។ ហើយវាក៏មិនខុសអ្វីដែរ ដែលមុខរបស់អ្នកគ្មានទម្រង់អក្សរ V។ សូមឲ្យតម្លៃខ្លួនឯង និងស្រលាញ់ខ្លួនឯងមុនគេ មុនពេលមានអ្នកណាស្រលាញ់អ្នក៕