បារម្ភសុវត្ថិភាពកាបូបអីវ៉ាន់ពេលធ្វើដំណើរ គួរធ្វើយ៉ាងណាល្អ?

2017-06-21 02:58:20
ចំនួនមតិ 0 | ចំនួនចែករំលែក 0

ស្រីៗជាពិសេស ពេលដើរលេងម្ដងៗតែងអ៊ីវ៉ាន់ និងខោអាវស្អាតៗដែលយើងស្រឡាញ់បំផុតឲ្យច្រើនតាមដែលអាចធ្វើបាន។ បញ្ហាត្រង់ថាសុវត្ថិភាពអីវ៉ាន់ល្អៗរបស់យើងអាចពិបាកថែរក្សា។ តើគួរធ្វើយ៉ាងណាល្អ?

១. ដំបូងត្រូវរៀបអីវ៉ាន់ឲ្យឆ្លាត៖ ដើម្បីកាត់បន្ថយចំនួនខ្លះកុំឲ្យច្រើនពេក។ ឧទាហរណ៍បើទៅលេងសមុទ្រ មិនចាំបាច់យកកាបូប ឬស្បែកជើង Brand អីទេ។ ត្រៀមរបស់ខ្លះត្រូវជាមួយសមុទ្រ ឬត្រូវទឹកមិនខូចទៅបានហើយ។

២. ដាក់ព័ត៌មានខ្លះនៅជាប់កាតាប៖ ដូចជាកាតសណ្ឋាគារដែលយើងនៅ លេខទូរស័ព្ទ ឬអ្វីក៏ដោយឲ្យតែងាយទាក់ទងមកយើង។ វិធីនេះដើម្បីការពារក្រែងមានករណីវង្វេងកាបូបនៅកន្លែងធ្វើដំណើរ អ្នករើសបានគេងាយទាក់ទងមកយើង។

៣. ថតចម្លង៖ គួរតែថតចម្លងឯកសារសំខាន់ៗដូចជា Passport ជាដើមទុកនៅកាបូបផ្សេងគ្នា ជាពិសេសគឺពេលធ្វើដំណើរទៅក្រៅប្រទេស។

៤. ដាក់កាបូបនៅកន្លែងងាយមើលឃើញ៖ ដើម្បីអាចឃើញទាន់ពេលករណីគេចង់លួចអីវ៉ាន់។ បើជៀសដាក់កាបូបឆ្ងាយមិនបាន យើងគួរប្រមូលវត្ថុមានតម្លៃដាក់ក្នុងកាបូបតូចជិតខ្លួនវិញ។

៥. ចាំព័ត៌មានទាក់ទងនឹងកាបូបយើងឲ្យច្បាស់៖ ដូចជាពណ៌អ្វី ម៉ាកអ្វី ទំហំប្រហែលប៉ុន្មាន និងមានអ្វីខ្លះក្នុងនោះ។ វិធីនេះគឺងាយស្រួលរៀបរាប់ប្រាប់ប៉ូលិស ឬសន្តិសុខក្នុងករណីបាត់ពេលធ្វើដំណើរ៕