គួរបែកគ្នាដោយរបៀបណាទើបដៃគូមិនឈឺចាប់?

2017-06-20 10:50:23
ចំនួនមតិ 0 | ចំនួនចែករំលែក 0

ខ្ញុំតែងតែទទួលបានសំណួរពីមនុស្សជាច្រើន ដែលសួរថាបើមនុស្សពីរនាក់កំពុងតែស្រឡាញ់គ្នាសុខៗ តើគួរបែកគ្នាដោយរបៀបណាទើបដៃគូគ្មានភាពឈឺចាប់។ សម្រាប់សំណួរមួយនេះ បើយើងគិតឱ្យដិតដល់ទៅ វាអាស្រ័យទៅលើសាម៉ីខ្លួនជាអ្នកសម្រេចចិត្តធ្វើឱ្យខ្លួនឯងឈឺចាប់ឬ មិនឈឺចាប់ មិនថាវាជាទំនាក់ទំនងស្នេហាជ្រាលជ្រៅយ៉ាងណាក៏ដោយ។

**រូបតំណាង**

ជាក់ស្តែង ដៃគូស្នេហាដែលកំពុងឈានដល់ដំណាក់កាលបែកបាក់ជាច្រើនតែងតែនឹកឃើញនូវគំនិតអវិជ្ជមានម្យ៉ាង «បើយើងពិតជាល្អគ្រប់គ្រាន់មែន គេក៏មិនចាកចេញពីយើងងាយៗដែរ»។ ប៉ុន្តែនេះគ្រាន់តែជាការយល់ឃើញដ៏លំអៀងមួយ ព្រោះថាពេលខ្លះមនុស្សពីរនាក់សម្រេចចិត្តចាកចេញពីគ្នា គឺបណ្តាលមកពីអារម្មណ៍ដែលអស់ចិត្តដោយឯកឯង មិនមាននរណាម្នាក់ត្រូវឬខុសឡើយ។ ជាងនេះទៀត សាម៉ីខ្លួនក៏គួរតែទទួលស្គាល់ថាដៃគូពិតជាមិនអាចរស់នៅជាមួយយើងបានទៀតទេ ហើយជាពិសេសយើងក្លាហានអាចនិយាយពីទុក្ខលំបាកក្នុងពេលដែលកំពុងស្រឡាញ់គ្នា ចេញមកឱ្យដៃគូម្ខាងទៀតបានដឹងដោយមានការទទួលខុសត្រូវ និងគ្មានការស្តីបន្ទោស។ ថ្វីត្បិតតែមូលហេតុនៃការបែកបាក់វាអាចមានច្រើនជាងអ្វីដែលបានរៀបរាប់ខាងលើ ប៉ុន្តែចំពោះដំណោះស្រាយសម្រាប់ការបែកគ្នាដោយគ្មានភាពឈឺចាប់នោះគឺ ដៃគូទាំងសងខាងក្លាហានទទួលយកការពិត ហើយមិនចាប់កំហុសគ្នាឬស្តីបន្ទោសឡើយ៕

ប្រភព៖ thoughtcatalog ប្រែសម្រួល៖ អ៊ុង រ័ត្នបញ្ញា