កំហុសដដែលទាំង ៥ ស្ត្រីតែងធ្វើ ហើយនាំឲ្យសុខភាពធ្លាក់ចុះ
- 2017-06-19 07:00:00
- ចំនួនមតិ 0 | ចំនួនចែករំលែក 0
កំហុសដដែលទាំង ៥ ស្ត្រីតែងធ្វើ ហើយនាំឲ្យសុខភាពធ្លាក់ចុះ
កំហុសទាំងនេះ ស្រ្តីភាគច្រើនតែងប្រព្រឹត្ត ហើយវាអាចនាំឲ្យសុខភាពយើងធ្លាក់ចុះទៀតផង។ ខាងក្រោមនេះជាកំហុសទាំង ៥ ដែលស្រីៗច្រើនធ្វើជារឿយៗ៖
១.មិនផឹកទឹកឲ្យបានច្រើន
មិនបាច់ឆ្ងល់ទេថាហេតុអ្វី បានជាយើងឧស្សាហ៍ផ្ដាសាយម្ល៉េះ នោះព្រោះតែការមិនបានផឹកទឹកឲ្យច្រើន។ កាលណាខ្វះជាតិទឹក នោះរាងកាយងាយជួបនឹងជំងឺណាស់។
២.រំលង ឬមិនបរិភោគអាហារឲ្យបានគ្រប់គ្រាន់
ដឹងថាស្រីៗយើងមិនសូវជាហ៊ានញ៉ាំប៉ុន្មានទេ ព្រោះខ្លាចធាត់។ តែទង្វើទាំងនេះធ្វើឲ្យសុខភាពធ្លាក់ចុះ ព្រោះខ្វះជីវជាតិគ្រប់គ្រាន់។ ដូចនេះគួរតែញ៉ាំបន្លែផ្លែឈើឲ្យបានច្រើន និងកាត់បន្ថយសាច់វិញ។
៣.ទទួលទានប្រូតេអ៊ីនមិនបានគ្រប់គ្រាន់
កង្វះប្រូតេអ៊ីនក៏ជាបញ្ហាចម្បងដែលនាំឲ្យសុខភាពស្ត្រីចុះអន់ថយ ដូចនេះគួរងាកមកទទួលទានអាហារណាដែលសម្បូរជាតិប្រូតេអ៊ីនឲ្យបានច្រើនទើបល្អចំពោះសុខភាព។
៤.មិនធ្វើលំហាត់ប្រាណ
ការមិនដែលធ្វើលំហាត់ប្រាណសោះ ទើបជាមូលហេតុដែលស្ត្រីភាគច្រើនឈឺ ព្រោះជាតិពុលក្នុងខ្លួនមិនបានបញ្ចេញមកក្រៅ។ ដូចនេះគួរហាត់ប្រាណ ៣ ដងយ៉ាងតិចក្នុងមួយសប្ដាហ៍។
៥.គេងមិនបានគ្រប់គ្រាន់
ប្រសិនបើយើងរវល់តែជក់មើលរឿងប្រលោមលោក ឬលេង Facebook ដល់ម៉ោង ១, ២ យប់នោះខួរក្បាលយើងមិនបានសម្រាកឡើយ៕