មនុស្សស្រីបើចង់ឲ្យខ្លួនកាន់តែទាក់ទាញ ចូរកុំភ្លេចរឿងតូចៗទាំងនេះ

2017-06-11 06:10:00
ចំនួនមតិ 0 | ចំនួនចែករំលែក 0

មិនមែនទាល់តែតែងខ្លួនឆើតឆាយ ទើបធ្វើឲ្យយើងទាក់ទាញទេ។ រឿងតូចៗទាំងអស់នេះ ក៏អាចធ្វើឲ្យអ្នកដទៃសម្លឹង និងលង់ស្នេហ៍លើយើងបានដែរ៖

១.រូបថតស្អាត៖ មានត្រឹមរូបថតស្អាតៗ ក៏ធ្វើឲ្យអ្នកដទៃចាប់អារម្មណ៍មកលើយើងបានដែរ។ ដោយរូបទាំងនោះត្រូវតែមានអមជាមួយទេសភាព និងពន្លឺគ្រប់គ្រាន់ ហើយក៏គួរតែមានស្ទីលប្រចាំខ្លួនដែរ។

រូបតំណាង

**២**.បុគ្គលិកលក្ខណៈ៖ អ្វីដែលទាក់ទាញអ្នកដទៃបំផុតនៅលើខ្លួនយើង គឺបុគ្គលិកលក្ខណៈថ្លៃថ្នូរ មិនមែនសម្ភារៈទំនើបឡើយ។

៣.អនុវត្តឥរិយាបថឲ្យល្អ៖ គួរតែបង្ហាញខ្លួនជាមួយឥរិយាបថសមរម្យ ទើបអ្នកដទៃចាប់អារម្មណ៍យើងជាងសំពត់ខើចខ្លី។

៤.ស្នាមញញឹម៖ ការញញឹមទៅរកមនុស្សជុំវិញខ្លួន ទោះមិនដែលស្គាល់ គឺជាមន្តស្នេហ៍សណ្ដំចិត្ត។

រូបតំណាង

៥.មានសត្វចិញ្ចឹម៖ យើងគួរតែមានសត្វចិញ្ចឹមដ៏ឆ្លាត និង cute បណ្ដើរជាមួយក៏ទាញក្រសែភ្នែកគេឲ្យមកសម្លឹងយើងបានដែរ។

៦.គួរស្លៀកពាក់ពណ៌ក្រហម៖ ក្រហម គឺជាពណ៌ដែលចាំងឆ្លុះចាស់ និងធ្វើឲ្យអ្នកដទៃមើលមកយើងក្នុងពេលដ៏ខ្លី។

៧.បង្ហាញកាយវិការគួរឲ្យស្រលាញ់៖ ឥឡូវនេះមានស្ទីលគួរឲ្យស្រលាញ់ជាច្រើន ដូចជាលើកម្រាមពីរម្រាមដៃ ដែលកាយវិការទាំងនេះសុទ្ធតែគួរឲ្យចាប់អារម្មណ៍ទាំងអស់។

៨.មាន Body Language៖ មនុស្សស្រីដែលមាន Body Language ឆាប់ទទួលបានការចាប់អារម្មណ៍ពីមនុស្សគ្រប់ភេទ។

រូបតំណាង

៩.ធ្វើអ្វីដែលល្អ ដោយមិនចាច់សម្ដែង៖ ទង្វើចេញពីចិត្ត និងជាការសម្ដែងគេអាចមើលដឹងភ្លាមៗ។ ដូចនេះមិនបាច់ខំប្រឹងសម្ដែងបង្ហាញពីសកម្មភាពដូចជាចិត្តល្អណាស់នោះទេ តែគួរធ្វើអ្វីដែលជាភាពសាមញ្ញៗ ទើបគេសម្លឹងមើលយើងដោយមិនដាក់ភ្នែកខ្លួនឯង៕

ប្រភព៖ Allwomenstalk ប្រែសម្រួល៖ ទ្រី រ៉ាវី