៥ យ៉ាងពន្យល់ពីសំណួរ «ហេតុអ្វីបានជាស្រីៗគួរធ្វើដំណើរកម្សាន្តតែម្នាក់ឯង?»

2017-06-06 03:38:34
ចំនួនមតិ 0 | ចំនួនចែករំលែក 0

សម្រាប់ស្រីៗ ការដើរលេងម្នាក់ឯង មិនមែនជារឿងអាក្រក់អ្វីនោះទេ តែមានប្រយោជន៍ច្រើនទៅវិញ។ ហេតុផលខាងក្រោមនឹងបញ្ជាក់យ៉ាងច្បាស់ថា «ហេតុអ្វីដែលស្រីៗគួរធ្វើដំណើរកម្សាន្តតែម្នាក់ឯង» ល្អប៉ុណ្ណា៖

១.នារីៗគួរធ្វើដំណើរតែម្នាក់ឯង គឺដើម្បីឲ្យខ្លួនឯងដឹងថា យើងជាមនុស្សដែលមានភាពរឹងមាំកម្រិតណា។ ក្នុងការទៅកម្សាន្តដោយគ្មានមិត្តភ័ក្ដិ ឬគ្រួសារអាចជួយស្ត្រីកាន់តែយល់ដឹងពីសមត្ថភាព ហើយអាចសម្រេចអ្វីដោយជោគជ័យបានគ្មានការការពារ ឬជំនួយពីនរណាម្នាក់។

២.ប្រសិនបើក្រុមហ៊ុនបញ្ជូនឲ្យទៅក្រៅ មនុស្សស្រីគួរហ៊ានទៅណាមកណាម្នាក់ឯង ព្រោះយើងនឹងរីករាយជាមួយបេសកកម្មដែលខ្លួនកំពុងធ្វើ។ នោះយើងនឹងថាអ្វីដែលខ្លួនឯងគិតថាពិបាក មិនអាចឆ្លងកាត់បាន ពេលទៅម្នាក់ឯងនោះ, មិនមែនជាការពិតឡើយ ហើយទាំងនេះជាគន្លឹះដើម្បីឲ្យមានភាពជឿជាក់លើខ្លួនឯងកាន់តែច្រើន។ ម្យ៉ាងទៀតអាចជួយឲ្យដឹងថា យើងមិនគួរពឹងផ្អែកលើអ្នកដទៃទៀតទេ ព្រោះយើងក៏មានសមត្ថភាពដែរ។

៣.យើងគួរធ្វើដំណើរតែឯង គឺដើម្បីទទួលបានបទពិសោធជីវិតថ្មី។ បទពិសោធទោះល្អ ឬអាក្រក់នឹងធ្វើឲ្យយើងកាន់តែមានភាពចាស់ទុំ និងផ្ដល់ឲ្យយើងនូវទស្សនៈផ្សេងគ្នាអំពីជីវិត។

៤.មនុស្សស្រីគួរធ្វើដំណើរកម្សាន្តម្នាក់ឯង ដើម្បីពង្រឹងសមត្ថភាពគ្រប់គ្រងខ្លួនឯង និងការរស់នៅខ្លួនឯង។ ដោយសូម្បីតែការធ្វើដំណើរនោះត្រឹម ២-៣ ថ្ងៃក៏អាចបង្រៀនយើងពីរបៀបគ្រប់គ្រងពេលវេលា និងប្រាក់កាក់បានដែរ។

៥.ការធ្វើដំណើរតែម្នាក់ឯងអាចឲ្យយើងដឹងថាពិភពលោកខាងក្រៅគួរឲ្យខ្លាច ឬស្រស់ស្អាតប៉ុណ្ណា ប៉ុន្តែយើងនឹងចេះដោះស្រាយបញ្ហាដែលនៅចំពោះមុខបាន។ មិនត្រឹមតែប៉ុណ្ណោះយើងនឹងក្លាយជាស្ត្រីដែលមានការសម្រេចចិត្តឯករាជ្យ ព្រោះយើងបានទៅឃើញហេតុការណ៍ផ្ទាល់ៗ ហើយយើងក៏រៀនចេះពីវិធីគ្រប់គ្រងអារម្មណ៍កុំឲ្យភ័យតក់ស្លុត និងក្លាយជាមនុស្សមានឥទ្ធិពល ព្រោះតែភាពក្លាហាន។

សរុបទៅជីវិតគឺខ្លីណាស់ ដូចនេះយើងគួរតែទៅណាម្នាក់ៗឯងខ្លះ ទើបអាចសម្រេចការងារ និងក្លាយជាមនុស្សស្រីអស្ចារ្យបាន៕

ប្រភព៖ fustany ប្រែសម្រួល៖ ទ្រី រ៉ាវី