ចង់ធ្វើជានារីមានភាពច្បាស់លាស់ក្នុងការងារ គួរចេះក្បួនទាំង ៦ នេះ
- 2017-05-24 02:55:22
- ចំនួនមតិ 0 | ចំនួនចែករំលែក 0
ចង់ធ្វើជានារីមានភាពច្បាស់លាស់ក្នុងការងារ គួរចេះក្បួនទាំង ៦ នេះ
រាល់ថ្ងៃនេះបើសង្កេតឃើញថាខ្លួនឯងដូចជាមមាញឹកខុសគេខុសឯង នោះមកពីយើងគ្មានភាពច្បាស់លាស់ និងរៀបចំកិច្ចការ។ ដូចនេះបើចង់ធ្វើជានារីដែលពូកែដែលអាចចាត់ចែងការងារបានយ៉ាងរលូនគួរចេះក្បួនទាំង ៦ ដូចខាងក្រោម៖
១.ការងារធ្វើនៅតែកន្លែងធ្វើការបានហើយ
មិនថាថ្ងៃឈប់សម្រាក ឬទៅដើរលេងតែងស្ពាយកុំព្យូទ័រទៅធ្វើការជាមួយគ្រប់កន្លែង នោះជីវិតយើងគ្មានសេចក្ដីខុសឡើយ ហើយអ្នកដែលនៅជាមួយក៏ធុញទ្រាន់ទៀត។ ម្យ៉ាងទៀតការឈប់សម្រាកក៏គ្មានន័យដែរ ព្រោះអារម្មណ៍ដិតដាមនឹងការងារ។
២.មានផែនការច្បាស់លាស់
នារីឆ្លាតវៃគួរតែមានផែនការប្រចាំសប្ដាហ៍,ប្រចាំខែ និងប្រចាំឆ្នាំ ដើម្បីឲ្យដឹងថាក្នុងសប្ដាហ៍នេះយើងត្រូវធ្វើអ្វីខ្លះ ហើយក្នុងមួយខែៗសម្រេចបានការងារអ្វីខ្លះ ទើបអាចបូកសរុបលទ្ធផលចុងឆ្នាំបាន។
៣.ចាប់ផ្ដើមធ្វើតាំងពីការងារតូចតាច
កុំចាំការងារគរដូចភ្នំចាំចាប់ផ្ដើមធ្វើអី តែគួរធ្វើកិច្ចការម្ដងមួយៗទៅទើបមិនវីវក់ និងអាចមានពេលទំនេរច្រើន។ មួយវិញទៀតកុំរើសអើងថាការងារតូចតាចអី ព្រោះការចាប់ផ្ដើមពីចំណុចតូច ទើបអាចសម្រេចការងារធំបាន។
៤.ទំនួលខុសត្រូវចំពោះការងារ
ពេលមានកំហុសឆ្គងត្រូវចេះទទួលខុសត្រូវចំពោះអ្វីដែលខ្លួនបានធ្វើ ហើយមិនត្រូវធ្វើអ្វីឲ្យរួចខ្លួនឯង មិនខ្វល់ពីអ្នកដទៃមានទុក្ខឡើយ។
៥.បែងចែកពេលវេលា
គួរតែចេះបែងចែកពេលវេលាសម្រាប់មិត្តភ័ក្ដិខ្លះ,គ្រួសារខ្លះ និងជាមួយដៃគូស្នេហាខ្លះ ធ្វើបែបនេះទើបជីវិតយើងមានភាពកក់ក្ដៅពីមនុស្សនៅជុំវិញខ្លួន។
៦.ពេលផ្ទាល់ខ្លួន
បន្ទាប់ពីបែងចែកសម្រាប់មនុស្សនៅជុំវិញខ្លួនហើយ យើងក៏ត្រូវបែងចែកពេលសម្រាប់ខ្លួនឯងដែរ។ ដោយធ្វើយ៉ាងណាត្រូវឆ្លៀតពេលថែរក្សាសម្រស់ និងនៅម្នាក់ឯងកុំឲ្យពាក់ព័ន្ធបញ្ហាអ្វីផ្សេងៗ៕