សញ្ញាទាំង ៦ យ៉ាងដែលបញ្ជាក់ថាអ្នកកំពុងតែស្ថិតក្នុងទំនាក់ទំនងស្នេហាដ៏អាក្រក់មួយ

2017-05-19 08:03:24
ចំនួនមតិ 0 | ចំនួនចែករំលែក 0

គ្មាននរណាម្នាក់ចង់ឲ្យស្នេហាខ្លួនមានរឿងមិនល្អកើតឡើងនោះទេ ប៉ុន្តែពេលខ្លះយើងមិនអាចឃាត់វាជាប់នោះទេ ព្រោះអ្វីដែលគង់នឹងមក វានឹងមក។ បើសិនជាអ្នកឃើញសញ្ញាទាំងនេះ នោះបញ្ជាក់ថាអ្នកកំពុងនៅក្នុងទំនាក់ទំនងស្នេហាដ៏អាក្រក់មួយហើយ ៖

១. អស់កម្លាំងចំពោះស្នេហា ៖ អ្នកមានអារម្មណ៍មិនចង់និយាយ មិនចង់បញ្ចេញសកម្មភាពអីទាំងអស់ គឺចង់នៅស្ងប់ស្ងាត់ សម្រាក ហើយគឺរក្សាគម្លាតខ្លួនឯងពីស្នេហា។

រូបតំណាង

**២. អស់ការគោរព ៖** អ្នកទាំងពីរចាប់ផ្ដើមឆ្មើងឆ្មៃដាក់គ្នា ហើយនិយាយក៏មិនសូវជារម្យទម ហើយនិយាយពាក្យចេញមកតាមតែកំហឹង គ្មានគិតអីនោះឡើយ។

៣. ឈ្លោះគ្នាកាន់តែច្រើនទៅៗ ៖ ការខ្វែងគំនិតគ្នាកាន់តែកើនឡើង ហើយមានរឿងជាញឹកញាប់ ទោះបីពេលខ្លះគ្មានរឿងអីធំដុំកើតឡើងក៏ដោយ ក៏មានរឿងឈ្លោះគ្នាដែរ។

៤. ស្ងៀមស្ងាត់ ៖ ទំនាក់ទំនងអ្នកកាន់តែស្ងប់ស្ងាត់ គ្មានអីត្រូវជជែកគ្នា ហើយគ្មានភាពរីករាយ និង អ៊ូអរ ទោះបីជាអ្នកនៅជាមួយគ្នាក៏ដោយ ក៏អ្នកនៅតែមានអារម្មណ៍ថាឯកា។

៥. យកត្រូវរៀងខ្លួន ៖ ពេលដែលមានរឿងកើតឡើង អ្នកទាំងពីរតែងតែព្យាយាមការពារខ្លួនឯង ហើយយកត្រូវរៀងខ្លួន គ្មានការយោគយល់គ្នា ហើយមិនអាចសម្របខ្លួនជាមួយគ្នាបាន។

រូបតំណាង

៦. លាក់បាំង ៖ អ្នកឬក៏គាត់ចាប់ផ្ដើមចេះលាក់បាំងរឿងជាមួយគ្នា ហើយអាចព្យាយាមកុហកគ្នា ដើម្បីនរណាម្នាក់ទៀត ឬដើម្បីអ្វីមួយដែលធ្វើឲ្យល្អក់កករដល់ស្នេហារបស់អ្នក។

បើសិនជាមានមែន អ្នកគួរតែប្រញាប់ដោះស្រាយវាទៅ ព្រោះទុកនៅទៀតក៏គ្មានបានអីនោះដែរ គឺមានត្រឹមតែឈឺចាប់ប៉ុណ្ណោះ៕

ប្រភព៖ Lovepanky ប្រែសម្រួល៖ ផេង ផលធិតា