មានសញ្ញាទាំង៤នេះ បញ្ជាក់ថាគេលែងស្រលាញ់យើងហើយ

2017-05-17 09:57:51
ចំនួនមតិ 0 | ចំនួនចែករំលែក 0

មនោសញ្ចេតនាគឺជារឿងដែលមិនអាចនិយាយមុន នៅពេលដែលគេចង់ដោះដៃហើយ បើទោះជាអ្នកព្យាយាមអូសទាញយ៉ាងណាក៏លែងបានដែរ។ ដូចគ្នានេះដែរ នៅពេលដែលបុរសមានសញ្ញាទាំងនេះ មានន័យថាគេចាប់ផ្ដើមធុញទ្រាន់នឹងចំណងស្នេហ៍មួយនេះហើយ។

អ្នកលែងជាបុគ្គលសំខាន់ជាងគេរាល់ពេលគិតដល់

កាលពីមុន នៅពេលមានអ្វីសប្បាយចិត្ត គេនឹងយកមកប្រាប់អ្នកមុនគេ។ ពេលរបស់ញ៉ាំឆ្ងាញ់ ក៏នឹងទុកមួយចំណែកសម្រាប់អ្នក។ ស្គាល់កន្លែងដើរលេងណាសប្បាយ នឹងនាំអ្នកទៅមុនគេ។ រីឯពេលនេះវិញ ប្រាកដហើយថាអ្នកលែងបានទទួលកាដូតូចតាចទៀតហើយ ហើយអ្នកក៏មិនចាំដែរថា ការដើរលេងលើកចុងក្រោយរបស់អ្នកទាំង២នៅពេលណានោះឡើយ។

រូបតំណាង

**ពេលខ្លះអ្នកប្រៀបដូចជាប្រឡាក្នុងកែវភ្នែករបស់គេ**

យើងធ្វើអីក៏គេមិនពេញចិត្ត។ គ្រាន់តែអ្នកលេងសើចបន្តិចបន្តួច គេស្រាប់តែមួម៉ៅបើទោះបីជាការពីមុនគេចូលចិត្តលលេងជាមួយអ្នកក៏ដោយ។ នៅពេលដែលមនោសញ្ចេតនារីងស្ងួតហើយ រាល់សកម្មភាពរបស់អ្នកនឹងធ្វើឲ្យគេធុញថប់។

លែងចំណាយពេលនៅក្បែរអ្នកពេលទំនេរ

គេនឹងទម្លាក់លើការងារថារកពេលដកឃ្លាអត់បាន ត្រូវទៅជួបអតិថិជន ត្រូវចំណាយពេលរៀនច្រើនមុន...។ និយាយរួមទៅធ្វើយ៉ាងម៉េចកុំឲ្យមានពេលវេលានៅក្បែរអ្នកតែម្ដង។ ដោយសារតែអស់ចិត្តហើយ ដូចនេះគេក៏មិនដឹងត្រូវធ្វើអ្វីដែរនៅពេលនៅតែ២នាក់ជាមួយយើង។

គេលែងចង់ឈ្លោះប្រកែកជាមួយអ្នក

គេតែងនិយាយថា៖ "បើនៅឈ្លោះគ្នា គឺនៅស្រលាញ់គ្នា"។ ដូច្នេះ បើសិនជាដល់ដំណាក់កាលមួយដែលគេលែងចង់ប្រកែកជាមួយអ្នកហើយ មានន័យថាអ្នកចង់គិតអីគិតទៅ គេលែងខ្វល់ហើយ៕

ប្រភព៖ Guu ប្រែសម្រួល៖ ដេត ធន្នី