សម្ដី១០ឃ្លាដែលប្រុសៗចូលចិត្តនិយាយ និងអត្ថន័យពិតប្រាកដរបស់វា
- 2017-05-17 08:44:40
- ចំនួនមតិ 0 | ចំនួនចែករំលែក 0
សម្ដី១០ឃ្លាដែលប្រុសៗចូលចិត្តនិយាយ និងអត្ថន័យពិតប្រាកដរបស់វា
គ្មានអ្វីជាអាថ៌កំបាំងទេដែលថា សម្ដីរបស់បុរសនឹងស្ត្រីខុសគ្នាស្ទើរទាំងស្រុងព្រោះបុរសតែងនិយាយត្រង់ៗនិងងាយយល់ជាងស្ត្រី។ សម្រាប់ស្ត្រីយើង បើរៀនធ្វើការសង្កេតបន្តិចនោះ យើងនឹងអាចសម្គាល់ពីសម្ដីរបស់មិត្តប្រុសបានយ៉ាងងាយ៖
១. «អត់អីទេ អូនឯងមើលទៅស្អាតតា!»៖ ជាចម្លើយភ្លាមៗពេលយើងសុំយោបល់គាត់ទាក់ទងនឹងការទិញខោអាវ ស្បែកជើង ឬគ្រឿងអលង្ការជាដើម។ តាមពិតបើគាត់ស្រឡាញ់យើងហើយ គាត់មិនបានខ្វល់ពីរឿងទាំងអស់នេះទេ។
២. «ចាំបង Call ទៅ»៖ សុំទោសផងសម្រាប់ចម្លើយនេះ តែគាត់ប្រហែលជាមិន Call ក្នុងពេលឆាប់ៗទេ។ គាត់គ្រាន់តែចង់ឲ្យយើងស្ងប់ចិត្តសិនប៉ុណ្ណោះ។
៣. «ម្នាក់ហ្នឹងជានរណាគេ?»៖ គាត់ចង់ដឹងថាមិត្តភ័ក្ដិប្រុសយើងនោះជានរណា? វាជាសញ្ញាថាគាត់កំពុងប្រច័ណ្ឌហើយ។ គាត់នឹងចាំស្ដាប់ការបកស្រាយរបស់យើងដើម្បីចង់ដឹងថាគាត់កំពុងតែមានអ្នកជ្រៀតជ្រែកឬយ៉ាងណា។
៤. «អូនឯងមើលទៅមានធាត់ឯណា!»៖ អាចជាចម្លើយពិត។ ប៉ុន្តែ បើទោះជាគាត់គិតថាយើងធាត់មែនក៏និយាយចេញមកមិនកើតដែរ។
៥. «មិត្តបងគេហៅបងទៅដើរលេងល្ងាចហ្នឹង អូនគួរតែទៅដែរ»៖ វាជាសញ្ញាថាគាត់ស្រឡាញ់យើងគ្រប់គ្រាន់រហូតដល់ចង់នាំយើងទៅឲ្យមិត្តគាត់ស្គាល់ហើយ។ វាជាជំហានវិជ្ជមានមួយក្នុងទំនាក់ទំនងស្នេហា។
៦. «បងនិយាយលេងតា កុំខឹង»៖ ប្រហែលជាមិនមែនជារឿងកំប្លែងទេ តែគាត់ទើបតែចាប់អារម្មណ៍ថាយើងខឹងគាត់ ទើបគាត់ព្យាយាមលួងយើងវិញ។
៧. «ចាំនិយាយគ្នាតាមក្រោយ»៖ មើលទៅគាត់គ្មានបំណងចង់បន្តពេលក្រោយទេ។ គាត់គ្រាន់តែចង់បញ្ចប់វាពេលនេះឲ្យផុតប៉ុណ្ណោះ។ លើកក្រោយប្រហែលគាត់បំភ្លេចហើយ។
៨. «អូ! ម្នាក់ស្រីហ្នឹងបងអត់បានចាប់អារម្មណ៍ទេ»៖ តាមពិតគាត់បានសម្លឹងនាង តែគ្មានមនុស្សប្រុសឯណាសារភាពនោះទេ។
៩. «សុំទោស មកពីបងទើបតែឃើញមិញនេះ»៖ ពាក្យនេះគាត់តែងនិយាយពេលគាត់មិនបានតបសារ ឬ ទូរស័ព្ទយើង។ ជួនកាលគាត់ឃើញយូរហើយ គ្រាន់តែគាត់មិនទាន់ចង់តបប៉ុណ្ណោះ។
១0. «បងជាអ្នកខុស»៖ គាត់ដឹងច្បាស់ថាបើគាត់បន្ទោសយើង ជម្លោះប្រាកដជាកើតឡើងមិនខាន។ បើអញ្ចឹង គាត់សុខចិត្តនិយាយបែបនេះទៅដើម្បីឲ្យឆាប់ចប់រឿង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
