ចង់ឲ្យទាក់ទាញ ស្ត្រីគួរចេះប្រើបណ្ដាញសង្គមឲ្យឆ្លាតវៃ

2017-05-17 06:05:36
ចំនួនមតិ 0 | ចំនួនចែករំលែក 0

អាចនិយាយបានថារឿងស្នេហាបច្ចុប្បន្ន បណ្ដាញសង្គមជាចំណែកមួយសំខាន់ប្រកែកមិនបាន។ ប៉ុន្តែសម្រាប់ស្រីៗ សូមកុំយល់ច្រឡំថាការបង្ហាញអ្វីៗគ្រប់យ៉ាងទៅបុរសដែលយើងចាប់អារម្មណ៍ជារឿងល្អឲ្យសោះ។ យើងត្រូវតែចេះប្រើបណ្ដាញសង្គមឲ្យឆ្លាតដើម្បីឲ្យគេឈ្លក់វង្វេងដោយឯកឯង។

១. កុំប្រញាប់លើកទូរស័ព្ទពេកគាត់ Call មកព្រោះអាចថាយើងរវល់។ វាគ្មានខុសទាស់អ្វីទេ។

២. ពេលផ្ញើសារ កុំឆ្លើយគ្រប់សព្វពេក តែគួរទុកឲ្យគាត់ឆ្ងល់ខ្លះ។

៣. ពេលគាត់ផ្ញើសារមកភ្លាម គួរទុកចន្លោះពេលខ្លះសិនចាំឆ្លើយទៅវិញ។

៤. ត្រូវចេះលាក់សកម្មភាពឲ្យគាត់ឆ្ងល់ថាយើងកំពុងធ្វើអ្វី។ កុំបង្ហាញគ្រប់យ៉ាងលើហ្វេសបុកពេក។

៥. គួរផ្ញើសារមិនលើសពី២០នាទីទេក្នុងមួយថ្ងៃ។ ធ្វើបែបនេះដើម្បីឲ្យគាត់ព្យាយាមមកជួបយើងផ្ទាល់វិញ។

៦. ទោះលេងសារពេលយប់ច្រើន តែបន្ទាប់ពីម៉ោង១២ទៅ យើងគួរបញ្ឈប់។ វាជាការបញ្ជាក់ថាយើងគេងហើយទោះតាមពិតយើងមិនទាន់គេងក៏ដោយ។

៧. ត្រូវសរសេរសារលើ Timeline របស់គាត់ឲ្យកម្រតាមដែលអាចធ្វើបាន។

៨. ចំពោះ Stickers ញញឹម សើចអីជាដើម យើងអាចផ្ញើច្រើនប៉ុណ្ណាក៏បានជាមួយមិត្តស្រីៗ ប៉ុន្តែកុំផ្ញើទៅគាត់ច្រើនពេក។

ស្រីៗគួរដឹងថាបុរសគេមិនចូលចិត្តឲ្យយើងបើកចំហទៅគេពេកទេ តែការបិទបាំងខ្លះដើម្បីឲ្យគេប្រឹងប្រែងស្វែងយល់ពីយើងជារឿងល្អវិញ។ ទោះយើងចង់នៅក្បែរគេ២៥ម៉ោងក្នុងមួយថ្ងៃក៏ដោយ ក៏មិនគួរបង្ហាញច្បាស់ៗដែរ។ នេះជាភាពទាក់ទាញមួយដែលបុរសតែងឈ្លក់វង្វេង៕

ប្រភព៖ Brightside ប្រែសម្រួល៖ Chhai Yarith