មូលហេតុ ៤ យ៉ាងដែលធ្វើឱ្យរដូវមកតិចជាងពេលធម្មតា

2017-05-02 10:09:26
ចំនួនមតិ 0 | ចំនួនចែករំលែក 0

មិត្តនារីគ្រប់គ្នាប្រាកដជាធ្លាប់ជួបប្រទះជាមួយបញ្ហាជាច្រើនទាក់ទងនឹងការមករដូវមិនប្រក្រតី ។ ខាងក្រោមនេះជាមូលហេតុខ្លះៗដែលធ្វើឱ្យមិត្តនារីយើង មករដូវតិចជាងពេលធម្មតា៖

១. គ្មានតុល្យភាពនៃទម្ងន់៖ ការឡើងចុះទម្ងន់លឿនពេក ក៏ជាបញ្ហាដែលបណ្តាលឱ្យរដូវរបស់អ្នកមកតិចជាងពេលធម្មតាផងដែរ ព្រោះប្រូតេអ៊ីន និងវីតាមីនសម្រាប់ចិញ្ចឹមនៅក្នុងសារពាង្គកាយមិនមានស្ថេរភាព ។

២. ស្ត្រេស៖ នៅពេលដែលអ្នកស្ត្រេសខ្លាំង វាបណ្តាលឱ្យដំណើរនៃការបញ្ចេញអ័រម៉ូនក្នុងរាងកាយមានភាពចុះខ្សោយ ។

៣. ជាសញ្ញានៃការមានផ្ទៃពោះ៖ នៅពេលដែលអ្នកមានផ្ទៃពោះ អ័រម៉ូនភេទស្ត្រី Estrogen នឹងត្រូវបានកាត់បន្ថយ ជាហេតុធ្វើឱ្យរដូវមកតិច ។

៤. បាត់បង់ឈាមច្រើននៅពេលសម្រាលកូន៖ ការបាត់បង់ឈាមច្រើននៅពេលសម្រាលកូន ធ្វើឱ្យលទ្ធភាពនៃការផលិតឡើងវិញរបស់អ័រម៉ូនក្នុងរាងកាយមានសភាពអន់ថយ វាថែមទាំងធ្វើឱ្យដំណើរវដ្តរដូវស្រ្តីមិនទៀងទាត់ទៀតផង ៕

ប្រភព៖ Womenshealth ប្រែសម្រួល៖ អ៊ុង រ័ត្នបញ្ញា