រឿង៦យ៉ាងដែលស្ត្រីគួរជៀសវាងនៅកន្លែងធ្វើការ

2017-05-02 03:40:49
ចំនួនមតិ 0 | ចំនួនចែករំលែក 0

ចង់ក្លាយជាបុគ្គលិកជោគជ័យម្នាក់ យើងមិនមែនត្រឹមបំពេញការងារឲ្យបានល្អតែមួយមុខទេ តែក៏ត្រូវជៀសវាងអាកប្បកិរិយាមិនគប្បីមួយចំនួនដែរ។ ចំណុចខាងក្រោមនេះគឺជាអ្វីដែលនារីៗគួរជៀសវាងនៅកន្លែងការងារ៖

១. និយាយដើមគេ៖ កុំភ្លេចថាយើងមកក្រុមហ៊ុន ឬស្ថាប័នក្នុងបំណងធ្វើការមិនមែនវិភាគពីបុគ្គលិកដទៃទេ។ បើពិតជាចាំបាច់ចង់និយាយធ្វីជាមួយមិត្តយើងមែន គួរតែចាំពេលទំនេរក្រៅកន្លែងធ្វើការ។

២. ជម្លោះ៖ មនុស្សធ្វើការច្រើន គំនិតក៏អាចមានច្រើន។ ត្រូវព្យាយាមដោះស្រាយភាពមិនយល់ស្របគ្នាតាមសន្តិវិធី និងដោយចិត្តស្ងប់ជានិច្ច។ បើវាហួសពីសមត្ថភាព យើងអាចសុំជំនួយពីអ្នកគ្រប់គ្រងបាន។

៣. មិនស្លៀកពាក់ឯកសណ្ឋាន៖ បើកន្លែងធ្វើការអាចស្លៀកពាក់សេរីនោះ វាមិនអីនោះទេ តែបើតម្រូវឲ្យប្រើឯកសណ្ឋាន យើងចាំបាច់ត្រូវប្រកាន់ឲ្យបានល្អព្រោះយើងនឹងទទួលបានការវាយតម្លៃមិនល្អមួយរំពេចបើស្លៀកពាក់មិនសមរម្យ។

៤. ទទួលខុសត្រូវតែមុខនាទីខ្លួនឯង៖ មិនចម្លែកទេ។ ក្នុងការងារ អ្នកគ្រប់គ្រងអាចស្នើយើងឲ្យជួយការងារខ្លះដែលខុសពីតួនាទី។ យើងអាចប្រកែកព្រោះវាមិនមែនជាការទទួលខុសត្រូវរបស់យើង ប៉ុន្តែយើងក៏គ្មានថ្ងៃបានឡើងតំណែង ឬប្រាក់ខែដែរ។ គួរជួយអ្វីដែលយើងអាចជួយបានទើបយើងមានឱកាសជោគជ័យខ្ពស់។

៥. មិនសហការជាក្រុម៖ ក្រៅពីការងារ ស្ត្រីមិនគួរមើលរំលងពេលអាហារថ្ងៃត្រង់ ឬពេលទំនេរដោយមិនបង្កើតទំនាក់ទំនងជាមួយបុគ្គលិកដទៃនោះទេព្រោះយើងនិងត្រូវបានគេមើលឃើញថាមិនមានស្មារតីក្រុមមិនខាន។

៦. ជៀសវាងពាក្យមិនគួរសម៖ ការចំអន់ឬនិយាយគ្នាលេងនៅកន្លែងធ្វើការមិនមែនជាអ្វីដែលត្រូវហាមខាត់ទេ ប៉ុន្តែយើងត្រូវជៀសវាងប្រើពាក្យមិនគួរសមជានិច្ចពេលនិយាយលេងសើចដើម្បីរក្សាតម្លៃរបស់យើង៕

ប្រភព៖ Womanitely ប្រែសម្រួល៖ Chhai Yarith