រឿងល្អៗ៤យ៉ាងនឹងកើតឡើងនៅពេលដែលអ្នកបញ្ឈប់ការកក់សក់រាល់ថ្ងៃ
- 2017-04-03 10:53:44
- ចំនួនមតិ 0 | ចំនួនចែករំលែក 0
រឿងល្អៗ៤យ៉ាងនឹងកើតឡើងនៅពេលដែលអ្នកបញ្ឈប់ការកក់សក់រាល់ថ្ងៃ
ការសម្អាតសក់គឺជារឿងចាំបាច់មួយសម្រាប់ស្រីៗ ព្រោះសក់គឺជាភ្នែកមួយនៃសម្រស់ដែលមនុស្សស្រីខ្វះមិនបាន។ ប៉ុន្តែបើអ្នកចេះតែសម្អាតជារៀងរាល់ថ្ងៃដោយមិនត្រឹមត្រូវនោះវាអាចនឹងបំផ្លាញសក់របស់អ្នកវិញ ដូច្នេះអ្នកគួរតែបញ្ឈប់ការសម្អាតសក់ជាប្រចាំរបស់អ្នកហើយ ព្រោះ៖ 1. អ្នកអាចសន្សំពេលបាន៣០នាទីជារៀងរាល់ព្រឹក ៖ បើអ្នកទម្លាប់សម្អាតសក់អ្នកជារៀងរាល់ព្រឹកនោះ អ្នកនឹងខ្ជះខ្ជាយពេលយ៉ាងហោចណាស់ក៏៣០នាទីដែរ។ អ្នកមិនគួរកក់សោះជារៀងរាល់ថ្ងៃពេកនោះទេ។
2. កាត់បន្ថយសារជាតិគីមីដែលអាចជ្រាបចូលក្នុងស្បែកក្បាល ៖ សាប៊ូក៏ដោយ ថ្នាំអប់ឬបន្ទន់ក៏ដោយ សុទ្ធតែមានជាតិគីមីនៅក្នុងនោះ ដូច្នេះបើអ្នកកក់ឬអប់រាល់ថ្ងៃពេកនោះអ្នកអាចប្រឈមនឹងសារជាតិគីមីច្រើនដែលបណ្ដាលឲ្យមានផលប៉ះពាល់ច្រើនដល់សុខភាព។
3. សក់របស់អ្នកមានសុខភាពល្អ ៖ សក់របស់អ្នកតែងមានជាតិប្រេងពីធម្មជាតិដែលអាចជួយឲ្យសក់ភ្លឺរលោង មានសំណើមនិងការពារការបែកបាក់។ ការលាងសក់លើសលប់អាចធ្វើឲ្យសក់របស់អ្នកខ្សោះជាតិប្រេងនិង អាចនាំអោយសក់ស្ងួតនិងផុយស្រួយ។
4. ជួយរក្សាពណ៌សក់របស់អ្នកឲ្យនៅបានយូរ ៖ ការសម្អាតសក់ជារៀងរាល់ថ្ងៃអាចឲ្យពណ៌សក់របស់អ្នកឆាប់អស់ ហើយប្រែពណ៌ និងធ្វើឲ្យឆាប់ខូចសក់ទៀតផង ដូច្នេះអ្នកគួរតែឈប់កក់សក់ជាប្រចាំទៅ។
ការសម្អាតនៅតែមានប៉ុន្តែអ្នកត្រូវដឹងពីរបៀបសម្អាតជាមុនសិន ដើម្បីការពារសក់របស់អ្នកកុំឲ្យមានបញ្ហា៕
ប្រភព ៖ Lifehack