រោគសញ្ញាលើរាងកាយដែលគួរយកចិត្តទុកដាក់ មិនអ៊ីចឹងអាចមានគ្រោះថ្នាក់

2017-03-02 09:47:45
ចំនួនមតិ 0 | ចំនួនចែករំលែក 0

មនុស្សភាគច្រើនតែងយល់ខុសថា ទាល់មានការឈឺចាប់ត្រង់ណា ទើបបញ្ជាក់ពីស្ថានភាពសុខភាពមិនសូវស្រួល។ ប៉ុន្តែមានអាការៈខ្លះដែលកើតមានលើរាងកាយយើង អាចបង្ហាញពីការចាប់ផ្ដើមនៃជំងឺមួយចំនួន តែគ្មានការឈឺចាប់ ហើយយើងបែរជាមិនបានចាប់អារម្មណ៍ គិតថាជារឿងធម្មតា។ កុំបណ្ដែតបណ្ដោយអី បើអ្នកកំពុងជួបអាការៈដូចខាងក្រោមនេះ គួរតែស្វែងរកវិធីព្យាបាល ឬទៅជួបគ្រូពេទ្យទើបជាការប្រសើរ។

១- ចង្អូរស្នាមសើចឬស្នាមជ្រួញលេចច្បាស់ជុំវិញមាត់

មិនមែនបានន័យថា មកពីអ្នកសើចច្រើននោះទេ តែវាជាសញ្ញាបញ្ជាក់ថា រាងកាយអ្នកកំពុងខ្វះជាតិវីតាមីន B ចំណែកបើបបូរមាត់ប្រេះបង្ហាញថា ខ្វះជាតិវីតាមីន C។ ញ៉ាំបន្លែបៃតង ផ្លែក្រូច និងម្ទេសប្លោកឱ្យបានច្រើនដើម្បីកែប្រែបញ្ហាទាំងនេះ។

២- រង្វង់ភ្នែកឡើងខ្មៅ

បណ្ដាលពីការគេងមិនបានគ្រប់គ្រាន់ ឬការជក់បារី ផឹកគ្រឿងស្រវឹងច្រើនជ្រុល។ ត្រូវសម្រាកឱ្យបានគ្រប់គ្រាន់ ៨ម៉ោង/ថ្ងៃ ធ្វើលំហាត់ប្រាណឱ្យបានជាប្រចាំ និងកែប្រែទម្លាប់មិនល្អពីមុនមកចេញ។

៣- មុន

បណ្ដាលមកពីការញ៉ាំអាហារដែលមានជាតិខ្លាញ់ និងស្ករច្រើនពេក ឬក៏មកពីការប្រែប្រួលអ័រម៉ូនក្នុងរាងកាយ។ ធ្វើយ៉ាងណាឱ្យផ្ទៃមុខ និងដងខ្លួនស្អាតជានិច្ច ត្រូវប្រាកដថា គ្មានធូលីនៅលើរាងកាយ និងញ៉ាំអាហារដែលមានសារធាតុចិញ្ចឹមគ្រប់គ្រាន់។

៤- ស្បែកឡើងលឿង

អ្នកអាចនឹងមានបញ្ហាថ្លើម ឬកង្វះឈាមក្រហមក្នុងរាងកាយ។ ពិគ្រោះជាគ្រូពេទ្យជំនាញ ប្រសិនបើអ្នកសង្កេតឃើញថាស្បែកចាប់ផ្ដើមប្រែពណ៌ខុសពីធម្មតា។

៥- ស្បែកឡើងស្លេកស្លាំង

ជាសញ្ញាមួយបញ្ជាក់ថា រាងកាយអ្នកខ្វះជាតិដែកធ្ងន់ធ្ងរ។ ព្យាយាមបង្កើនការញ៉ាំអាហារដែលមានជាតិដែក ដូចជា សាច់ និងបន្លែ។ ហើយក៏កុំភ្លេចវីតាមីន C ព្រោះវាជួយសម្រួលការស្រូបយកជាតិដែកចូលទៅក្នុងរាងកាយ។