វិធីធ្វើឲ្យគ្រួសារគេទាំងអស់ ពេញចិត្តស្ដូកលើយើងតាំងពីថ្ងៃដំបូង
- 2017-01-28 01:00:00
- ចំនួនមតិ 0 | ចំនួនចែករំលែក 0
វិធីធ្វើឲ្យគ្រួសារគេទាំងអស់ ពេញចិត្តស្ដូកលើយើងតាំងពីថ្ងៃដំបូង
ក្នុងនាមជាសង្សារពេលទៅលេងផ្ទះខាងប្រុសលើកដំបូង នារីៗអាចមានការពិបាកច្រើន ដោយខ្លាចធ្វើឲ្យសាច់ញាតិគេមិនពេញចិត្តនឹងយើង។ ខាងក្រោមនេះជាវិធីទាក់ទាញការពេញចិត្តពីគ្រួសារខាងប្រុស៖
រឿងគួរធ្វើ
១.ទៅលើកដំបូងគួរមានរបស់ជាប់ដៃជាមួយ៖យើងគួរមានរបស់របរជាប់ដៃទៅជាមួយអាចជាផ្លែឈើ ឬទិញសំលៀកបំពាក់ជូនម្ដាយគេ។ ព្រោះបើយកចិត្តស្រីៗដូចគ្នាបានហើយនោះ ឪពុក ឬបងប្អូនគេចាំតែតាមម្ដាយប៉ុណ្ណោះ។
២.មានការគោរព៖ពេលចូលទៅដល់ផ្ទះខាងគេភ្លាម ត្រូវចេះជម្រាបសួរចាស់ទុំ ឬញាតិជិតខាងគេ។
៣.បង្ហាញពីភាពរួសរាយរាក់ទាក់៖បង្ហាញឲ្យគ្រួសារគេឃើញថាយើងជាមនុស្សរួសរាយរាក់ទាក់ ទើបគេចង់ចុះចម្រុងជាមួយ។
៤.បង្ហាញពីភាពអស្ចារ្យនៃខ្លួនយើង៖គួរតែបង្ហាញឲ្យគ្រួសារខាងគេដឹងថាយើងពូកែធ្វើអ្វីមួយដូចជាភាពប៉ិនប្រសព្វនៃការចម្អិនម្ហូបអាហារ។
រឿងមិនត្រូវធ្វើ
១.កុំខ្មាសអៀនពេក៖ការខ្មាសអៀនរហូតមិនហានញ៉ាំនេះញ៉ាំនោះ ជារឿងធ្វើឲ្យគ្រួសារគេមិនពេញចិត្តទៅវិញទេ។
២.កុំនិយាយច្រើនពេក៖ការនិយាយស្ដីច្រើនអាចធ្វើឲ្យគ្រួសារគេមិនចូលចិត្ត។ ម្យ៉ាងទៀតមិនគួរនិយាយអ្វីប្រឆាំងនឹងមតិខាងគ្រួសារគេទេ។
៣.កុំនិយាយកុហក៖បើនិយាយពាក្យមិនពិត ហើយគេដឹង យើងនឹងគ្មានសង្ឃឹមធ្វើអាចក្លាយជាកូនប្រសាស្រីគាត់ឡើយ។
៤.គ្មានភាពជឿជាក់លើខ្លួនឯង៖ទៅជួបគ្រួសារខាងប្រុសលើកដំបូងយើងបែរធ្វើអ្វីដោយភាពរញីរញ័រ សូម្បីតែ ១ ពិន្ទុក៏មិនបានដែរ៕