ផលប៉ះពាល់នៃជាតិកាហ្វេអ៊ីនទៅលើមនុស្សស្រី

2017-01-03 06:24:56
ចំនួនមតិ 0 | ចំនួនចែករំលែក 0

ប្រតិកម្មរបស់មនុស្សស្រីដែលឆ្លើយតបទៅនឹងការទទួលទានជាតិកាហ្វេអ៊ីនមានភាពខុសប្លែកពីគ្នារវាងមនុស្សប្រុសជាពិសេសការដែលវាឆ្លើយតបទៅនឹងអ័រម៉ូន ការមករដូវ និងតួនាទីរាងកាយផ្សេងទៀត។ ជាតិកាហ្វេអ៊ីនអាចប៉ះពាល់ដល់ប្រព័ន្ធបញ្ចេញខាងក្នុងរាងកាយ តម្រងនោម និងសរសៃប្រសាទផងដែរ។ លើសពីនេះទៀតពួកគេអាចទទួលរងផលប៉ះពាល់មួយចំនួនផ្សេងទៀតដែលមានដូចជាអាការថប់បារម្ភ អាការមិនងងុយគេង វិលមុខ ចង់ក្អួត និងឆាប់ឆេវឆាវ។

តើផលប៉ះពាល់សំខាន់ៗមានអ្វីខ្លះ?

សុដន់

បើទោះបីជាការសិក្សាស្រាវជ្រាវក្នុងឆ្នាំ ១៩៨០ និងឆ្នាំ១១៩០បានបង្ហាញថារវាងជំងឺរលាកលំពែងសរសៃឆ្មារពកជាដុំនៃសុដន់និងជាតិកាហ្វេអ៊ីនគ្មានអ្វីជាប់ពាក់ព័ន្ធនឹងគ្នាឡើយ ប៉ុន្តែមនុស្សស្រីមួយចំនួនបានបញ្ជាក់ថាប្រសិនបើពួកគេកាត់បន្ថយ ឬឈប់ទទួលទានជាតិកាហ្វេអ៊ីនតែម្ដង ជំងឺរលាកលំពែងសរសៃឆ្មារពកជាដុំនៃសុដន់ក៏ស្រាកស្រាន្តតាមហ្នឹងដែរ។

ជំងឺវិកលចរិត

ការទទួលទានជាតិកាហ្វេអ៊ីនច្រើនពេកធ្វើឱ្យមានជំងឺវិកលចរិកចាប់ផ្ដើមពីអាការតិចតួចបំផុត ទៅកាន់អាការធ្ងន់ធ្ងរព្រោះថាការទទួលទានជាតិកាហ្វេអ៊ីនធ្វើឱ្យមនុស្សស្រីមានភាពភ័យខ្លាច និងអាការថប់បារម្ភច្រើន។

ជំងឺពុកឆ្អឹង

ជំងឺពុកឆ្អឹងច្រើនកើតឡើងដោយសារការទទួលទានជាតិកាហ្វេអ៊ីន និងជាតិកាល់ស្យូមរួមគ្នា ជាជាងការទទួលទានតែជាតិកាហ្វេអ៊ីនតែឯកឯង។ មនុស្សស្រីដែលទទួលទានជាតិកាហ្វេអ៊ីន និងកាល់ស្យូមច្រើនងាយនឹងកើតជំងឺពុកឆ្អឹងតិចជាងមនុស្សស្រីដែលទទួលទានជាតិកាហ្វេអ៊ីន និងកាល់ស្យូមតិចតួច។

ដំណើររលូតកូន

ការទទួលទានជាតិកាហ្វេអ៊ីនច្រើនពេកពេលកំពុងពរពោះកូនអាចបណ្ដាលឱ្យកូនក្នុងផ្ទៃរលូតបាន។ ស្ត្រីដែលទទួលទានកាហ្វេច្រើនពែង ឬភេសជ្ជៈដែលមានជាតិកាហ្វេអ៊ីនច្រើនជាប្រចាំមានហានិភ័យក្នុងការរលូតកូនច្រើនជាងស្ត្រីដែលមិនទទួលទានសោះចំនួន ២ ដងឯណោះ។

ប្រភព៖ Livestrong ប្រែសម្រួល៖ ដេត ធន្នី