ទោះរវល់ប៉ុណ្ណា កន្លែងគេងត្រូវរៀបចំឲ្យស្អាតទើបលើករាសីបណ្ដេញកូវីដ១៩

  • 2020-03-24 08:15:00
  • ចំនួនមតិ 1 | ចំនួនចែករំលែក 185

​ បន្ទប់​គេង​ជា​កន្លែង​ដែល​យើង​ត្រូវ​សម្រាក​ បន្ទាប់​ពី​ធ្វើកិច្ច​ការ​អស់​ពេញ​មួយថ្ងៃ​ ប៉ុន្តែ​ប្រសិនបើ​ក្រឡេក​ទៅ​កន្លែង​គេង​ហាក់​គ្មាន​សណ្ដាប់​ធ្នាប់​នោះ​ ការ​សម្រាក​របស់​យើង​ក៏​មិន​បាន​ស្រួល​ចិត្ត​កាយ​ដូច​គ្នា។ តាម​ជំនឿ​ហ៊ុង​ស៊ុយ​របស់​សែស្រឡាយ​ចិន​ គេជឿ​ថា​​ការ​រៀប​ចំ​បន្ទប់​​គេង​​​​ ឬ​គ្រែ​គេង​តាម​​ក្បួន ​​​តែង​​តែ​ជួយ​​​ម្ចាស់​​​ផ្ទះ​​​​​​នាំ​លាភ​សំណាង​ហូរ​ចូល​ ​រក​ស៊ី​មាន​បាន ​​​ស្រលះ​មុខ​ស្រលះ​មាត់ ​អារម្មណ៍​​រីករាយ​​ស្រស់​​ថ្លា ​​​បង្កើត​ភាព​រ៉ូមែនទិក​រវាង​គូស្នេហ៍​ និង​​ជោគជ័យ​​​ក្នុង​ភារកិច្ច​​​។

តោះ​! ឥឡូវ​យើង​ទៅ​ដឹង​​​ការ​រៀប​ចំ​កន្លែង​គេងតាមក្បួនហោរាសាស្ត្រចិនទាំងអស់គ្នា៖

១. កុំ​បែរ​ក្បាល​គ្រែ​ដំណេក​ទៅ​ចំ​មាត់​ទ្វារ​បន្ទប់ដេក

Feng-Shui-Your-Bedroom

​ការ​ធ្វើ​បែប​នេះ​ នឹង​នាំ​ឲ្យ​លោក​អ្នក​​គេង​មិន​លក់ ប្រសិន​បើ​គ្រែ​នៅ​កណ្ដាល​វាល​ មិន​ជាប់​នឹង​ជញ្ជាំង​ផ្នែក​ម្ខាង​ទៀត ​​វា​នឹងធ្វើ​ឲ្យ​​សម្ព័ន្ធ​ភាព​ដែល​ស្ថិត​នៅ​ទីតាំង​នេះ​ត្រូវ​បំផ្លាញ ។

 

 

 

២. កុំ​ឲ្យ​ទ្វារ​បើក​បុក​តម្រង់​ចំ​ក្បាល​​គ្រែ

អ្នក​អាច​កែ​ខៃ​បាន​ដោយ​ការ​ដាក់​វត្ថុ​បាំង​ពី​មុខ ឬបាំង​បន្ទប់​នៅ​ចន្លោះ​ទ្វារ​ទាំង​ពីរ និង​គ្រែ​គេង​ ។ ប្រសិន​បើ​ក្បាល​គ្រែរបស់​អ្នក​គេង​បែរ​តម្រង់​ទៅ​រក​ទ្វារ​ ត្រូវ​គេ​ជឿ​ថា ជា​ការ​គេង​របៀប​មនុស្ស​ស្លាប់ ។

 

 

៣. ដាក់​ចង្កៀង​​ ឬ​អំពូល​​​​អម​​ក្បាល​គ្រែ

​គួរ​ដាក់​​​​​អំពូល​​អមក្បាលគ្រែ​​ ​ដើម្បី​​បង្កើត​តុល្យភាព​​​​​​រាងកាយ​​ពេល​គេង និង​​ងាយ​​ស្រួល​​បំភ្លឺ​​​​​​ពេល​​លោក​អ្នក​ក្រោក​​ពេល​យប់។​​​​

 

Feng-Shui-Your-Bedroom-Step-6-Version-3

 

 

៤. កុំ​ដាក់​ក្បាល​គ្រែ នៅ​ក្រោម​ធ្នឹម

ព្រោះ​វា​ធ្វើ​ឲ្យ​​ថាមពល​ពិឃាដ សង្កត់​ពី​លើ​ខ្លួន​អ្នក​​ ដែល​អាច​បង្កើត​ជា​បញ្ហា​ធ្ងន់ធ្ងរ​ដល់​សម្ពន្ធភាព ឬ​ជីវិត​អាពាហ៍ពិពាហ៍ ប៉ុន្តែ​អ្នក​អាច​កែខៃ​បាន​ដោយ​ការ​រៀប​ពិតាន​បិទបាំង​ធ្នឹម​ឲ្យ​​ជិត​កុំ​ឲ្យ​ថាមពល​ពិឃាដ​ជះ​មក​បាន ។

 

Feng-Shui-Your-Bedroom-Step-9

 

 

៥. គ្រែ​​​​ត្រូវ​​តែ​មាន​ក្បាល​ខ្ពស់​ជាង​​​​​ចុង

ក្បាល​​គ្រែ​​​ត្រូវ​តែ​​ខ្ពស់​​ជាង​ចុង​គ្រែ ​ព្រោះ​​ពេល​​​​អ្នក​គេង​​​​ព្រលឹង​​នឹង​រសាត់​អណ្ដែត​ចេញ​ពី​​រាង​កាយ​ ​ធ្វើ​​ឲ្យ​​​​អ្នក​​​រើ​បម្រាស់​ ​បង្វែរ​​ខ្លួន​​​ខុស​​​ទី​តាំង​​ ​​ដូច​​នេះ​​ក្បាល​គ្រែ​​​បា​ន​ជួយ​​ទប់​កម្លាំង​​ទាំង​នេះ។​

 

Feng-Shui-Your-Bedroom-Step-1

 

 

៦. គ្រែ​​​​​​ត្រូវ​​​តែ​មាន​​​​​​ជើង​ និង​ប្រហោង​​​ក្រោម

ការ​​​ដាក់​គ្រែ​​ឲ្យ​មាន​កម្ពស់​​ផុត​​​ពី​កម្រាល​​បន្ទប់​ ​ជួយ​​ឲ្យ​​លោក​អ្នក​​​ទទួល​​​បាន​​​ខ្យល់​​ និង​ថាមពល​ចេញ​​ចូល​ជុំវិញ​ខ្លួន​ ​ពេល​​គេង​។​

 

Feng-Shui-Your-Bedroom-Step-3

 

 

៧.មិន​គួរ​​គេង​​​​ជាប់​មាត់​បង្អួច

ការ​គេង​បែប​នេះ​ ត្រូវ​គេ​ជឿ​ថា​​ធ្វើ​ឲ្យ​រាង​កាយ​​​ឆាប់​អស់​កម្លាំង​ថាមពល និង​​​សុបិន​ច្រើន។

 

Feng-Shui-Your-Bedroom-Step-5-Version-2

 

 

៨. រៀប​ចំ​ទូរទស្សន៍​ និង​​​កុំព្យូទ័រ ឲ្យ​ឆ្ងាយ​​ពី​​គ្រែ​ដំណេក

​អ្នក​គួរ​​​​​រើ​​​តុ​​កុំព្យូទ័រ ​និង​ទូរទស្សន៍​​ ដាក់​ឲ្យ​ឆ្ងាយ​​ពី​​បន្ទប់​គេង ​ព្រោះ​​វា​​ជាកន្លែង​សម្រាក​។ ​ ​​​

Feng-Shui-Your-Bedroom-Step-7-Version-3

  ចុចអានបន្ថែម៖ រឿង​ពិត​៤​យ៉ាង​របស់​អ្នក​ធ្វើ​ការ​ដាច់​​លុយ​មុន​ខែ​ញឹកញាប់

 

ប្រភព៖ Wikihow ប្រែ​សម្រួល៖ ស៊ិន សាវ៉េត