ធ្វើកិច្ចការតូចធំ មិនខ្លាចបរាជ័យ ដរាបណាអ្នកចេះពីវិធីសំខាន់ ៤ យ៉ាងនេះសិន

2020-02-12 09:25:00
ចំនួនមតិ 0 | ចំនួនចែករំលែក 0

ធ្លាប់ឆ្ងល់ទេថាតើគួរធ្វើយ៉ាងណាខ្លះទៅ ទើបអាចឈានដល់គោលដៅ ដូចដែលបានគ្រោងទុក?

អមជាមួយនឹងដំណើរចាប់ផ្តើមសន្សឹមៗ អ្នកត្រូវតែចេះពីវិធីសំខាន់ៗ ដើម្បីជួយឲ្យជោគជ័យសមស្របនឹងមហិច្ឆតារបស់ខ្លួន។

១. ផ្តើមចេញពីភាពភ័យខ្លាច

រូបតំណាង

ភាពភ័យខ្លាច មិនមែនមានន័យថាទន់ខ្សោយ ប៉ុន្តែវាប្រៀបបានដូចជាយានយន្ត ដែលអាចដឹកនាំអ្នកទៅធ្វើកាន់កិច្ចការអ្វីមួយដែលខ្លួនគួរធ្វើពិតប្រាកដ។ រឿងមួយចំនួន បង្កឲ្យអ្នកកើតក្តីបារម្ភ មិនហ៊ានសាកល្បង មិនដឹងគូរចាប់ផ្តើមចេញពីចំណុចណា។ ហេតុនេះហើយ ទើបបានជាអ្នកត្រូវកំណត់ភាពភ័យខ្លាច មុននឹងកំណត់ទិសដៅ។

សរសេរកត់ត្រា រាល់អ្វីដែលធ្វើឲ្យអ្នកខ្លាច និងគិតពីវិធីដែលជួយកម្ចាត់វាចេញពីខ្លួន។ រិះរកមធ្យោបាយ ដែលអាចជៀសឆ្ងាយ ពីហានិភ័យនិងភាពបរាជ័យនាពេលអនាគត។

២. កុំគិតស្រួលៗពេក

រូបតំណាង

ពាក្យថា "ងាយៗ” "មិនអីទេ” "គ្មានបញ្ហាឡើយ” គួរព្យាយាមជម្រុះចេញក្នុងដំណាក់កាលមួយនេះ។ ប្រសិនបើអ្នកចង់ទៅដល់គោលដៅ គ្មានអ្វីដែលស្រួលៗ ហើយអាចទៅមុខរលូនរហូតដូចជាការគិតនោះទេ។ ឧបសគ្គនានាកំពុងតែរង់ចាំអ្នកគ្រប់ពេលវេលា ដូច្នេះជំនួសឲ្យការគិតងាយៗពេក អ្នកក៏គួរតែត្រៀមខ្លួនរួចរាល់ទុកតតាំងជាមួយបញ្ហាដោយក្តីរីករាយនិងរឹងមាំ។

៣. ចង់ចេះចង់ដឹងមិនជិនណាយ

ដរាបណាអ្នកចេះរៀបចំគម្រោងសម្រាប់ជីវិត កុំភ្លេចថានៅមានរឿងរ៉ាវជាច្រើនទៀត ដែលអ្នកដឹងពុំទាន់អស់។ ក្រៅពីមានចំណេះដឹងផ្ទាល់ខ្លួនហើយ អ្នកមិនគួរភ្លេចសិក្សាស្វែងយល់ពីគំនិតអ្នកដទៃ រួមទាំងបរិយាកាសនៅសង្គមខាងក្រៅ ដើម្បីយកមកប្រៀបធៀប និងទុកធ្វើជាដំណោះស្រាយពេលជួបបញ្ហា។

រូបតំណាង

៤. ត្រូវចាំថាភាពជោគជ័យកំពុងតែនៅរង់ចាំអ្នកជានិច្ច

មានបុគ្គលជោគជ័យជាច្រើន ដែលបានឆ្លងកាត់ភាពបរាជ័យរាប់មិនអស់។ ភាពបរាជ័យមិនមែនជាទីបញ្ចប់ ប៉ុន្តែជាមេរៀនបង្ហាញឲ្យអ្នកមើលឃើញផ្លូវកាន់តែទូលំទូលាយជាងមុន។ ព្យាយាមតែម្តង ពីរដង ឬច្រើនដងជាងនេះ នៅមិនទាន់គ្រប់គ្រាន់នៅឡើយទេ ដើម្បីរកឃើញនូវភាពជោគជ័យ។ ទោះខ្វះមួយជំហានដល់គោលដៅ ហើយបែរជាធ្លាក់មកវិញ ក៏មិនត្រូវអស់សង្ឃឹមដាច់ខាត។ តស៊ូ មិនបោះបង់ចោល ទីបំផុតក្តីប្រាថ្នារបស់អ្នកនឹងក្លាយជាពិតនៅថ្ងៃណាមួយ៕