Zhao Li Ying កូន១មែនពិត តែវ៉ាដាច់ Liu Yi Fei តែម្ដងពេលថតក្នុងស៊ុមតែមួយ

2020-01-15 04:30:00
ចំនួនមតិ 0 | ចំនួនចែករំលែក 0

បញ្ហាមិនអាចគ្រប់គ្រងទម្ងន់ខ្លួនឯងរបស់កំពូលតារាសម្ដែងស្រីចិន Liu Yifei តែងជាប្រធានបទសម្រាប់ទស្សនិកជនជជែក។ ទោះបីមិនទាន់មានគ្រួសារក្ដី ប៉ុន្តែនៅពេលអង្គុយជិតអ្នកម្ដាយកូន១ Zhao Li Ying នាងនៅតែមើលឃើញថាបាក់សម្រស់ជាងព្រោះមានសាច់ពេក។

សិល្បករ សិល្បការិនីចិនស្ទើរកន្លះវិស័យសិល្បៈបានមានវត្តមាននៅក្នុងកម្មវិធី Weibo Night ដែលត្រូវបានប្រព្រឹត្តឡើងដោយបណ្ដាញសង្គម Weibo ធំជាងគេនៅប្រទេសចិន។ កម្មវិធីប្រមូលផ្ដុំដោយ តារាលំដាប់ S ជាច្រើនដួងដូចជា Yang Mi, Dilriba, Angelababy, Wang Il Bo, Xiao Zhan និង Zhao Li Ying ជាដើម។

ដោយសារតែជាតារាសម្ដែងជួរមុខដូចគ្នា ដូចនេះហើយ តារាសម្ដែងស្រីល្បីឈ្មោះ២ដួងគឺ Liu Yifei និង Zhao Li Ying ត្រូវបានក្រុមការងាររៀបឲ្យអង្គុយនៅជួរ A ហើយជាប់គ្នាទៀតផង។ នៅពេលថតរូបនៅក្នុងស៊ុមតែមួយ គេងសង្កេតឃើញថា ទោះបីជាទើបសម្រាលកូនហើយក៏ដោយ តែប្រពន្ធរបស់តារាសម្ដែងប្រុស Feng Shao Feng មើលទៅឃើញស្លីមជាងតួឯករឿង Mulan ខ្លាំងណាស់។

ក្រោយពេលរូបភាពនេះត្រូវបានចុះផ្សាយ ទស្សនិកជនបានលាន់មាត់ថា ប្រហែលជារាងរបស់ សៀវ ឡុងនី ពិបាកគ្រប់គ្រងទំងន់ហើយ ដ្បិតនាងតែងមានសាច់ទ្រលុកទ្រលន់ ដែលជាហេតុធ្វើឲ្យនាងមើលទៅចាស់ជាងវ័យ ទោះមិនទាន់មានគ្រួសារ និងកូនដូចមិត្តរួមអាជីពក៏ដោយ៕