អត្តចរិតមនុស្សប្រុស ដែលស្ថិតនៅក្នុងក្តីស្រមៃនារីគ្រប់រូប
- 2020-01-14 03:30:00
- ចំនួនមតិ 0 | ចំនួនចែករំលែក 0
អត្តចរិតមនុស្សប្រុស ដែលស្ថិតនៅក្នុងក្តីស្រមៃនារីគ្រប់រូប
មនុស្សស្រីបើមានបុរសៗតាមចែចង់ច្រើនគឺមិនងាយនឹងយកភ្នែកមើលផ្តេសផ្តាសឡើយ។ នាងអាចនឹងចាប់អារម្មណ៍ ប៉ុន្តែមិនលង់ស្រលាញ់ងាយៗ ព្រោះនាងនៅរង់ចាំមើលបន្តិចសិន ថាបុរសម្នាក់នោះមានគ្រប់ចំណុចដែលនាងចង់បានហើយឬនៅ។ បេះដូងមនុស្សស្រីគ្មានអីពិបាកយកមកគ្រប់គ្រងទេ ឲ្យតែមនុស្សប្រុសអាចធ្វើរឿងទាំងនេះបាន។
គាត់តែងតែស្ដាប់នាង
ទោះបីជារឿងនោះមិនសូវសំខាន់ ឬស្តាប់ទៅគួរធុញក៏ដោយ គាត់មិនប្រកាន់ហើយនៅតែអត់ធ្មត់ចាំស្តាប់ជានិច្ច ព្រោះគាត់ចង់ដឹងចង់ឮ អ្វីដែលទាក់ទងនឹងមនុស្សដែលគាត់ស្រលាញ់ ដើម្បីស្វែងយល់កាន់តែច្បាស់ពីនាង។
គាត់សប្បាយចិត្តរាល់ពេលដែលជួបនាង
ពេលនឿយហត់ឬរងសម្ពាធពីការងារគាត់នៅតែអាចញញឹមនិងសប្បាយចិត្ត បាត់ទុក្ខកង្វល់ទាំងឡាយរាល់ពេលដែលបានឃើញមុខនាង។
គាត់ចេះជួយអសារនិងសម្រាលទុក្ខ
គាត់ចេះជួយសម្រាលទុក្ខនៅក្នុងផ្ទះ ដោយមិនប្រកាន់ថាខ្លួនជាមនុស្សប្រុស ហើយត្រូវតែទម្លាក់ការងារផ្ទះទាំងអស់នោះឲ្យទៅមនុស្សស្រីនោះទេ។ គាត់ក៏អាចបែងចែកពេលវេលាខ្លះ សម្រាប់ជួយមើលថែរក្សាកូនៗផងដែរ។
គាត់ការពារនាងគ្រប់ពេល
មិនមែនសំដៅទៅលើ ការការពារពីជនខិលខូចដែលមានបំណងមិនល្អមកលើនាងប៉ុណ្ណោះទេ ប៉ុន្តែសូម្បីតែទង្វើតិចតួច ដូចជាការកាន់ដៃនាងពេលដើរឆ្លងផ្លូវ ក៏ចាត់ទុកជាការការពារដ៏កក់ក្តៅដែរ។
គាត់គោរពនូវអ្វីដែលនាងមាន
មនុស្សប្រុសដែលមានចិត្តស្រលាញ់ពិត មិនបង្ខំឲ្យនាងផ្លាស់ប្តូរដើម្បីគាត់ ដូចជាពណ៌ស្បែក សក់ ការស្លៀកពាក់ ការតុបតែងខ្លួន ការធ្វើការងារ...រឿងផ្ទាល់ខ្លួនរបស់នាង គាត់ផ្តល់សិទ្ធិពេញលេញដើម្បីឲ្យនាងសម្រចចិត្តដោយខ្លួនឯង។
គាត់ស្រលាញ់ក្រុមគ្រួសាររបស់នាង
ស្រលាញ់នាងតែមួយមុខ នៅមិនទាន់គ្រប់គ្រាន់នៅឡើយទេ ត្រូវចេះគោរពស្រលាញ់ផ្តល់តម្លៃឲ្យក្រុមគ្រួសាររបស់នាង និងមិនប្រកាន់រើសអើងទោះបីជាមានឋានៈខ្ពស់ជាងក៏ដោយ។
គាត់ចាំនូវថ្ងៃពិសេសផ្សេងៗ
គ្មានអ្វីរំភើបជាងមនុស្សប្រុសដែលខ្លួនស្រលាញ់អាចចាំ នូវថ្ងៃកំណើត ថ្ងៃខួបអាពាហ៍ពិពាហ៍ជាដើម ព្រោះនេះបញ្ជាក់ថា ស្រលាញ់គ្នាយូរប៉ុនណាក៏គាត់មិនអាចបំភ្លេចថ្ងៃអស្ចារ្យទាំងនោះបានឡើយ។
នាងចូលចិត្តអ្វី គាត់នឹងព្យាយាមចូលចិត្តវាដូចគ្នា
គាត់ហ៊ានបោះបង់ទម្លាប់មួយចំនួនដើម្បីបំពេញបំណងនាង។ គាត់សុខចិត្ត មិនមើលបាល់ទាត់ ឬលេងហ្គេម ដើម្បីជូននាងដើរផ្សារ និងធ្វើអ្វីដែលជាចំណង់ចំណូលចិត្តរបស់នាង។
ស្រលាញ់នាងដោយមិនជិនណាយ
មនុស្សប្រុសកុំសម្តែងក្តីត្រេកត្រអាលតែពេលគ្រាដំបូង ត្រូវស្មោះត្រង់ស្រលាញ់នាងដោយមិនជិនណាយ និងមានមោទនភាពដែលបាននាងជាគូ នោះក្តីស្នេហាអ្នកទាំងពីរនឹងកើនឡើងទ្វេដង ព្រោះក្តីស្រលាញ់បែបនេះ គឺស្ថិតនៅក្នុងក្តីស្រមៃរបស់មនុស្សគ្រប់រូប ៕
ចុចអានបន្ត៖
បុរស៥ប្រភេទ ដែលស្រឡាញ់ហើយមានតែទឹកភ្នែកជូតក្បាលជង្គង់
មនុស្សស្រីឯករាជ្យ តែងសម្លឹងរកមើលបុរសបែបនេះជាដៃគូស្នេហា