តិចនិកជួយសម្រក ៤ គីឡូចំណាយពេលត្រឹមតែមួយខែតែប៉ុណ្ណោះ

2019-12-25 04:00:00
ចំនួនមតិ 0 | ចំនួនចែករំលែក 0

សួរថានារីរូបណាមិនចង់បានរាងស្អាតនិងមានសុខភាពល្អនោះ? ជាការពិតណាស់ ការថែរក្សារាងឲ្យបានថិតថេរវាមិនមែនជារឿងងាយស្រួលនោះឡើយសម្រាប់អ្នកខ្ជិល។ យ៉ាងណាមិញ ប្រសិនបើអ្នកចង់បានរាងស្អាតនិងមានសុខភាពល្អនោះ កុំភ្លេចសាកល្បងជាមួយនឹងវិធី ៥ យ៉ាងខាងក្រោមនេះរួមមាន៖

រូបតំណាង

**១. ការគ្រប់គ្រងកាឡូរី**

អ្នកគួរដឹងពីកម្រិតកាឡូរីដែលទទួលទានជាប្រចាំ ថាតើមានកម្រិតកាឡូរីប៉ុន្មានសម្រាប់ថែរក្សារាងរបស់អ្នក។ កាឡូរីជាផ្នែកមួយដែលជួយធ្វើឲ្យគីឡូរបស់អ្នកឡើង ហេតុដូចនេះហើយអ្នកគួរកម្រិតបរិមាណត្រឹម ១១០០ សម្រាប់ការបញ្ចុះទម្ងន់។

រូបតំណាង

២. បែងចែកអាហារជា ៦ ពេល ក្នុងមួយថ្ងៃ

ក្រៅពីញុំាអាហារបីពេលសំខាន់រួមមាន អាហារពេលព្រឹក ថ្ងៃត្រង់ និងល្ងាច មិត្តនារីគួរគប្បីទទួលទានអាហារសម្រន់បីពេលបន្ថែមទៀតក្នុងរយៈពេលមួយថ្ងៃពេញ។ ចំពោះការបែងចែកអាហារទៅជា ៦ ពេលតូចៗបែបនេះនឹងធ្វើឲ្យអ្នកកាត់បន្ថយភាពឃ្លាននិងប្រព័ន្ធរំលាយអាហារមានដំណើរការល្អ។

៣. ទទួលទានផ្លែឈើក្រហមៗប្រសើរជាងទទួលទានរបស់ផ្អែម

បើអ្នកមានទម្លាប់បរិភោគរបស់ផ្អែមច្រើនពេក អ្នកគួរតែប្តូរមកញុំាផ្លែឈើក្រហមៗវិញដូចជា ផ្លែប៉ោម ស្ត្រប៊ឺរី ឬផ្លែប៊ឺរីជាដើម។ ផ្លែឈើអស់ទាំងនេះគឺសំបូរទៅដោយដោយសារតែសំបូរទៅដោយសារធាតុលីកូប៉ែនសារធាតុ Betacycin និង Anthocyanin។ ពិសេស Anthocyanin ជួយគ្រប់គ្រងកម្រិតជាតិស្ករក្នុងឈាម។

រូបតំណាង

៤. ញុំាទឹកឲ្យបានច្រើន

ការទទួលទានទឹកពិតជាមានសារសំខាន់ណាស់ដោយសារវាជួយទៅដល់ស្បែកដូចជា មានសំណើម ភ្លឺថ្លា និងធ្វើឲ្យអ្នកឆាប់មានអារម្មណ៍ឆ្អែតលឿន។ អ្នកគួរបរិភោគទឹកឲ្យបានយ៉ាងតិចណាស់ ២ លីត្រក្នុងមួយថ្ងៃទើបជាការល្អ។

រូបតំណាង

៥. ធ្វើលំហាត់ប្រាណ

ទោះបីជាអ្នកមានរបបអាហារត្រឹមត្រូវយ៉ាងណាក៏ដោយ អ្នកមិនគួរមើលរំលងការហាត់ប្រាណឡើយ។ មិត្តនារីគួរតែហាត់ប្រាណឲ្យបានក្នុងមួយថ្ងៃយ៉ាងតិច ៣០ នាទីដើម្បីសុខភាពនិងរាងស្អាតជាពិសេស៕

រូបភាព៖ Pinterest

ចុចអានបន្ត៖

មិនមែនលេងសើចទេ ទាំងនេះជាផលវិបាកចំពោះការទទួលទានទឹកតិច

ប្រភព៖ Sanook ប្រែសម្រួល៖ សុវណ្ណ ស្រីពីន