ក្រោយធ្លាយរូបពោះធំដូចមានទម្ងន់ Fan Bingbing យកកាបូបបាំងពោះជិត
- 2019-12-24 02:55:00
- ចំនួនមតិ 0 | ចំនួនចែករំលែក 0
ក្រោយធ្លាយរូបពោះធំដូចមានទម្ងន់ Fan Bingbing យកកាបូបបាំងពោះជិត
នៅក្នុងកម្រងរូបភាពថ្មី កំពូលតារាសម្ដែងស្រីចិន Fan Bingbing បានបង្អួតសម្រស់យ៉ាងស្រស់ស្អាត ប៉ុន្តែនៅចំណុចពោះ ត្រូវនាងបិទបាំងយ៉ាងជិត។ កាលពីថ្ងៃ១៥ ខែធ្នូ មុននេះ បណ្ដាញព័ត៌មាន Sina បានចុះផ្សាយកម្រងរូបភាពថ្មីរបស់តារាសម្ដែងស្រី ចិនជួរមុខ Fan Bingbing នៅពេលនាងកំពុងមានវត្តមាននៅសហរដ្ឋអាមេរិក។ នៅក្នុងរូបភាពទាំងនេះ ស្រីស្អាតវ័យ៣៨ឆ្នាំ ស្លៀកពាក់យ៉ាងឡូយឆាយ និងទាន់សម័យ ដោយគួបផ្សំមួក និងស្បែកជើងកវែងយ៉ាងស៊ីវិល័យ។
យ៉ាងណាក្ដី នៅក្នុងរូបភាពទាំងនេះ គេមិនអាចសង្កេតបានរង្វង់ពោះ របស់តួរឿង ព្រះនាងយេយេឡើយ ត្បិតនាងបានប្រើកាបូបទំហំធំ មកបាំងឡើងជិត។ គួរបញ្ជាក់ផងដែរ រូបភាពបាំងពោះនេះត្រូវបានបង្ហោះក្រោយពេល រូបភាពស្រីស្អាតរូបនេះមានពោះធំ ដូចកំពុងមានទំងន់ កាលពីដើមខែនេះ។
យ៉ាងណាក្ដី ភាគីរបស់ Fan Bingbing បានចេញមុខបដិសេធយ៉ាងដាច់អហង្កាដោយបានបកស្រាយ តារារបស់ខ្លួនគ្រាន់តែ ញ៉ាំច្រើនហើយប៉ោងពោះប៉ុណ្ណោះ មិនមែននាងមានទម្ងន់ឡើយ៕
ចុចអានបន្ត៖ សម្រស់មុននិងក្រោយចូលសិល្បៈរបស់រាជិនីសម្រស់ និងប្រុសស្អាតចិនបង្កចម្រូងចម្រាស់
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
