មានឆ្ងល់ខ្លួនឯង តែងប្តូរការងារពីមួយទៅមួយមិនជាប់លាប់ មកពីអ្នកភ្លេចគិតលើបញ្ហានេះ

2019-12-17 08:00:00
ចំនួនមតិ 0 | ចំនួនចែករំលែក 0

ផ្លាស់ប្ដូរការងារមិនឈប់ឈរ ត្រឹមរយៈពេលខ្លីមិនមែនជារឿងល្អឡើយ ។ នេះមិនហៅថា ដើម្បីស្វែងរកបទពិសោធន៍ថ្មីឡើយ តែជាបញ្ហាទៅវិញទេ។ ដូច្នេះ មុនពេលដាក់ការងារអ្នកគួរគិតលើចំណុចមួយចំនួន កុំឲ្យធ្វើការទីណាមិនជាប់លាប់។

រូបតំណាង

**១. ជ្រើសរើសមុខតំណែងដែលមានបទពិសោធន៍គ្រប់គ្រាន់**

មិនត្រូវជ្រើសរើសតួនាទីណាដែលអ្នកមិនធ្លាប់អនុវត្តផ្ទាល់ឡើយ ព្រោះនឹងបង្កើតលក្ខខណ្ឌមិនច្បាស់លាស់សម្រាប់អ្នកដូចគ្នា។ អ្នកអាចចាប់ផ្ដើមអ្វីថ្មីតាំងពីដើមដំបូង សម្រាប់តែក្នុងករណីមានការផ្លាស់ប្ដូរក្នុងក្រុមហ៊ុន ដែលជាលក្ខខណ្ឌពិសេសសម្រាប់ផ្លាស់ប្ដូរតួនាទីដែលអាចរៀនសូត្រអ្វីថ្មីៗបន្ថែមទៀតប៉ុណ្ណោះ។

បើអ្នកចាប់ផ្ដើមការងារដំបូងដោយគ្មានបទពិសោធន៍ និងជំនាញច្បាស់លាស់នោះផ្លូវឆ្ពោះទៅរកភាពជោគជ័យការងារមានលក្ខណៈចោតមិនខាន។

រូបតំណាង

២. យល់ពីតម្រូវការសង្គមឲ្យច្បាស់ថា មុខតំណែងនេះមានតម្លៃក្នុងក្រុមហ៊ុនឬអត់

ដោយសារតែមុខតំណែង គឺជារឿងសំខាន់ក្នុងកន្លែងធ្វើការ ម្ល៉ោះហើយវាមានសារសំខាន់ដើម្បីច្បាមឱកាស ទាមទារគុណសម្បត្តិបន្តទៅមុខទៀត។ អ្នកត្រូវគិតអំពីមុខជំនាញច្បាស់លាស់ដែលអ្នកត្រូវការចាំបាច់សម្រាប់ក្រុមហ៊ុន និងអ្វីដែលមិនទាន់គ្រប់គ្រាន់។ ជួនកាល មុខតំណែងខ្លះគេអាចគ្រាន់ជួល Freelancer ពីខាងក្រៅមកបំពេញក៏បាន ដោយសារតែគ្មានធនធានមនុស្សគ្រប់គ្រាន់ក្នុងក្រុមហ៊ុន។

រូបតំណាង

៣. គិតថាតើមុខតំណែងនេះអាចទទួលការអភិវឌ្ឍលឿនក្នុងរយៈពេលខ្លីឬអត់

ចង់បានការងារមានប្រាក់ខែច្រើន អ្នកក៏ត្រូវជាមនុស្សមានកម្រិតវិជ្ជាជីវៈលើការងារដូចគ្នា។ ដូច្នេះ វិធីល្អគួរចៀសវាងតួនាទីណាដែលត្រូវចំណាយពេលអស់ជាង ១០ - ២០ ឆ្នាំទម្រាំក្លាយជាមនុស្សមានសមត្ថភាពពេញលេញ។ សូមក្រឡេកមើលពីចំណុចនេះ ត្រូវស្វែងរកការបង្កើតបានជោគជ័យធំបំផុតជាមួយនឹងការខិតខំតិចតួចបំផុត។

រូបតំណាង

៤. ស្រមៃពីអនាគតខ្លួនឯង បើសិនជាអ្នកធ្វើការជាប់លាប់នៅក្រុមហ៊ុននោះ

កាតព្វកិច្ចក្នុងមុខតំណែងគឺសំខាន់សម្រាប់បុគ្គលិកនីមួយៗ ដូចនេះពុំគួរជ្រើសរើសការងារណាដែលមិនសមនឹងចំណូលចិត្តអ្នកនោះឡើយ។ ឧ៖ អ្នកមិនចូលចិត្តលេខ មិនចូលចិត្តការងារមានក្រិត្យក្រមពេក ដូច្នេះបើអ្នកដាក់ពាក្យធ្វើខាងគណនេយ្យ នោះការងារក៏មិនរលូនទៅមុខងាយដែរ។ មុនពេលដាក់ការងារ គួរគិតឲ្យច្បាស់ពីបញ្ហានេះ៕

អានបន្ត៖ គន្លឹះធ្វើឲ្យខ្លួនឯងកាន់តែរឹងមាំ ជួបបញ្ហាពិបាកខ្លាំងយ៉ាងណាក៏មិនរាថយ

ប្រភព៖ goodlifeupdate ប្រែសម្រួល៖ លឹម សុនា