អាហារ ៥ មុខបំផ្លាញស្បែក នាំឲ្យមុខឆាប់ជ្រួញជាទីបំផុត

2019-11-21 09:40:00
ចំនួនមតិ 0 | ចំនួនចែករំលែក 0

អ្នកច្បាស់ជាឆ្ងល់មិនខាន ខណៈអ្នកអាយុតិចទេ តែបែរជាលេចស្នាមជ្រួញទៅហើយ។ នេះមកពីកំហុសលើរបបអាហារមួយចំនួនដែលប៉ះពាល់ដល់ស្បែកអ្នក បណ្ដាលឲ្យឆាប់ស្ងួត ហើយឡើងជ្រួញ។

រូបតំណាង

**១. ស្ករ**

ជាតិស្ករជាសត្រូវលេខ១ ធ្វើឲ្យរាងកាយឆាប់ចាស់។ សារធាតុ Fructose ដែលរកឃើញក្នុងស្ករអំពៅ និងពោតលីង អាចបំបែកខូឡាជែនយ៉ាងលឿនជាងស្ករធម្មតា ដែលបណ្ដាលឲ្យស្បែកវិវត្តទៅរកភាពជ្រួញ។

រូបតំណាង

២. អាហារកែច្នៃ

អាហារប្រភេទនេះច្រើនផ្ទុកជាតិប្រៃខ្ពស់ រួមទាំងគ្រឿងដែលរក្សាទុកឲ្យបានយូរ។ ដូចជា Hot Dog ប៉ាតេ និងសាច់ជ្រូកបន្ទះជាដើម ធ្វើឲ្យពេលញ៉ាំទៅស្បែកឆាប់ស្ងួត និងបំផ្លាញវីតាមីន C ដែលសំខាន់សម្រាប់បង្កើតខូឡាជែនក្នុងរាងកាយ។

រូបតំណាង

៣. គ្រឿងស្រវឹង

ក្រៅពីមិនល្អចំពោះសុខភាពធ្វើឲ្យស្ទះសរសៃឈាមខួរក្បាលនិងក្រិនសរសៃឈាម វាក៏ជាសត្រូវធ្វើឲ្យអ្នកចាស់មុនអាយុ។ វាបង្កឲ្យថ្លើមអ្នកមានបញ្ហា រួមទាំងផលិតរ៉ាឌីកាល់សេរីច្រើនជាងសារធាតុប្រឆាំងអុកស៊ីតកម្មរបស់រាងកាយ បង្កឲ្យមានភាពតានតឹងដែលជាកត្តាធ្វើឲ្យឆាប់ចាស់។

រូបតំណាង

៤. អាហារមានជាតិខ្លាញ់

អាហារចៀនបំពងងាយនឹងធ្វើឲ្យស្បែកឆាប់ចាស់ជាទីបំផុត រួមទាំងធ្វើឲ្យអ្នកឆាប់ខឹងថែមទៀត។ មិនទាន់អស់ទេ វាបំផ្លាញសម្រស់របស់អ្នកដោយធ្វើឲ្យសក់ឆាប់ជ្រុះទៀតផង។

រូបតំណាង

៥. អាហារមានជាតិប្រៃ

ការទទួលទានអំបិលច្រើនពេកនឹងធ្វើឲ្យស្បែកមិនស្អាត រាងកាយមានជាតិអ៊ីយ៉ុងសូដ្យូម ហើយស្បែកមុខងាយនឹងស្ងួត ខះជាតិទឹកដែលបណ្ដាលឲ្យប្រេះ និងប៉ះពាល់ស្បែកខ្លាំង ធ្វើឲ្យស្បែកឆាប់ឡើងជ្រួញណាស់។