ទម្លាយ ៧ ល្បិចនៃការស្លៀកពាក់បែប cute cute របស់នារីជនជាតិកូរ៉េ
- 2019-11-18 03:20:00
- ចំនួនមតិ 0 | ចំនួនចែករំលែក 0
ទម្លាយ ៧ ល្បិចនៃការស្លៀកពាក់បែប cute cute របស់នារីជនជាតិកូរ៉េ
តោះស្រីៗគ្នាយើងមកដឹងពីល្បិចងាយៗនៃការស្លៀកពាក់ដូចនារីកូរ៉េទាំងអស់គ្នា! នាពេលបច្ចុប្បន្នឃើញថា មានការពេញនិយមស្តាយស្លៀកពាក់បែបកូរ៉េមើលទៅស្រស់ស្អាត cute cute។ មិនពិបាកឡើយសម្រាប់អ្នកចង់លេងស្តាយការស្លៀកពាក់បែបនោះ ល្បិចទាំងនោះរួមមាន៖
១ រើសសម្លៀកបំពាក់មានពណ៌សមរម្យ
ចំពោះនារីកូរ៉េចូលចិត្តស្លៀកពាក់បែបសាមញ្ញៗ និងស្រួលដូចជាអាវ រ៉ូប អៀមពណ៌សុភាពៗនិងខោខូវប៊យមើលទៅពិតជាស្អាតបែបសាមញ្ញ។
២ កាបូបសាច់កំណាត់
នៅកូរ៉េមានការនិយមប្រើកាបូបស្ពាយសាច់កំណាត់ ដោយសារតែវាងាយស្រួល មានតម្លៃសមរម្យនិងមើលទៅស្រស់ស្អាតមិនរញ៉េរញៃ។ វាពិតជាមានការគាំទ្រខ្លាំងណាស់សម្រាប់នារីៗនៅកូរ៉េ។
៣ ស្បែកជើងក្រណាត់
នារីកូរ៉េនិយមពាក់ស្បែកជើងប៉ាត់តាបែបក្រណាត់ច្រើនជាងស្បែកជើងម៉ូតផ្សេងៗ។ ភាគច្រើនជាស្បែកជើងពណ៌សនិងពណដ៌ខ្មៅគឺមានការពេញនិយមខ្លាំង។
៤ ខោខូវប៊យ
នាពេលបច្ចុប្បន្ននេះ នារីកូរ៉េនិយមស្លៀកខោខូវប៊យបែបបុរសៗដូចជាខោមានរាងធំៗនៅខាងចុង ព្រោះវាមិនរើសសម្លៀកបំពាក់ឡើយ។
៥ អាវក្រៅ
ក្រៅពីអាវយឺតឬអាវធម្មតា នារីកូរ៉េក៏និយមពាក់អាវក្រៅបន្ថែមពីលើឈុតដែលពួកគេពាក់ដែរ។ វាអាចជាអាវក្រៅវែងសាច់ក្រណាត់ អាវចាក់ ឬអាវស្បែកជាដើម។
៦ សក់វែងទឹករលក
ចំពោះស្តាយសក់វែងទឹករលកគឺកំពុងតែមានការពេញនិយមខ្លាំងដោយពួកគេធ្វើម៉ូតទឹករលករលុងតិចៗ។ ការធ្វើម៉ូតសក់បែបនេះគឺមើលមកបែបធម្មជាតិមិនសាំញុំាតែស្រស់ស្អាត។
៧ គ្រឿងអលង្ការតូចៗ
នារីៗកូរ៉េចូលចិត្តណាស់គ្រឿងអលង្ការតូចៗតែមើលមក cuteវាមិនមានភាពរញ៉េរញៃនិងសាកសមចំពោះម៉ូតសម្លៀកពាក់ច្រើនប្រភេទ។
រូបភាព៖ Pinterest
ចុចអានបន្ត៖
អាវមួយកំណាត់ចេញសាច់ក្បាលពោះតិចៗ កំពុងឈរតំណែងជាម៉ូដពេញនិយមបំផុត