អាហារ ៥ ពណ៌ នារីកូរ៉េចូលចិត្តញ៉ាំមិនដែលខាន ដើម្បីជួយឲ្យស្បែកភ្លឺរលោងពីខាងក្នុង
- 2019-10-30 10:25:00
- ចំនួនមតិ 0 | ចំនួនចែករំលែក 0
អាហារ ៥ ពណ៌ នារីកូរ៉េចូលចិត្តញ៉ាំមិនដែលខាន ដើម្បីជួយឲ្យស្បែកភ្លឺរលោងពីខាងក្នុង
ធ្លាប់លឺទេថា ជនជាតិកូរ៉េភាគច្រើន ជាពិសេសនារីៗ តែងមានស្បែកស ទន់ ភ្លឺរលោង ចែងចាំងចេញពីខាងក្នុងតែម្តង។ ក្រៅពីអាកាសធាតុអំណោយផល ការថែបំប៉នដោយផលិតផល ជនជាតិកូរ៉េ ក៏បានគិតគូរយ៉ាងខ្លាំងពីរបបអាហារប្រចាំថ្ងៃ ដើម្បីទទួលបានស្បែកស្អាតមានសុខភាពល្អ។ អាថ៌កំបាំងទាំងនោះ មាននៅក្នុងអាហារ ៥ ពណ៌ដែលជនជាតិកូរ៉េ មិនដែលរំលងដាច់ខាត។
អត្ថប្រយោជន៍ធំៗនៃអាហារ ៥ពណ៌ដែលនឹងរៀបរាប់ខាងក្រោម រួមមាន ជួយធ្វើឲ្យស្បែកស្អាតស្រស់ថ្លានិងការពារស្នាមជ្រីវជ្រួញ យ៉ាងមានប្រសិទ្ធភាព។
១. អាហារពណ៌ស៖ ខ្ទឹមបារាំង ចេក ស្ពៃក្តោប ខ្ទឹមស ឆៃថាវ...។
មុខងារ៖ ផ្ទុកនូវសារធាតុម្យ៉ាងហៅថា Anthocyanin អាចជួយទប់ស្កាត់ភាពចាស់ និងធ្វើឲ្យស្បែកស្អាត។
២. អាហារពណ៌លឿង៖ ម្ទេសហាវ៉ៃលឿង ល្ហុង ដំឡូងជ្វា ពោត ការ៉ុត ល្ពៅ...។
មុខងារ៖ សម្បូរសារធាតុ Lutein ដែលអាចជួយថែបំប៉នសុខភាពភ្នែក ជួសជុលស្បែកឲ្យមានសុខភាពល្អឡើងវិញ និងបង្កើនភាពស៊ាំក្នុងរាងកាយ។
៣. អាហារពណ៌ក្រហម៖ ប៉េងប៉ោះ ឪឡឹក ផ្លែប៉ោម ផ្លែប៉េះ ម្ទេសហាវ៉ៃក្រហម...។
មុខងារ៖ ផ្ទុកសារធាតុលីកូពីន ដែលអាចជួយប្រឆាំងនឹងជំងឺមហារីក ការពារសុខភាពបេះដូង និងសម្រួលដល់ចលនាឈាម។ ជាពិសេស វាធ្វើឲ្យស្បែកសរលោងចែងចាំង។
៤. អាហារពណ៌បៃតង៖ គ្រប់បន្លែពណ៌បៃតងទាំងអស់។
មុខងារ៖ មានតួនាទីសំខាន់ក្នុងការបណ្តេញជាតិពុលចេញពីរាងកាយ និងការពារជំងឺមហារីកបានយ៉ាងល្អ។
៥. អាហារពណ៌ស្វាយ៖ ស្ពៃក្តោបពណ៌ស្វាយ ត្រប់ ទំពាំងបាយជូរ ប្លូប៊េរី...។
មុខងារ៖ មានប្រសិទ្ធភាពក្នុងការទប់ស្កាត់ភាពចាស់ ធ្វើឲ្យស្បែកទន់ស្អាតមានសុខភាពល្អ។
ដើម្បីទទួលបានទាំងស្បែកស្អាតនិងសុខភាពល្អ គួរចាប់ផ្តើមអនុវត្តពីថ្ងៃនេះ ដោយការញ៉ាំបន្លែផ្លែឈើឲ្យបានច្រើននិងធ្វើការផ្លាស់ប្តូរពណ៌ជារៀងរាល់ថ្ងៃ៕
ចុចអានបន្ត៖ ស្បែកមុខទន់ភ្លឺរលោង ដោយរូបមន្តស្រាបៀ