មើលដឹងតំណែងអ្នកក្នុងបេះដូងគេនៅលេខរៀងណា ពេលកំពុងជួបទំនាក់ទំនងមិនច្បាស់លាស់
- 2019-10-30 06:55:00
- ចំនួនមតិ 0 | ចំនួនចែករំលែក 0
មើលដឹងតំណែងអ្នកក្នុងបេះដូងគេនៅលេខរៀងណា ពេលកំពុងជួបទំនាក់ទំនងមិនច្បាស់លាស់
ក្នុងភាពជាយុវវ័យនេះ អ្នកណាក៏ធ្លាប់ឆ្លងកាត់ទំនាក់ទំនងមិនច្បាស់លាស់ដែរ។ នៅពេលអ្នកជួបមនុស្សយល់ចិត្តគ្នា ហើយជាមិត្តនឹងគ្នា តែបែរជាមិនមែនស្នេហា អ្នកច្បាស់ជាឈឺក្បាលជាមិនខាន។ ពេលខ្លះ អ្នកក៏ចង់ដឹងថា តើរវាងអ្នកនិងគេ ត្រូវជាអ្វីនឹងគ្នា ជាមិត្ត ឬសង្សា។ ខាងក្រោមនេះ អាចប្រាប់ពីតំណែងរបស់អ្នកក្នុងទំនាក់ទំនងនេះ ដែលអ្នកឆ្ងល់ជាយូរមកហើយ។
**១. មិត្តជិតស្និទ្ធ**
បើអ្នកទាំងពីរមានអាយុស្របាលគ្នា ហើយអារម្មណ៍វិញអាចបើកចិត្តនិយាយរកគ្នាទៅវិញទៅមករាល់ថ្ងៃ នោះគឺអ្នកទាំងពីរជា "មិត្តជិតស្និទ្ធ" នឹងគ្នាហើយ។ អ្នកទាំងពីរតែងចែករំលែករឿងពិបាកចិត្ត រឿងដែលមិនហ៊ាននិយាយជាមួយអ្នកផ្សេង តែចំពោះមនុស្សម្នាក់នេះវិញ អ្នកហ៊ានបើកចំហចិត្តនិយាយដោយគ្មានលាក់លៀម។ ប៉ុន្តែសម្រាប់អ្នកវិញដឹងត្រឹមថា មិត្តម្នាក់នេះពិសេសមិនមែនធម្មតាដូចអ្នកដទៃឡើយ។
២. Sis & Bro
ចម្លើយសម្រាប់អ្នកទាំងពីរគឺដោយសាររវាងអ្នកមានគម្លាតអាយុខុសគ្នា ម្នាក់បង ម្នាក់ប្អូន ហើយមានសារសំខាន់ចំពោះគ្នាមិនអាចខ្វះបាន។ ដូច្នេះប្រើពាក្យថា Sis & Bro គឺស័ក្ដិសមសម្រាប់ទំនាក់ទំនងរវាងអ្នកនិងគាត់ ដែលតែងបង្ហាញអារម្មណ៍ល្អដាក់គ្នា ប្រៀបដូចបងប្រុសនិងប្អូនស្រី ដែលតែងយកចិត្តទុកដាក់គ្នាទៅវិញទៅមក។
៣. លើសពីមិត្តភក្កិ តែមិនមែនសង្សា
ទំនាក់ទំនងនេះមានភាពស្មុគស្មាញជាងចំណងណាៗទាំងអស់ មើលទៅមិនច្បាស់លាស់ ពិបាកយល់ ដូចគូស្នេហ៍លាក់លៀម។ ម្ខាងទៀតធ្វើគ្រប់យ៉ាងដូចមនុស្សស្រលាញ់គ្នា ប៉ុន្តែជំនួសមកវិញ ឋានៈក្នុងបេះដូង គឺស្ថិតក្នុង លើសពីមិត្តភក្កិ តែមិនមែនជាស្នេហា។ ម្យ៉ាងទៀត ក៏ជាមនុស្សដែលតែងជជែកគ្នា មានរឿងអ្វីក៏ប្រាប់គ្នាដោយមិនអល់អែក ផ្តល់ភាពសំខាន់ឲ្យគ្នាទៅវិញទៅមក។ យ៉ាងណាក៏ដោយ សរុបជារួម ទំនាក់ទំនងប្រភេទនេះ បានត្រឹមលើសពីមិត្ត តែមិនមែនសង្សា។
៤. អ្នកពិភាក្សា
ទំនាក់ទំនងដ៏ពេញនិយមមួយទៀត ដែលមនុស្សជាច្រើនប្រហែលធ្លាប់ឆ្លងកាត់យ៉ាងហោចម្ដងនោះគឺតំណែង "អ្នកពិភាក្សា"។ ឋានៈនេះ ជាជំហានមួយ ដែលឆ្ពោះទៅរកឋានៈជាសង្សា។ ប៉ុន្តែតើអ្នកដឹងទេថា ពាក់កណ្ដាលនៃជំហាននេះគឺបានត្រឹមតំណែង អ្នកពិភាក្សា ប៉ុណ្ណោះ។ មិនអាចប្រូម៉ូតខ្លួនឯងឲ្យលើសពីនេះ ដែលគេម្ខាងទៀតក៏មិនដែលបង្ហើបថា ស្រលាញ់ ។
ចុះអ្នកវិញ ស្ថិតក្នុងទំនាក់ទំនងមួយណា? កុំអាលបាក់ទឹកចិត្តអី ថ្វីដ្បិតទំនាក់ទំនងខាងលើសុទ្ធតែមិនមែនជាតំណែង សង្សា តែយ៉ាងហោចអ្នកមានឋានៈជាមិត្តដែលជិតស្និទ្ធនឹងគេខ្លាំងបំផុត ។ នេះក៏អាចជាកាដូមួយសម្រាប់អ្នក ដែលមានមិត្តយល់ចិត្តម្នាក់ ដែលមិនមែនអ្នកណាក៏អាចទទួលបានបែបនេះឡើយ។ សង្ឃឹមថា ឆាប់ៗនេះអ្នកនឹងរកបានទំនាក់ទំនងច្បាស់លាស់ ហើយមានតំណែងជា សង្សា ។
ចុចអាន៖ មនុស្សប្រុសបើចង់បានស្នេហា សូមកុំប្រើល្បិចបែបនេះអីព្រោះសាហាវណាស់ចំពោះមនុស្សស្រី