ស្បែកស្រស់ថ្លាពេញសំណើម ដោយវិធីសាមញ្ញ

2019-10-10 11:15:00
ចំនួនមតិ 0 | ចំនួនចែករំលែក 0

ស្រីស្អាតជាច្រើនប្រាកដជាមិនចង់ឃើញ ស្បែកខ្លួនេងប្រែជាប្រះក្រហែងដូចដីខែប្រាំងនោះទេ។ គ្រាន់តែអនុវត្តតាមវិធីសាមញ្ញ៤យ៉ាង ស្បែកស្រស់ថ្លានឹងរត់មករកអ្នកយ៉ាងពិតប្រាកដ។

១. ផឹកទឹក

វិធីងាយស្រួលបំផុតគឺផឹកទឹកឲ្យបានច្រើនក្នុងមួយថ្ងៃ។ អ្នកត្រូវអនុវត្តវិធីនេះ ដោយអាចដាក់ដបទឹកតាមខ្លួនពេលចេញដើរឆ្ងាយ ដើម្បីផឹកទឹកឲ្យបានច្រើន។ ទឹកជួយឲ្យប្រព័ន្ធផ្សេងៗក្នុងរាងកាយធ្វើការបានល្អ ស្បែកស្រស់បស់ មិនស្ងួត។

២. គេង

អំឡុងពេលគេង ជាពេលដែលកោសិការាងកាយជួសជុលនិងស្ដារឡើងវិញ។ ដូច្នេះបើកុំចូលគេងយប់ជ្រៅ អ្នកនឹងទទួលបានគុណសម្បត្តិជួយឲ្យស្បែកស្អាត។ ក្នុងមួយថ្ងៃ គួរចំណាយពេលគេងឲ្យបានយ៉ាងហោច ៧ - ៨ ម៉ោង នោះជាការល្អ។

៣. បិទម៉ាស

បើទោះជាយើងប្រឹងថែទាំរូបរាងកាយខាងក្នុង តែខាងក្រៅក៏ត្រូវអើពើដែរ។ ជាការណែនាំ អ្នកគួរបិទម៉ាសតាមប្រភេទស្បែកយ៉ាងហោច២ដងក្នុងមួយអាទិត្យ។ សម្រាប់អ្នកមិនសូវមានពេល ការបិទម៉ាសនេះហើយអាចជួយស្បែកយ៉ាងលឿនទាន់ចិត្ត។

៤. ញ៉ាំអាហារ

អាហារសុខភាពនឹងជួយស្បែកអ្នកសុខភាពល្អ ហើយក៏ជួយឲ្យប្រព័ន្ធរាងកាយខាងក្នុងដំណើរការបានល្អដែរ។ ស្បែករាងកាយស្អាត ហើយថែមទាំងរាងស្លីមបានទៀតផង។ នេះពិតជាទទួលបានគុណសម្បត្តិយ៉ាងច្រើនមែន។

អ្នកប្រហែលគិតថា គ្រាន់តែវិធីសាមញ្ញបែបនេះមិនសមនឹងបានស្បែកស្អាតស្រស់ថ្លាទេ តែបើអ្នកលៃលកអនុវត្តតាម នោះលក្ខខណ្ឌស្បែកពិតជាស្អាតលើសការរំពឹងទុក។ ចង់បានស្បែកសុខភាពល្អ ត្រូវឲ្យវាចេញពីខាងក្នុងនោះទើបសម្រស់ពេញដោយមន្តស្នេហ៍៕

ប្រភព៖ jelly ប្រែសម្រួល៖ លឹម សុនា