មនុស្សប្រុសឲ្យតម្លៃនារីចាត់ទុកដូចព្រះនាង ព្រោះពេញចិត្តអត្តចរិត៣យ៉ាងនេះ
- 2019-10-07 05:20:00
- ចំនួនមតិ 0 | ចំនួនចែករំលែក 0
មនុស្សប្រុសឲ្យតម្លៃនារីចាត់ទុកដូចព្រះនាង ព្រោះពេញចិត្តអត្តចរិត៣យ៉ាងនេះ
តម្លៃក្នុងកែវភ្នែករបស់បុរសជាព្រះនាង មិនមែនអ្នកណាសុទ្ធតែបាននោះទេ តែដោយសារស្រលាញ់អត្តចរិត៣យ៉ាងនេះ គាត់ព្រមឲ្យអ្នកជាព្រះនាង។ ព្រមដោយបេះដូងស្មោះត្រង់ ព្រមដោយកាយវិការទន់ភ្លន់ រួមទាំងអារម្មណ៍ពិត ព្រោះគាត់ពេញចិត្តអ្នកខ្លាំងបំផុត។ អត្តចរិត៣យ៉ាងនោះ មានដូចខាងក្រោម៖
១. មិនទាមទារ
អ្នកខ្លះច្រើនតែសុំឲ្យមនុស្សប្រុសទិញនេះទិញនោះសម្រាប់ពួកគេ ប៉ុន្តែទង្វើនេះនឹងបង្ហាញពីភាពអាត្មានិយម។ មនុស្សស្រីឆ្លាតព្រមឲ្យបុរសគិតដឹងថា នាងចូលចិត្តអ្វី និងអ្វីដែលនាងចង់បាន តែមិននិយាយប្រាប់ផ្ទាល់ឡើយ។ ធ្វើជានារីដែលឲ្យមនុស្សប្រុសលួចសរសើរ កុំឲ្យបុរសផ្ដល់លុយកាក់ឲ្យ តែធ្វើឲ្យគាត់ផ្ដល់ក្ដីស្រលាញ់ឲ្យអ្នកច្រើនវិញ។
ធ្វើជានារីដែលស្រស់ស្អាតដូចកុលាបមានបន្លានៅក្នុងសួន ដែលមិនមែនអ្នកណាក៏អាចកាច់បាន តែគ្រប់គ្នាប្រាថ្នានិងយកចិត្តផ្ចិតផ្ចង់ពេលចង់កាច់កុលាបមួយទងនេះ។ ធ្វើជានារីដែលឲ្យបុរសរស់នៅដូចជក់ថ្នាំញៀន ដែលគាត់មិនអាចចាកឆ្ងាយបានពីអ្នក ព្រោះទង្វើល្អអ្នកធ្វើឲ្យគាត់នឹកគ្រប់ពេល។
២. តែងតែចិត្តល្អដាក់សាច់ញាតិខាងប្ដី
នារីពូកែនឹងក្លាយជាមនុស្សសំខាន់រាល់ការសម្រេចចិត្តនៅក្នុងគ្រួសារ។ កុំគិតថាអ្នកស្រលាញ់ប្ដីម្នាក់ អ្វីៗគ្រប់គ្រាន់។ ព្រោះនៅពេលអ្នកស្រលាញ់សាច់ញាតិខាងប្ដី គាត់ក៏នឹងស្រលាញ់ព្រមទាំងចិត្តល្អដាក់ឪពុកម្ដាយរួមទាំងបងប្អូនរបស់អ្នកដូចគ្នា។ ជាទូទៅ នារីដែលដឹងពីរបៀបយកចិត្តទុកដាក់ប្ដីបានល្អ នឹងធ្វើឲ្យគាត់សប្បាយចិត្ត ព្រោះដូចសំណាងបានមនុស្សម្នាក់ដែលយល់ពីគាត់។
កុំធ្វើជាប្រពន្ធដែលងប់ងុលតែការងារនៅការិយាល័យ មិនអើពើផ្ទះសម្បែង។ គ្មានឪពុកម្ដាយក្មេកណាចង់បានកូនប្រសាមកផ្ទះយប់ មិនដែលចម្អិនបាយម្ហូបសោះឡើយ។ អ្នកគួរតែដឹងពីការធ្វើជាប្រពន្ធ ម្ដាយ និងកូនប្រសាល្អ។
៣. តែងតែស្មោះត្រង់និងមានចិត្តអាណិតអាសូរ
ភាពស្មោះត្រង់ជារឿងចាំបាច់ក្នុងជីវិតអាពាហ៍ពិពាហ៍ព្រោះនឹងធ្វើឲ្យប្ដីប្រពន្ធមានសម្ព័ន្ធស្នេហាជ្រាលជ្រៅហើយរស់នៅជាមួយគ្នាយូរអង្វែង។ បុរសចង់បាននារីចេះយល់និងចែករំលែក ម្ល៉ោះហើយអ្នកត្រូវយល់ពីការលំបាករបស់ប្ដី ទើបយល់ពីគ្នាទៅវិញទៅមក។
កុំឲ្យតែប្តីចូលផ្ទះ ប្រពន្ធស្តីជេរមិនឈប់ លឺតែមាត់ទ្រហឹងអឺងកង មិនយូរទេបុរសនោះលែងចង់ចូលផ្ទះទៀត។ គោរពគ្នាទៅវិញទៅមក គាំទ្រគ្នា ជាសុភមង្គលពិតដែលបុរសចង់បានពីមនុស្សស្រី៕
ចុចអាន៖ នារីមានចរិយាសម្បត្តិ ៣ នេះធ្វើឲ្យមនុស្សប្រុសបាក់ចិត្តចង់រៀបការជាមួយ