បើមានសញ្ញាទាំងនេះ អ្នកគឺជាមនុស្សស្រីរឹងមាំពិតប្រាកដមែន
- 2019-09-15 02:00:00
- ចំនួនមតិ 0 | ចំនួនចែករំលែក 0
បើមានសញ្ញាទាំងនេះ អ្នកគឺជាមនុស្សស្រីរឹងមាំពិតប្រាកដមែន
ទន់ខ្សោយអស់ពាក់កណ្ដាលជីវិតទៅហើយ ក៏ដល់ពេលមនុស្សស្រីត្រូវក្រោកឈរហើយរៀនរឹងមាំលើជើងទាំងទ្វេរបស់យើងហើយ។ ដើម្បីក្លាយជាស្ត្រីរឹងមាំម្នាក់ ក្រៅពីខាងក្រៅត្រូវសភាពរឹងប៉ឹងហើយនោះ នៅក្នុងចិត្តក៏ត្រូវតាំងចិត្តឲ្យមុតមាំដូចគ្នាទើបអាចសម្រេចការងារធំបាន។ ខាងក្រោមនេះគឺជាសញ្ញាដែលបង្ហាញថា អ្នកពិតជាអាចយោងខ្លួនអាចបានរួចហើយ។
១. មនុស្សរឹងមាំមិនយកគេធ្វើជាគំរូ
មនុស្សនីមួយៗសុទ្ធតែមានគោលដៅ និងវិថីដែលត្រូវដើររៀងៗខ្លួន គ្មានផ្លូវមួយណា ឬគោលដៅមួយណាដែលត្រូវ ឬខុសឡើយ។ គោលដៅរបស់បុគ្គលជោគជ័យមួយចំនួនក៏ប្រហែលជាមិនស័ក្ដិសមនឹងអ្នក។ អ្នកដែលរឹងមាំ គេដឹងពីចំណុចខ្លាំង និងខ្សោយរបស់ខ្លួនច្បាស់ណាស់ ដូចនេះទោះបីជាឃើញអ្នកខ្លះជោគជ័យលឿនយ៉ាងម៉េចក៏ដោយ ក៏គេនឹងរក្សាជំហររបស់ខ្លួនច្បាស់ជានិច្ច។
២. មិនប្រៀបធៀបខ្លួនឯងនឹងអ្នកដទៃ
ការដែលយកខ្លួនទៅប្រៀបធៀបនឹងអ្នកដទៃគឺគ្មានបានការអ្វីទាំងអស់ ក្រៅពីធ្វើឲ្យខ្លួនឯងកាន់តែបាក់ទឹកចិត្ត។ កាលពីតូចយើងតែងតែមិនចូលចិត្តពេលប៉ាម៉ាក់និយាយពាក្យថា៖ មើលកូនគេទៅ។ ពេលធំឡើងក៏ដូចគ្នា បើយើងរឹងប៉ឹងហើយ គឺដើរលើផ្លូវរបស់យើង ផ្លូវគេជារឿងរបស់គេ គ្មានពាក់ព័ន្ធគ្នាឡើយ។
៣. ជោគជ័យតូចក៏ជាជោគជ័យ
មនុស្សគ្រប់គ្នាអាចបែរខ្នងនឹងយើង អាចជាន់ទម្លាក់យើង អាចមើលងាយសមិទ្ធិផលដែលយើងសាងបាន តែអ្នកត្រូវចាំថា ដរាបណាដែលយើងនៅជឿលើខ្លួនឯង គឺយើងមិនដួលឡើយ។ សម្រាប់គេ ផ្ទះ ឬឡាន ទើបគេចាត់ទុកថាជាសមិទ្ធិផលនោះ តែចំពោះយើងទូរសព្ទ ឬម៉ូតូក៏អាចជាសមិទ្ធិផលដូចគ្នា ព្រោះវាជាអ្វីដែលត្រូវចំណាយញើសឈាមទើបអាចរកបាន។ ដូចនេះយើងមានសិទ្ធមានមោទកភាពចំពោះអ្វីដែលយើងរកបាន។
៤. បរាជ័យមិនធ្វើឲ្យអ្នករាថយ
សម្រាប់មនុស្សមួយចំនួន បរាជ័យមួយដង អាចធ្វើឲ្យពួកគេរារែកក្នុងការឈានទៅមុខបន្តទៀត ព្រោះគេខ្លាចជាន់លើដានដដែរ។ តែបើអ្នករឹងមាំ អ្នកមិនខ្លាចឈានទៅមុខទៀតឡើយ ព្រោះអ្នកដឹងច្បាស់ថា បើអ្នកនៅមួយកន្លែង អ្នកនឹងមិនជោគជ័យជាដាច់ខាត។ អ្នកនឹងសន្សំបទពិសោធន៍ ហើយនឹងឆ្ពោះទៅមុខជានិច្ច ទោះដឹងថាថ្ងៃខែខាងមុខនឹងជួបព្យុះភ្លៀងក៏ដោយ៕
ចុចអាន៖ ចង់ឲ្យខ្លួនឯងក្លាយជានារីដ៏មានឥទ្ធិពលម្នាក់ គួរតែមាននូវចំណុចទាំងនេះ!