ខុសពីឆ្នាំមុនៗដាច់! លំដាប់ពិន្ទុរបស់សិស្សបាក់ឌុបត្រូវចាំដល់ចេញវិញ្ញាបនបត្រ

2019-09-09 10:26:26
ចំនួនមតិ 0 | ចំនួនចែករំលែក 0

ស្របពេលការប្រកាសលទ្ធផលបាក់ឌុបឆ្នាំ ២០១៩សម្រាប់មណ្ឌលនៅរាជធានីភ្នំពេញ និងខេត្តកណ្ដាល នៅថ្ងៃរសៀលថ្ងៃទី ០៩ កញ្ញា នេះ ក្រសួងអប់រំ យុវជបង្ហាញតារាងលំន និងកីឡា មិនបានដាប់ពិន្ទុដល់បេក្ខជនដូចឆ្នាំមុនៗនោះទេ ក្រោមហេតុផលគឺ ដើម្បីបន្ថយការភ័ន្តច្រឡំពីសាធារណជន។

ឯកឧត្តម រស់ សុវាចា អ្នកនាំពាក្យនៃក្រសួងអប់រំ បានប្រាប់ Sabay តាមរយៈ សារអេឡិចត្រូនិចនៅមុនបន្តិចថា មូលហេតុដែលក្រសួងធ្វើដូចនេះ ដើម្បីបន្ថយការភ័ន្តច្រឡំ និងឆ្លើយតបមតិរបស់សាធារណជន ដែលតែងតែឆ្ងល់ពីការគណនាលំដាប់ពិន្ទុ និងនិទ្ទេស។

ប៉ុន្តែយ៉ាងណា ក្រសួងនឹងបញ្ជាក់លំដាប់ពិន្ទុរបស់បេក្ខជនលើវិញ្ញាបនបត្រ និងបញ្ជូនបញ្ជីលំដាប់ពិន្ទុរបស់បេក្ខជនទៅនាយកដ្ឋានពាក់ព័ន្ធក្រសួងអប់រំ យុវជន និងកីឡា ដូចជា នាយកដ្ឋានឧត្តមសិក្សា ដែលនាយកដ្ឋានត្រូវការលំដាប់ពិន្ទុ ដើម្បីពិនិត្យលទ្ធភាព និងផ្ដល់អាទិភាពដល់បេក្ខជនដែលនឹងទទួលអាហារូបករណ៍

គួរបន្ថែមថា ក្រសួងនឹងបញ្ចេញបញ្ជីលំដាប់ខ្ពស់សម្រាប់សិស្សនិទ្ទេស Aក្នុងពេលបន្ទាប់។

អត្ថបទ៖ ស៊ិន សាវ៉េត