អាថ៌កំបាំង​ពិសេស​ធ្វើ​ឲ្យ​ចិញ្ចើម​ដុះ​ក្រាស់​​ដូច​ធម្មជាតិ​ពី​ខ្ទឹម​ក្រហម​និង​ខ្ញី

  • 2019-08-19 10:50:00
  • ចំនួនមតិ 0 | ចំនួនចែករំលែក 0

មិន​ចាំ​បាច់​ទាល់​តែ​ប្រើ​គ្រឿង​សម្អាង​ថ្លៃ​ៗ​ ឬ​ចំ​ណាយ​ពេល​រាប់​ម៉ោង​ទៅ​ធ្វើ​ចិញ្ចើម​ទេ​។ រូប​មន្ត​ងាយ​ៗ​ពី​ខ្ញី​និង​ខ្ទឹម​ក្រហម​អាច​ជួយ​ឲ្យ​ស្រី​ៗ​មាន​ចិញ្ចើម​ស្រស់​ស្អាត​ដូច​ប្រាថ្នា​បាន​។

ខ្ញី​ជួយ​ឲ្យ​ចិញ្ចើម​ស្អាត

ខ្ញី​មាន​រសជាតិ​ហឹរ​ដែល​ជួយ​ធ្វើ​​ចរាចរ​ដល់​ឈាម​ និង​សម្អាត​ស្បែក​ ដែល​ជួយ​ឲ្យ​គល់​រោម​ស្រូប​យក​សារធាតុ​ចិញ្ចឹម​បាន​យ៉ាង​ល្អ​។​ក្រៅ​ពី​យក​មក​ធ្វើ​គ្រឿង​ផ្សំ​សម្រាប់​ធ្វើ​ម្ហូប​ និង​សម្រក​ទម្ងន់​ វា​ជួយ​ឲ្យ​ចិញ្ចើម​ដុះ​លឿន​ជាង​មុន ក្រាស់​ ហើយ​ល្អ​ជាង​ការ​ប្រើ​ថ្នាំ​ផ្សេង​ៗ​។​

របៀប​ធ្វើ

ត្រូវ​លាង​ខ្ញី​ឲ្យ​ស្អាត​ ហាន់​ជា​បន្ទះ​ស្ដើង​ៗ​ ហើយ​យក​វា​មក​ជូត​នៅ​លើ​ចិញ្ចើម​​ ជូត​វា​ទៅ​មក​ៗ​ប្រហែល​ជា​ ២​នាទី​ ហើយ​ទុក​ចោល​មួយ​យប់​។​

ខ្ទឹម​ក្រហម​ និង​ទឹក​ឃ្មុំ​ជួយ​ឲ្យ​ចិញ្ចើម​មាន​ពណ៌​ខ្មៅ​និង​រឹង​មាំ​ល្អ​

គ្រឿង​ផ្សំ​សម្រាប់​ធ្វើ​មាន​ ខ្ទឹម​ក្រហម​ ១ ចម្រៀក​ ទឹក​ឃ្មុំ​ កន្លះ​​ស្លាបព្រា​កាហ្វេ​ ម៉ាស៊ីន​កិន ​កន្ត្រង​ ចាន​និង​ស្លាប​ព្រា​។​

វិធី​ធ្វើ

ចិត​ខ្ទឹម​ក្រហម​ ហើយ​លាង​ឲ្យ​ស្អាត​ ដាក់​ចូល​ក្នុង​ម៉ាស៊ីន​កិន​ឲ្យ​ម៉ដ្ឋ​ បន្ទាប់​មក​ប្រើ​កន្ត្រង​​ត្រង​យក​តែ​ទឹក​របស់​វា​ដាក់​ក្នុង​ចាន​ ហើយ​ចាក់​ទឹក​ឃ្មុំ​ចូល​។

យក​ប្រើ​ស្លាប​ព្រា​​កូរ​វា​ឲ្យ​ចូល​គ្នា​ជា​ល្បាយ​តែ​មួយ​។ មុន​នឹង​ប្រើ​ អ្នក​គួរ​តែ​លាង​សម្អាត​ត្រង់​តំបន់​ភ្នែក​ជា​មួយ​ទឹក​ក្ដៅ​ឧណ្ហ​ៗ​ដើម្បី​ពង្រីក​រន្ធ​រោម​​ជា​មុន​សិន។

ប្រើ​កន្សែង​ពោះ​គោ​ស្ងួត​ដើម្បី​ជូត​ទឹក​ចេញ​ បន្ទាប់​មក​ប្រើ​សំឡី​ជ្រលក់​ចូល​ក្នុង​ល្បាយ​ដែល​លាយ​ហើយ​យក​មក​ជូត​លើ​ចិញ្ចើម​ពី​ក្រោម​ឡើង​លើ​ ហើយ​ទុក​វា​ចោល​មួយ​យប់​ ព្រឹក​ឡើង​ត្រូវ​លាង​សម្អាត​ជា​មួយ​ទឹក​ត្រជាក់​។

អនុវត្ត​វិធី​នេះ​ ៣​ដង​ក្នុង​១​សប្ដាហ៍​ រយៈ​ពេល​២សប្តាហ៍ អ្នក​នឹង​ឃើញ​រោម​ចិញ្ចើម​របស់​អ្នក​វែង​ ហើយ​​ក្រាស់​ជាង​មុន​៕​

ចុចអាន៖ ​ចង់​​​​​បាន​ភ្នែក​​​ស្អាត​​​​​​ទាំង​​លើ​ទាំង​ក្រោម​ លែង​​​ពិបាកទៀតហើយ

ប្រភព៖ bestie ប្រែសម្រួល៖ ឃួន​ សុលីកា