៧យ៉ាងបញ្ជាក់ថា អ្នកជា "នារីផ្លែម្នាស់"
- 2019-08-14 07:50:00
- ចំនួនមតិ 0 | ចំនួនចែករំលែក 0
៧យ៉ាងបញ្ជាក់ថា អ្នកជា "នារីផ្លែម្នាស់"
- អ្វីទៅទើបហៅថា "នារីផ្លែម្នាស់” ?
- តើអ្នកបានក្លាយជា នារីផ្លែម្នាស់ដោយមិនខ្លួនមែនទេ?
នៅលើផ្លែម្នាស់ ប្រៀបដូចជាមានមកុដមួយសម្រាប់ពាក់ ប៉ុន្តែមិនក្អេងក្អាង ចេះបន្ទាបខ្លួន សឹងរាបស្មើទៅនឹងដី ។ ចំណែកឯរូបរាងខាងក្រៅរបស់វាវិញ ត្បិតមិនរលោងស្រួលកាន់បន្តិចមែន ប៉ុន្តែខាងក្នុង បង្កប់ទៅដោយភាពទន់ភ្លន់ផ្អែមល្ហែមលាយឡំជាមួយ ប្រៀបបាននឹងមនុស្សស្រី ដែលមានមាត់រឹង ចរិតខាងក្រៅកាចឆ្នាស ប៉ុន្តែមានទឹកចិត្តល្អនិងស្មោះត្រង់ មិនចេះលាក់ពុត។
ចង់ដឹងថា អ្នកជានារីផ្លែម្នាស់ពិតមែនឬយ៉ាងណា មានតែចំណុចខាងក្រោមនេះប៉ុណ្ណោះ ដែលអាចបង្ហាញយ៉ាងច្បាស់។
១. អ្នកអាចការពារបេះដូងរបស់ខ្លួនឯងបានយ៉ាងល្អិតល្អន់
ដូចជាផ្លែម្នាស់អីចឹងដែរ វាមានសំបកក្រាស់ ទុកសម្រាប់ការពារខ្លួន ឯអ្នកវិញក៏មានរបងរឹងមាំមួយ ទុកការពារបេះដូងនិងខ្លួនឯង មិនឲ្យរងឥទ្ធិពលអាក្រក់ពីអ្នកដទៃ។ អ្នកមានសមត្ថភាពគ្រប់គ្រាន់ ក្នុងការទប់ស្កាត់ មិនឲ្យមនុស្សខិលខូច មកជាន់ឈ្លីបេះដូងដាច់ខាត។
២. អ្នកបោះជំហានទៅមុខ ប្រកបដោយភាពជឿជាក់
អ្នកមានជំនឿមុតមាំលើខ្លួនឯង អាចដោះស្រាយរាល់ពេលជួបបញ្ហា មិនខ្លាចក្នុងការតតាំងជាមួយនឹងឧបសគ្គគ្រប់បែបយ៉ាង។ អ្នកមានជំហរជាក់លាក់ ទោះអ្នកផ្សេងព្យាយាមចង់យកតម្រាប់តាម ក៏មិនងាយដូចដែរ។
៣. ខាងក្រៅក្តៅបន្តិច ប៉ុន្តែខាងក្នុងត្រជាក់
មានន័យថា បើមើលលើឫកពាខាងក្រៅ គេឯងច្បាស់ជាគិតថាអ្នកកាចឆ្នាសម៉ឺងម៉ាត់ តែការពិតទៅចរិតពិតគឺចេះទន់ភ្លន់ផ្អែមល្ហែម ចិត្តល្អ ចូលចិត្តជួយគេ គ្រាន់តែមិនសូវចេះសម្តែង ម្ល៉ោះហើយបើនរណាបានរាប់អានអ្នកយូរទើបដឹងថាជាមនុស្សបែបណា។
៤. អ្នកមានចំណុចពិសេសមួយប្លែកពីមនុស្សដទៃ
ពិតណាស់ អ្នកខុសប្លែកពីមនុស្សដទៃនៅជុំវិញខ្លួន។ ចំណុចនេះហើយ បង្ហាញថាអ្នកមានលក្ខណៈពិសេសនិងទាក់ទាញ។ អ្នកផ្សេងក៏ចង់ដឹងណាស់ដែរ ថាតើមូលហេតុអ្វីទើបបានជាអ្នកពិសេសខុសគេដូច្នេះ? ប៉ុន្តែនេះជាអាថ៌កំបាំងពិបាកបរិយាយ ព្រោះអ្នកមានវាតាំងពីកំណើតមកម្ល៉េះ។
៥. ចិត្តល្អ ប៉ុន្តែមិនល្ងង់ឲ្យគេបោកប្រើ
មានទឹកចិត្តល្អពិតមែន ប៉ុន្តែកុំចង់បោកប្រើ ឬក្រឡាឲ្យសោះ គ្មានថ្ងៃទៅរួចនោះទេ។ បើមាននរណាហ៊ានធ្វើអាក្រក់ដាក់ អ្នកមិននៅស្ងៀមដាច់ខាត។ អ្នកអាចរកវិធីតបត ដោយភាពឆ្លាតវ័យ។
៦. អ្នកតែងតែតស៊ូដើម្បីសម្រេចគោលដៅ
អ្នកមានគោលដៅពិតប្រាកដ និងមានភាពតស៊ូអត់ធ្មត់ដើម្បីឈោងចាប់យកវាឲ្យបាន។ ទន្ទឹមគ្នានឹងការខិតខំប្រឹងប្រែង អ្នកក៏ជាមនុស្សពូកែស្រមើស្រមៃ មានភាពច្នៃប្រឌិតនិងទេពកោសល្យខ្ពស់។
៧. អ្នកចូលចិត្តលំហែកាយនៅឆ្នេរសមុទ្រ
អ្នកស្រលាញ់ការងារ ប៉ុន្តែបើមានពេលទំនេរលំហែកាយ ឆ្នេរសមុទ្រជាជម្រើសទី១សម្រាប់អ្នក ព្រោះអ្នកចូលចិត្តស្រូបយកខ្យល់អាកាសបរិសុទ្ធ ស្តាប់សំឡេងទឹករលក ដើម្បីឲ្យខួរក្បាលបានសម្រាកនិងធូរស្រាល បន្ទាប់ពីរវល់ជាមួយការងារឥតឈប់ឈរ។ អ្នកជឿជាក់ថា ការបង្កើតភាពសប្បាយរីករាយពិតជាសំខាន់ណាស់ ដើម្បីជំរុញការងារឲ្យលូតលាស់រីកចម្រើនតទៅមុខទៀត។
សរុបសេចក្តីមក នារីផ្លែម្នាស់មានគុណសម្បត្តិជាច្រើនមិនគួរឲ្យជឿ បើអ្នកស្ថិតក្នុងនារីប្រភេទនេះ គួរតែមានមោទនភាពចំពោះខ្លួនឯង៕
ចុចអានបន្ត៖