២ចំណុចសំខាន់ត្រូវដឹង មុននឹងសម្រេចចិត្តជ្រើសការងារណាមួយ

2019-07-22 07:45:00
ចំនួនមតិ 0 | ចំនួនចែករំលែក 0

ជំហានដំបូងមុននឹងសម្រេចចិត្តជ្រើសយកអ្វីមួយ យើងត្រូវស្គាល់ខ្លួនឯងឲ្យច្បាស់ជាមុនសិន ថាតើយើងខ្លួនឯងចូលចិត្តអ្វី ពូកែអ្វីខ្លះ ។ លើសពីនេះ ត្រូវស្គាល់ចំណុចខ្លាំងក៏ដូចជាចំណុចខ្សោយរបស់ខ្លួនឯងតាមរយៈការតាមដានសកម្មភាពជាប្រចាំ បូករួមនឹងការអនុវត្តកិច្ចការផ្សងៗនាពេលកន្លងមក។

ពាក់ព័ន្ធនឹងរឿងនេះ លោកស្រី ឃុន ពិសី ជាស្ថាបនិកនិងនាយកប្រតិបត្តិក្រុមហ៊ុន Careers Finder (Cambodia) ដែលជាស្រ្តីមួយរូបក្នុងចំណោមបេក្ខភាព ១១រូប បានទទួលជ័យលាភីពានរង្វាន់សហគ្រិនស្រ្តីឆ្នើមកម្ពុជាឆ្នាំ២០១៩ បានចែករំលែកបទពិសោធន៍ទាក់ទងនឹងការជ្រើសការងារណាមួយ។

ចំណុទី១ យើងមិនត្រូវជ្រើសការងារតាមគ្នានោះទេ ជាពិសេសអ្នកដែលកំពុងសិក្សា។ យើងត្រូវដឹងថា ការងារមួយណាជាចំណែកជួយយើងឲ្យឈានដល់គោលដៅដែលយើងកំណត់នៅថ្ងៃខាងមុខ ហើយត្រូវសួរខ្លួនឯង ថាតើយើងពិតជាមានជំនាញទៅលើការងារមួយនោះឬទេ?

ចំណុចទី២ យើងមិនគួរជ្រើសការងារណាដែលគិតថាងាយស្រួលសម្រាប់ខ្លួនឯងពេកនោះទេ ព្រោះបើយើងស្ថិតនៅកន្លែងងាយស្រួលពេក ការអភិវឌ្ឍខ្លួនឯងក៏នៅមានកម្រិតដែរ។ យើងត្រូវដឹងថា ការងារណា ក្រុមហ៊ុនបែបណាអាចបន្ត ធ្វើឲ្យយើងមានភាពអភិវឌ្ឍខ្លួនឯងទៅមុនជានិច្ច។

ជាក់ស្ដែង ប្រសិនបើយើងគិតថា ខ្លូនយើងពូកែខាងទំនាក់ទំនងហើយចង់ធ្វើការផ្នែកលក់ ដូច្នេះ ត្រូវតែសម្រចចិត្តខិតខំប្រឹងប្រែងធ្វើការងារនោះល្អបំផុត។ កុំគិតថា ការងារនេះត្រូវចេញដើរក្រៅច្រើន ត្រូវជួបគេច្រើន ហើយទុកឲ្យបុរសធ្ជាអ្នកធ្វើ។ ប៉ុន្តែយើងត្រូវគិតថា ការងារឬអ្វីក៏ដោយដែលពិបាក ហើយយើងអាចព្យាយាមធ្វើវាបាននោះ វាពិតជាមោទនភាពមួយសម្រាប់ខ្លូនឯងក៏ដូចជាគ្រួសាររបស់យើងផងដែរ។