៩រឿងដ៏កម្រ មានតែនៅជប៉ុន ពិបាករកបំផុតក្នុងពិភពលោក

2019-07-19 07:30:00
ចំនួនមតិ 0 | ចំនួនចែករំលែក 0

បើនិយាយដល់ប្រទេសជប៉ុន មនុស្សជាច្រើនប្រហែលជាមានចម្ងល់ និងស្រមើស្រមៃចេញជារូបភាពនានា។ រូបភាពទាំងនោះអាចមានដូច ប្រសិនបើអ្នកខ្លះក៏ធ្លាប់មើលតុក្កតា កម្មវិធីទូរទស្សន៍ ញុំាវ៉ក់ (Wok) ស៊ូស៊ី (Sushi) និងស្តាប់ចំរៀង ដែលច្រៀងដោយតារាចម្រៀងជប៉ុនជាដើម។

ថ្ងៃនេះ កញ្ញា សូមណែនាំរឿងរ៉ាវដ៏កម្រ ៩ យ៉ាងមានតែនៅក្នុងប្រទេសជប៉ុន ដែលមិនងាយមាននៅប្រទេសផ្សេងៗ។

១. ពេលឆ្លងផ្លូវ

ធម្មតាអ្នកឃើញរូបមនុស្សពណ៌បៃតង ទើបអាចឆ្លងថ្នល់បាន។ ប៉ុន្តែនៅផ្លូវសម្រាប់អ្នកដំណើរឆ្លងកាត់មួយចំនួននៅជប៉ុន អ្នកនឹងមិនឃើញសញ្ញានោះទេ។ ផ្ទុយទៅវិញ អ្នកនឹងឃើញរូបទន្សាយមីហ្វី (Miffy) ជាតួអង្គបង្កើតឡើងដោយ ឌីក ប្រ៊ូណា (Dick Bruna) អ្នកនិពន្ធសៀវភៅកុមារជនជាតិហូឡង់។ សំនួរសួរថា ហេតុអ្វីបានជាតួអង្គនេះចាត់ជាវប្បធម៌របស់ជប៉ុន?

ចម្លើយយ៉ាងសាមញ្ញនោះគឺ តុក្កតាមីហ្វី (Miffy) ស្រដៀងទៅនឹងតុក្កតាហេឡូឃីធី (Hello Kitty)។

២.កៅអីអង្គុយ

ដូចក្នុងរូបភាពនេះ យើងធ្លាប់តែអង្គុយលើកៅអីក្នុងហាងកាហ្វេ និងបា ឬកន្លែងផឹកស៊ីតែប៉ុណ្ណោះ។ ប៉ុន្តែសម្រាប់ប្រជាជនជប៉ុនវិញគេប្រើប្រាស់វានៅតាមហាងនានា ដើម្បីទទួលបានភាពកក់ក្តៅ ងាយស្រួលសម្រាកអានសៀវភៅ និងអាចទម្រេតខ្លួនបានផងដែរ។ បើសម្រាប់ជនជាតិអឺរ៉ុបហៅគ្រឿងសង្ហារិមនេះ អិហ្សាកាយ៉ា (Izakaya)។

៣. ឧបករណ៍ម៉ាស្សាដ៏កម្រ

ដើម្បីកាត់បន្ថយស្រ្តេស ឬភាពតានតឹង និងចៀសវាងការឈឺក្បាល នៅជប៉ុននិយមប្រើរបស់ឧបករណ៍ម៉ាស្សាដ៏ពិសេសមួយ ដែលមានការរចនាយ៉ាងសាមញ្ញ។ វាពិតជាមានភាពច្នៃប្រឌិត ងាយស្រួលប្រើ និងអាចជ្រោងសក់ចុះ ឡើងៗ ដោយប្រើចលនាម៉ាស្សាតិចៗ។

៤.មី Pringle

កាលពីមុន ព្រីងហ្គល (Pringle) ធ្លាប់ទទួលការពេញនិយមយ៉ាងខ្លាំងថាជាដំឡូងកំប៉ុង ទុកញ៉ាំលេង នៅតាមប្រទេសមួយចំនួនលើពិភពលោក។ ប៉ុន្តែនៅជប៉ុន ព្រីងហ្គល (Pringle) ជាប្រភេទប្រេនមីដ៏ល្បី ដែលប្រជាជនជប៉ុន តែងតែញុំាជាញឹកញាប់ រហូតមកដល់ពេលបច្ចុប្បន្ននេះ។

៥. តុក្កតាមូមីន

វាហាក់បីដូចជារឿងធម្មតា ដែលយើងឈប់នៅហាងកាហ្វេដែលជិត ឫក៏អង្គុយម្នាក់ឯងពេលម៉ោងញុំាបាយ។ ប៉ុន្តែនៅហាងកាហ្វេជប៉ុន គ្រប់ភ្ញៀវដែលអង្គុយម្នាក់ឯងនឹងទទួលបានតុក្កតា មូមីន (Moomins) ដ៏ធំមួយ ដើម្បីកំដរ កុំឲ្យពួកគេមានអារម្មណ៍ឯកា។

៦. ការកម្មង់កាហ្វេ

ជំនួសការប្រើប្រាស់ការវេចខ្ចប់កាហ្វេដាក់កែវជ័រ និងកែវក្រដាស នៅជប៉ុន គេក៏មានដាក់ដបតាមពណ៌ផ្សេងៗដែលអ្នកចង់បាន ដើម្បីកម្មង់កាហ្វេតាមកម្មវិធី ឬហៅថា App ទុកជាមុន។ បន្ទាប់មក អ្នកអាចទៅយកនៅហាងតាមពេលដែលបានកំណត់ ហើយសេវាកម្មនេះកំពុងទទួលបានការគាំទ្រយ៉ាងខ្លាំង។

៧. នំស្រួយម្យ៉ាង

តើអ្នកធ្លាប់ញុំានំស្រួយរូបរាងសត្វដែរឫទេ? វាមើលទៅសប្បាយលេងពេលដាក់ក្នុងដៃហើយទាយថាជា សត្វអី អាចជាអណ្តើក ក្រពើ ឫក៏សត្វតោ។ ប៉ុន្តែនៅជប៉ុនវិញ ពួកគេមានរូបដែរតែជារូបតុក្កតាប៉ុកគីម៉ុន (Pokémons.)។

៨. ទម្រាប់ពេលបុណ្យណូអែល

នៅតាមកន្លែងផ្សេងទៀតលើពិភពលោក ថ្ងៃបុណ្យចូលឆ្នាំថ្មីនិងថ្ងៃបុណ្យណូអែល មនុស្សតែងចំអិនម្ហូបអាហារដ៏ឈ្ងុយឆ្ងាញ់ និងមានពិធីជប់លៀងធំ។ វាប្លែកពីប្រទេសជប៉ុនមនុស្សមានអាកប្បកិរិយាខុសគ្នាចំពោះរឿងទាំងនេះ។

នៅយប់បុណ្យណូអែល ពួកគេចូលចិត្តញុំាសាច់មាន់ពីហាងនានា ដូចជា KFC ដែលជំនួសបុណ្យប្រពៃណីរបស់ទួរគី។

៩. រូបមន្តស៊ូស៊ី

បើអ្នកញុំាស៊ូស៊ីជារឿយៗ ធ្វើនៅប្រទេសនានាជុំវិញពិភពលោក អ្នកប្រហែលជាសង្កេតឃើញថាបាយមានធ្លាក់ចេញពីសាច់ត្រីសាលម៉ុន ពេលចាប់ជាមួយចង្កឹះ។ ទោះបីជាយ៉ាងណាក៏ដោយ មិនមានបញ្ហាបែបនេះទេនៅជប៉ុន ព្រោះពួកគេមានរូបមន្តពិសេសទប់ទល់ គឺយកអង្ករលាយជាមួយទឹកជ្រលក់ដែលមានជាតិស្ករ អំបិល និងទឹកខ្មះ។

ប្រភព៖ Brightside ប្រែសម្រួល៖ សុវណ្ណ ស្រីពីន