ការសិក្សាបង្ហាញថា៖ ការផ្អាកប្រើប្រាស់ហ្វេសប៊ុក អាចធ្វើឲ្យសុខភាពផ្លូវចិត្តល្អប្រសើរ

2019-07-18 03:05:00
ចំនួនមតិ 0 | ចំនួនចែករំលែក 0

យើងដឹងហើយថាបណ្ដាញប្រព័ន្ធផ្សព្វផ្សាយសង្គមមិនល្អសម្រាប់ផ្លូវចិត្តយើងនោះទេ មានការសិក្សាជាច្រើនបានស្វែងរកឃើញពីទំនាក់ទំនង រវាងអ្នកប្រើប្រាស់បណ្ដាញសង្គមហ្វេសប៊ុកខ្លាំង ការបាក់ទឹកចិត្ត ចិត្តច្រណែនឈ្នានីស នៅដាច់ដោយឡែកពីគេ និង ខ្សោយការគោរពខ្លូនឯង។

ឥឡូវនេះ ការសិក្សាមួយបានស្វែងរកឃើញថា បន្ទាប់ពីផ្អាកប្រើហ្វេសប៊ុកមួយសប្ដាហ៍ សុខភាពផ្លូវចិត្តរបស់យើងគឺមានភាពល្អប្រសើរយ៉ាងច្រើន ហើយភាពច្រណែនឈ្នានីសគេក៏បានរសាយបាត់គ្រាន់បើ។ កាសិក្សាបានបង្ហាញច្បាស់ទៀតថា បណ្ដាញប្រព័ន្ធផ្សព្វផ្សាយសង្គមបានធ្វើឲ្យខូចប្រយោជន៍ដល់សកម្មភាពប្រចាំថ្ងៃរបស់យើង ដូច្នេះហើយ ហេតុអ្វីយើងមិនបញ្ឃប់វាដោយខ្លួនឯង? មួយផ្នែកនៃមូលហេតុនេះ ប្រហែលជាដោយសារតែផ្ដាច់ចេញការបោកបញ្ឆោតនិងមូលដ្ឋានគ្រឹះរវាងអ្វីដែលយើងបានរំពឹងពីហ្វេសប៊ុកនិង អ្វីពិតជាក់ស្ដែងដែលយើងបានទទួលពីវា។

ការសិក្សាថ្មីមួយ បានចេញផ្សព្វផ្សាយនៅក្នុង Cyberphysiology, Behaviour and Social Networking បានបែកចែកមនុស្សប្រមាណ ២០០០ នាក់ជាពីរក្រុម ដែលជាមធ្យមមានអាយុ ៣៤ឆ្នាំ។ មួយក្រុមនៅតែប្រើ ហ្វេសប៊ុករបស់ពួកគេដូចធម្មតា ដោយឡែកមួយក្រុមទៀត ឈប់ប្រើប្រាស់ហ្វេសប៊ុក របស់ពួកគេមួយសប្ដាហ៍។ មុននិងក្រោយអំឡុងពេលសិក្សា អ្នកចូលរួមទាំងអស់ បានឆ្លើយតបនឹងអ្វីដែលបានរៀបចំឡើងដើម្បីដឹងពីអាកប្បកិរិយាពីការប្រើប្រាស់ហ្វេសប៊ុករបស់ពួកគេ និងពីរបៀបនៃការប្រើទាំងនោះ។ មួយចំនួនជាអ្នកប្រើប្រាស់យ៉ាងសកម្ម នេះមានន័យថា ពួកគេបានផុសរូបភាពនិងធ្វើវាឲ្យទាន់សម័យ ហើយខ្លះទៀតមិនមែនជាអ្នកសកម្មក្នុងការប្រើនោះទេ នេះមានន័យថា ពួកគេគ្រាន់ចូលមើលព័ត៌មានឬពិនិត្យអ្វីមួយត្រួសៗប៉ុណ្ណោះ។ ពូកគេក៏បានសាកសួរពីភាពសប្បាយរីករាយនៃជីវិត និងពីសុខភាពផ្លូវចិត្តរបស់ពួកគេ រួមបញ្ចូលទាំង សុភមង្គល ភាពឯកា ភាពរីករាយ ការបាក់ទឹកចិត្ត ការសម្រេចចិត្ត និងកំហឹង។

បន្ទាប់ពីមួយសប្ដាហ៍កន្លងផុតទៅ អ្នកផ្អាកប្រើហ្វេសប៊ុក មានលក្ខណៈល្អប្រសើរឡើងក្នុងទំនាក់ទំនងជាច្រើន។ ពួកគេប្រើជីវិតរស់នៅយ៉ាងសុខដុមស្រស់បំព្រង ប៉ុន្តែនេះសំដៅទៅលើអ្នកដែលចូលចិត្តប្រើវាខ្លាំងតាំងពីដំបូង។ អ្នកមិនសូវប្រើមិនឃើញផលប្រយោជន៍ដូចគ្នានោះទេ ហើយអ្នកប្រើក្នុងកម្រិតមធ្យមមានបទពិសោធន៍បានអត្ថប្រយោជន៍ត្រឹមតែមធ្យមប៉ុណ្ណោះ។ យោងតាមការសិក្សារបស់អ្នកនិពន្ធ Tromholt Morten បានបង្ហាញថា "ការឈប់ប្រើប្រាស់ហ្វេសប៊ុក ជួយឲ្យការយល់ដឹងមានកម្រិតខ្ពស់និងអាចសម្រួលដល់ផ្នែកផ្លូវចិត្តឲ្យប្រសើរឡើង។"

និន្នាការស្រដៀងគ្នានេះ ត្រូវបានរកឃើញសម្រាប់បទពិសោធនៃការច្រណែនឈ្នានីសតាមហ្វេសប៊ុក។ អ្នកដែលមានកម្រិតច្រណែនឈ្នានីសទាបមិនសូវឃើញមានផលប៉ះពាល់អ្វីពីការឈប់ប្រើហ្វេសប៊ុកនោះទេ ប៉ុន្តែអ្នកដែលមានភាពច្រណែនឈ្នានីសគេខ្លាំងនិងមធ្យមមានការថយចុះគួរឱ្យកត់សម្គាល់ចំពោះអារម្មណ៍ទាំងនោះក្រោយឈប់ប្រើប្រាស់ហ្វេសប៊ុក។

បើសិនជាហ្វេសប៊ុក មានគ្រោះថ្នាក់ខ្លាំងបែបនេះ ចុះហេតុអ្វីបានជាយើងរកអ្នកប្រើឱ្យបានច្រើនទៀត? ផ្នែកមួយនៃបញ្ហា ដូចជាការសិក្សាដទៃទៀតបានរកឃើញថា គឺអ្វីដែលមនុស្សបង្កើតកំហុសឆ្គង "ការព្យាករណ៍ខុស" នៅពេលព្យាករណ៍ ថាតើពួកគេនឹងទទួលបានសុភមង្គលប៉ុណ្ណាក្នុងការប្រើហ្វេសប៊ុក? ពួកគេសន្មត់ថា ពួកគេនឹងមានភាពសប្បាយរីករាយបន្ទាប់ពីប្រើ Facebook ប៉ុន្តែតាមការពិត ពួកគេមិនសប្បាយចិត្ដដោយសាររឿងជាច្រើន។ ហើយបញ្ហាទស្សន៍ទាយនេះអាចពន្យល់ពីបាតុភូតនៃការញៀននិងភាពមិនសប្បាយចិត្តរបស់ពួកគេក្នុងចំណោមអ្នកប្រើទាំងអស់នោះ។

វាមានសារៈសំខាន់ក្នុងការកំណត់សម្គាល់បាតុភូតដែលបានបង្ហាញនៅទីនេះ មានអារម្មណ៍ថាប្លែកហាក់ដូចជានិយមន័យដ៏ល្បីល្បាញនៃភាពធ្វេសប្រហែស ដោយធ្វើអ្វីដដែលៗ ហើយចង់បានលទ្ធផលខុសៗគ្នា។ ជាមួយនឹងការព្យាករណ៍ដែលខុសឆ្គងនេះ យើងសង្ឃឹមថាហ្វេសប៊ុក នឹងធ្វើឲ្យយើងមានភាពសប្បាយរីករាយ តែពេលជាក់ស្ដែងយើងទទួលបានភាពរីករាយតិចបំផុត និងកាន់តែកើតចិត្តច្រណែនឡើងៗ ជាម្ដងហើយម្ដងទៀត មិនចេះគ្រប់។ តើប្រភេទសំណួរអង្វរឬទទូចសុំអ្វីមួយបែបណាដែលបណ្ដាញប្រព័ន្ធផ្សព្វផ្សាយសង្គមធ្វើឲ្យយើងឆ្អួតចិត្តនោះ? ប្រហែលការងារនាពេលអនាគត គេនឹងរកវិធីធ្វើយ៉ាងណា ដើម្បីទាញយកអត្ថប្រយោជន៍នៃប្រព័ន្ធផ្សព្វផ្សាយសង្គមដោយមិនឲ្យមានគុណវិបត្តិបាននោះ ឬប្រហែលជាលេងជាមួយវាខ្លះហើយ ទើបយើងអាចគិតពីរបៀបធ្វើវាសម្រាប់ខ្លួនយើងបាន។

ចុចអានបន្ត៖ ធ្វើតាម ៩ ជំហាននេះទើបជីវិតមិនសូវជួបរឿងពិបាកចិត្តច្រើន

ប្រភព៖ Forbes ប្រែសម្រួល៖ ង៉ាន់ សុគុន