ធ្វើតាម ៩ ជំហាននេះទើបជីវិតមិនសូវជួបរឿងពិបាកចិត្តច្រើន

2019-06-17 07:32:48
ចំនួនមតិ 0 | ចំនួនចែករំលែក 0

គ្មាននរណាម្នាក់ចូលចិត្តភាពលំបាកចិត្តក្នុងជីវិតទេ។ អ្នកខ្លះមិនបួងសួងសុំទ្រព្យសម្បត្តិ ឬក្ដីស្រលាញ់អ្វីច្រើនទេ គឺសុំត្រឹមតែរស់នៅឲ្យសប្បាយចិត្តគឺគ្រប់គ្រាន់ហើយ។ បួងសួងតែម៉្យាងមិនគ្រប់គ្រាន់ទេ តែអ្នកត្រូវតែធ្វើតាម ៩ ជំហាននេះទើបជីវិតមិនសូវជួបរឿងពិបាកចិត្តច្រើន៖

ជំហានទី១៖ ដឹងឲ្យបានច្រើន ផ្ដោតលើការធ្វើរឿងតិចតួចល្អជាងការធ្វើរឿងច្រើនក្នុងពេលតែ១។ ជ្រើសរើសការងារដែលសំខាន់ជាងគេមកធ្វើទៅបានហើយ រួចទុករឿងផ្សេងមួយឡែកសិន។

ជំហានទី២៖ បន្ថយល្បឿនតែម៉្យាងនៅមិនទាន់គ្រប់គ្រាន់ទេ។ ត្រូវតែស្គាល់ខ្លួនឯង នៅពេលដែលអ្នកគិតថា ការយកខ្លួនឯងត្រលប់ចូលបច្ចុប្បន្នវិញជាបញ្ហា នោះការស្គាល់ខ្លួនឯងច្បាស់នឹងមិនធ្វើឲ្យអ្នកភ្លេចខ្លួនទេ។ កុំគិតតែពីខ្លួនឯង ហើយក៏មិនត្រូវគិតតែពីអ្នកដទៃដែរ។

ជំហានទី៣៖ ជីវិតគ្មានពេលច្រើនទេ រក្សាគម្លាតពីទូរសព្ទដៃ និងគ្រឿងអេឡិចត្រូនិកផ្សេងៗ ក្នុងថ្ងៃដែលអ្នកឈប់សម្រាក ហើយផ្ដោតលើអ្វីដែលអ្នកកំពុងធ្វើពិតប្រាកដ។ នេះជាការផ្លាស់ប្ដូរមួយដើម្បីធ្វើឲ្យជីវិតរស់នៅឲ្យបានគ្រប់គ្រាន់ មិនមែនមួយថ្ងៃៗនៅតែជាមួយបណ្ដាញសង្គម ហើយអង្គុយមើល email ពេញមួយថ្ងៃទេ។

ជំហានទី៤៖ យកចិត្តទុកដាក់ជាមួយមិត្តភក្តិ គ្រួសារ និងមនុស្សដែលនៅជុំវិញអ្នក។ ពាក្យថា ខ្វល់ខ្វាយ ត្រូវតែគូសបញ្ជាក់ឲ្យបានច្បាស់។ ដោយសារតែយើងភាគច្រើនមានទំនាក់ទំនងជាមួយមិត្ត គ្រួសារ មិត្តរួមការងារ ក្នុងលក្ខណៈមួយដែលលើសពីការយកចិត្តទុកដាក់ពិតប្រាកដ ហើយត្រូវបន្តបង្ហាញពីការយកចិត្តទុកដាក់ចំពោះអ្នកនៅជុំវិញខ្លួនដោយស្មោះ។

ជំហានទី៥៖ ផ្លាស់ប្ដូរអត្តចរិតថ្មី ត្រឡប់ទៅពេញចិត្តជាមួយនឹងសម្រស់ធម្មជាតិ ជំនួសឲ្យការធ្វើឲ្យខ្លួនឯងតឹងតែងនៅតែក្នុងផ្ទះពេញមួយថ្ងៃ។ ឧស្សាហ៍ដើរក្នុងសួនច្បារ ស្រូបយកខ្យល់អាកាសបរិសុទ្ធ ឬធ្វើសកម្មភាពផ្សេងៗដូចជាដើរ ហែលទឹក ឬជិះកង់ដែលធ្វើឲ្យរាងកាយទទួលយកខ្យល់ មើលឃើញព្រះអាទិត្យ ហើយធ្វើជាមនុស្សម្នាក់ដែលនៅជាមួយធម្មជាតិ។

ជំហានទី៦៖ ញ៉ាំយឺតៗ ដោយទំពាឲ្យបានល្អ ភាពឆ្ងាញ់ក្នុងមុខម្ហូបនីមួយៗ នឹងបង្កើតភាពរីករាយឲ្យជីវិតរបស់អ្នក ជាងការញ៉ាំលឿនៗគ្រាន់តែដើម្បីឆ្អែត ហើយមិនដឹងរសជាតិអ្វីសោះ។

ជំហានទី៧៖ បើកបរយឺតៗ ដើម្បីជួយបំបាត់ស្ត្រេស និងជួយកាត់បន្ថយគ្រោះថ្នាក់ចរាចរណ៍ផង ជំនួសឲ្យការកើតស្ត្រេសជាមួយនឹងចរាចរណ៍នៅតាមផ្លូវ។ ត្រូវបើកបរដោយការបន្ធូរអារម្មណ៍។

ជំហានទី៨៖ រីករាយ និងពេញចិត្តជាមួយរឿងដែលកំពុងកើតមានក្នុងពេលបច្ចុប្បន្ន។ តែត្រូវបោះជំហានឈានទៅរកអនាគត មិនថាអ្នកនឹងធ្វើរឿងអ្វីទេតែអ្នកត្រូវតែធ្វើវាដោយការចង់ធ្វើ និងរីករាយ។ សូម្បីតែការលាងចានក៏ធ្វើឲ្យអ្នករីករាយបានដែរ។ គ្រាន់តែផ្លាស់ប្ដូរនូវអ្វីដែលអ្នកបានឃើញ អ្នកគួរតែធ្វើជាមនុស្សទឹកកន្លះកែវ។

ជំហានទី៩៖ បន្ធូរបន្ថយភាពតានតឹងដោយការដកដង្ហើមធំៗ។ ពេលមានអារម្មណ៍ថាប្រញាប់ខ្លាំង និងប្រកួតប្រជែងខ្លាំង ត្រូវព្យាយាមដកដង្ហើមឲ្យវែងៗ។ ដើម្បីបំពេញសួតបាន ២ ទៅ ៣ អ៊ីញ។ ធានាថាអ្នកនឹងទទួលបានអារម្មណ៍ល្អប្រសើរ គួរតែធ្វើបែបនេះរៀងរាល់ដង្ហើមចេញចូលរបស់អ្នក ដោយការកំណត់ដង្ហើមតាមលំដាប់ ដើម្បីងាយនឹងផ្ចង់ស្មារតី៕

ចុចអាន៖ អាយុលើស ៣០ ឆ្នាំ ស្រីៗនឹងស្តាយខ្លាំងបំផុតដែលមិនបានធ្វើរឿងទាំងអស់នេះ

ប្រភព៖ pentahugs ប្រែសម្រួល៖ ឃួន សុលីកា