របស់ ៣ មុខ លាយជាមួយទឹកក្តៅឧណ្ណៗទុកផឹក ជួយកិនរំលាយអាហារនិងសម្រកគីឡូបានល្អ
- 2019-07-02 06:00:00
- ចំនួនមតិ 0 | ចំនួនចែករំលែក 0
របស់ ៣ មុខ លាយជាមួយទឹកក្តៅឧណ្ណៗទុកផឹក ជួយកិនរំលាយអាហារនិងសម្រកគីឡូបានល្អ
បើនិយាយពីវិធីសម្រកគីឡូ គឺមានច្រើនជម្រើសខ្លាំងណាស់។ អ្នកខ្លះជ្រើសយកការតមអាហារ ឯខ្លះទៀតព្យាយាមហាត់ប្រាណទម្រាំបានគោលដៅ។ វិធីអ្វីក៏ដោយ បើប្រព័ន្ធរំលាយអាហារដំណើរមិនល្អ អ្នកគ្មានថ្ងៃឃើញលទ្ធផលងាយៗឡើយ។ ហេតុនេះហើយ មានរបស់ ៣យ៉ាង អាចញ៉ាំជាមួយទឹកក្តៅឧណ្ណៗ ដើម្បីជួយសម្រួលដល់ប្រព័ន្ធរំលាយអាហារនិងបញ្ចុះទម្ងន់បានយ៉ាងល្អ។
ហេតុអ្វីបានជាទឹកក្តៅឧណ្ណៗអាចជួយដល់ប្រព័ន្ធរំលាយអាហារ?
ទឹកក្តៅឧណ្ណៗ ដែលមានសីតុណ្ហភាពចាប់ពី ៤៥-៥០ អង្សាសេ អាចជួយដល់ប្រព័ន្ធការពារនៅក្នុងមាត់។ លើសពីនេះទៅទៀត វាអាចកាត់បន្ថយជាតិខ្លាញ់តាមផ្នែកផ្សេងៗក្នុងរាងកាយ និងជួយឲ្យការកិនរំលាយអាហារមានដំណើរការល្អផងដែរ។ ជាពិសេស ទឹកក្តៅឧណ្ណៗ ល្អចំពោះអ្នកដែលព្យាយាមចង់សម្រកគីឡូ ជួយឲ្យលំហូរឈាមទៅកាន់ក្រពះរត់ស្រួល និងធ្វើឲ្យអ្នកមានអារម្មណ៍ថាឆាប់ឆ្អែត។
គួរផឹកភេសជ្ជៈទាំងនេះនៅពេលណាទើបល្អចំពោះសុខភាព?
ក្រោយភ្ញាក់ពីគេងនៅពេលព្រឹក ត្រូវលុបមុខហើយខ្ពុរមាត់ចេញឲ្យស្អាត។ បន្ទាប់មកផឹក១កែវ (ប្រហែល២០០មីលីលីត្រ) ចំណាយពេកប្រមាណ១០នាទី ដើម្បីផឹកឲ្យអស់។
ក្នុងមួយថ្ងៃ គូរផឹកឲ្យបានយ៉ាងហោចណាស់ ៤-៥កែវ ដើម្បីកម្ចាត់ខ្លាញ់ក្នុងរាងកាយ និងជួយឲ្យប្រព័ន្ធរំលាយអាហារធ្វើការបានល្អ។
តើគួរញ៉ាំទឹកក្តៅឧណ្ណៗជាមួយអ្វីខ្លះ ទើបឆាប់ទទួលបានប្រសិទ្ធភាព?
១. ក្តៅឧណ្ណៗជាមួយក្រូចឆ្មារ
ងាយៗដោយគ្រាន់តែចិតក្រូចឆ្មារជាបន្ទះស្តើង ដាក់ចូលក្នុងទឹកក្តៅឧណ្ណៗជាការស្រេច។ មួយកែវនេះមានប្រយោជន៍ច្រើនចំពោះសុខភាព ជួយឲ្យអារម្មណ៍ស្រស់ស្រាយ និងធ្វើឲ្យអ្នកញ៉ាំអាហារតិចជាងមុន។
២. ក្តៅឧណ្ណៗជាមួយឃីវី
ចិតផ្លែឃីវីជាបន្ទះឬជាចំណិតតូចៗក៏បាន ដាក់វាចូលទៅក្នុងទឺកក្តៅឧណ្ណៗ បន្ថែមទឹកឃ្មុំបន្តិចពីលើកាន់តែល្អ។ គីឃីមានប្រូតេអ៊ីននិងជាតិសរសៃ ដែលអាចជួយឲ្យក្រពះកិនអាហារបានល្អ។
៣. ទឹកក្តៅឧណ្ណៗជាមួយជីរអង្កាម
វិធីនេះកាន់តែងាយស្រួលទៅទៀត។ ដំបូងត្រូវត្រាំស្លឹកជីរអង្កាមប្រហែក៣សន្លឹកក្នុងទឹកក្តៅឧណ្ណៗ មុននឹងផឹក។ វាមិនត្រឹមតែជួយដល់ការកិនរំលាយអាហារប៉ុណ្ណោះទេ ថែមទាំងធ្វើឲ្យអារម្មណ៍ស្រស់ស្រាយ ខួរក្បាលមិនស្ពឹកស្រពន់ទៀតផង៕