កូនស្រីត្រូវចាំ! កុំលើកលែងទោសឲ្យមនុស្សប្រុសកំសាកលើសពី ២ ដង
- 2019-06-28 04:00:00
- ចំនួនមតិ 0 | ចំនួនចែករំលែក 0
កូនស្រីត្រូវចាំ! កុំលើកលែងទោសឲ្យមនុស្សប្រុសកំសាកលើសពី ២ ដង
កូនស្រីត្រូវចាំថា៖
ឱកាសប្រៀបបានដូចជាខ្យល់ មានតែមនុស្សមើលឃើញពីតម្លៃរបស់វាតែប៉ុណ្ណោះ ទើបមិនបណ្តោយឲ្យឱកាសរសាត់ទៅបាត់។
មនុស្សប្រុសខ្លះវិញ ធ្លាប់ធ្វើខុសច្រើនលើកច្រើនសារ ក៏អ្នកនៅតែអត់ឱនទោសឲ្យ ប៉ុន្តែគេមិនបានចាត់ទុកជារឿងសំខាន់ឡើយ ចុងក្រោយជនរងគ្រោះគឺជាអ្នក។
កុំបន្ទោសពេលឃើញគាត់មិនកែខ្លួន គួរសួរខ្លួនឯងវិញថា "ហេតុអ្វីលើកលែងទោសឲ្យច្រើនដងម្ល៉េះ?” ទាំងដែលគាត់មិនបានយកចិត្តទុកដាក់ខ្វាយខ្វល់ជាមួយផង។
មិនត្រឹមតែមិនកែប្រែឲ្យប្រសើរឡើងទេ ថែមទាំងប្រព្រឹត្តកំហុសកាន់តែធំទៅៗទៀត។
អ្នកក៏ជាមនុស្សដូចគ្នា ដាច់ខាតមិនត្រូវឲ្យកំហុសដដែលៗ មកជាន់ឈ្លីផ្លូវចិត្ត តឹងទ្រូងបៀមទុក្ខម្នាក់ឯងរាល់ថ្ងៃ ត្រូវរកវិធី និងជជែកពិភាក្សាដើម្បីបញ្ចប់។
បើគាត់មានកំហុសធ្ងន់ធ្ងរ លើសពី ២ដង ហើយអ្នកនៅតែលើកលែងចិត្តមិនដាច់ គួរបន្ទោសខ្លួនឯង ដោយសារតែអ្នកមិនទាន់រឹងមាំគ្រប់គ្រាន់ ដើម្បីប្រឈមនឹងបញ្ហាផ្សេងៗ។
អ្នកខ្លាចក្នុងការរស់នៅម្នាក់ឯង។
អ្នកខ្លាចកូនៗគ្មានប៉ាហៅដូចគេ (សម្រាប់អ្នករៀបការហើយ) ។
អ្នកខ្លាចពាក្យរិះគន់ និន្ទាពីអ្នកដទៃ រួមទាំងអារម្មណ៍ពិបាករ៉ាយរ៉ាប់ជាច្រើនទៀតមិនអាចនិយាយចេញមកបាន។
ទោះជាបែបនេះក្តី ត្រូវសួរខ្លួនឯងថា តើអ្នកមានសុភមង្គលពិតប្រាកដដែរទេ? បើគ្មានទេ បញ្ចប់ទៅល្អជាង។
រៀនរស់នៅម្នាក់ឯង ដើរទៅមុខដោយខ្លួនឯង អភិវឌ្ឍឲ្យរីកចម្រើន បង្កើនតម្លៃសម្រាប់ជីវិត។
សុខចិត្តឯកាបន្តិច ក៏គ្រាន់បើជាងរស់នៅជាមួយមនុស្សកំសាក ដែលធ្វើឲ្យអ្នកមានអារម្មណ៍ដូចស្លាប់ទាំងរស់ និងមិនឲ្យតម្លៃបន្តិចណាសោះ៕
ចុចអានបន្ត៖ បើចង់បានប្រពន្ធល្អ ប្រុសៗគួរតែត្រៀមខ្លួនធ្វើជាប្តីល្អជាមុនសិន