បង្ហាញមូលហេតុធ្វើឲ្យមង្គលការ Song Joong Ki និង Song Kye Kyo ដើរដល់ទីបញ្ចប់

2019-06-28 02:30:00
ចំនួនមតិ 0 | ចំនួនចែករំលែក 0

ក្រោយពេលកំពូលតារាសម្ដែងប្រុសកូរ៉េ Song Joong Ki ដាក់ពាក្យសុំលែងលះអតីតប្រពន្ធដែលជា តារាសម្ដែងស្រីជួរមុខ Song Hye Kyo ខាងស្រីក៏បញ្ចេញការឆ្លើយតបមកវិញដែរ តែមូលហេតុពិតប្រាកដដែលបែកគ្នាគឺមកពីអ្វី?

តារាសម្ដែងប្រុសលំដាប់ A កូរ៉េ Song Joong Ki បានធ្វើឲ្យកក្រើកវិស័យសិល្បៈកូរ៉េ ក៏ដូចជាអាស៊ីទាំងមូលនៅពេល តំណាងរបស់លោកប្រកាសថា លោកកំពុងដាក់ពាក្យលែងលះជាមួយ តារាសម្ដែងស្រី Song Hye Kyo។ គួរបញ្ជាក់ផងដែរថា អ្នកទាំង២ទើបតែរៀបមង្គលការនឹងគ្នាបានត្រឹមតែ១ឆ្នាំ ៨ ខែ ប៉ុណ្ណោះ។ ចំពោះពាក្យបណ្ដឹងលែងលះរបស់ តួរឿង “ម្ចាស់ព្រះអាទិត្យ” ត្រូវបានដាក់ទៅតុលាការនៅថ្ងៃទី២៦ ខែមិថុនា ប៉ុណ្ណោះ។ ក្រោយពេលខាងប្រុសបញ្ចេញសំឡេងមុន នៅពេលនេះ ខាងស្រីក៏ឲ្យដឹងពីមូលហេតុបែកគ្នាដូចគ្នា ដោយខាងស្រីប្រាប់ថា មកពីភាពខុសគ្នានៃចិត្តគំនិត។ យ៉ាងណាក្ដី បណ្ដាញព័ត៌មានក្នុងស្រុកជាច្រើនបានលើកហេតុផលផ្សេង ក្នុងការបែកគ្នានេះ។

តាមនោះដែរ ជាច្រើនខែមក ដែលអ្នកទាំង២មិនបានរស់នៅជាមួយគ្នា ព្រោះអ្នកជិតខាងរបស់ពួកគេឲ្យដឹងថា យូរណាស់ហើយ ដែលពួកគេមិនឃើញអ្នកផ្ទះរបស់អតីតគូស្នេហ៍ចេញមកចោលសំរាមដូចពេលទើបរៀបការនោះឡើយ គឺផ្ទះនេះត្រូវបានទុកចោលទាំងស្រុងតែម្ដង។

រីឯមូលហេតុចម្បងដែលគេសន្និដ្ឋាននៃការបែកគ្នានោះគឺ អាយុខុសគ្នារបស់អ្នកទាំងពីរ ដោយសារតែខាងប្រុសមានអាយុតិចជាងខាងស្រី៤ឆ្នាំ ហើយត្រូវគេគិតថា លោកនៅមានគំនិតក្មេង រីឯខាងស្រីបោះជើងចូលសិល្បៈមុន អតីតស្វាមីរបស់ខ្លួនដល់ជាង១០ឆ្នាំ ទើបធ្វើឲ្យនាងចាស់ទុំខ្លាំងពេក និយាយគ្នាមិនត្រូវ៕

ចុចអាន៖ Song Joong Ki ដាក់ពាក្យលែងលះ Song Hye Kyo

ប្រភព៖ Eva ប្រែសម្រួល៖ Caramel