ទឹកត្រសក់មានអត្ថប្រយោជន៍ច្រើនយ៉ាងនេះ ស្រីៗមិនគួររំលងទេ
- 2019-06-24 07:30:00
- ចំនួនមតិ 0 | ចំនួនចែករំលែក 0
ទឹកត្រសក់មានអត្ថប្រយោជន៍ច្រើនយ៉ាងនេះ ស្រីៗមិនគួររំលងទេ
ទឹកត្រសក់មិនត្រឹមតែឆ្ងាញ់ហើយងាយស្រួលធ្វើទេថែមទាំងមានអត្ថប្រយោជន៍ដ៏ច្រើនលើសលប់។ ទឹកត្រសក់ពោរពេញទៅដោយ វីតាមីន សារធាតុម៉ង់ហ្គាណែស(Manganese) ម៉ូលីដែន (Molybdenum) និងសារធាតុប្រឆាំងអុកស៊ីតកម្មផ្សេងៗ។ ទាំងនេះជាអត្ថប្រយោជន៍ខ្លះៗពីទឹកត្រសក់ដែលកំពុងពេញនិយម៖
១. ជួយសម្រកទម្ងន់
ទឹកមានប្រយោជន៍បំផុតសម្រាប់រាងកាយ ហើយប្រសិនបើវាថែមជាមួយត្រសក់ទៀតនោះវានឹងកាន់តែមានប្រសិទ្ធភាព។ ទឹកត្រសក់ជួយឱ្យអ្នកផឹកទឹកបានច្រើនដែលជាហេតុធ្វើឱ្យស្រកទម្ងន់ព្រោះអ្នកផឹកទឹកច្រើនអាចបំបាត់ការឃ្លាន។ វានឹងកាន់តែមានប្រសិទ្ធភាពបើសិនជាអ្នកលាយជាមួយក្រូចឆ្មារ។
២. សុខភាពស្បែក
ទឹកត្រសក់ជួយឱ្យស្បែកអ្នកមានសំណើមពីធម្មជាតិ។ លើសពីនេះទៅទៀត វាក៏អាចជួយឱ្យអ្នកមើលទៅក្មេងជាងវ័យ បំបាត់ភាពជ្រីវជ្រួញ។
៣. ជំនួយឆ្អឹង
ម៉ងហ្គាណែស(Manganese) និងស៊ីលីកា(Silica) ដែលមាននៅក្នុងទឹកត្រសក់អាចជួយពង្រឹងឆ្អឹង និងការពារជំងឺពុកឆ្អឹងបានយ៉ាងល្អ។
៤. បន្សាបជាតិពុលក្នុងរាងកាយ
ការផឹកទឹកច្រើនជួយបន្សាបជាតិពុលក្នុងខ្លួនអ្នក និងជួយឱ្យអ្នកនោមបានច្រើន។ ការនោមច្រើននិងបន្សាបជាតិពុលជួយបន្ថយសំពាធនៅក្នុងមេតាប៉ូលីស និងធ្វើឱ្យសុខភាពល្អ។
៥. ការពារជំងឺបេះដូង
ទឹកត្រសក់ផ្ទុកទៅដោយប៉ូតាស្យូម ដែលជាអេឡិចត្រូលីតដ៏សំខាន់សម្រាប់សុខភាព។ លើសពីនេះទៅទៀត វាក៏ជួយកាត់បន្ថយសំពាធឈាមនិងបេះដូង។
៦. ការពារជំងឺមហារីក
ត្រសក់សំបូរទៅដោយCucurbitacinជាសារធាតុតែមួយគត់ដែលប្រឆាំងនឹងអុកស៊ីតកម្ម។ វាអាចជួយការពារជំងឺមហារីកក្រពេញប្រូស្តាតបានយ៉ាងមានប្រសិទ្ធភាព។
៧. ពង្រឹងសាច់ដុំ
ស៊ីលីកា (Silica)គឺជាសារធាតុរ៉ែដ៏កម្រដែលអាចជួយដល់ជាលិកាតភ្ជាប់នៅក្នុងរាងកាយនិងធ្វើសាច់ដុំលូតលាស់ល្អនិងរឹងមាំ៕
ចុចអាន៖ ចូលចិត្តញ៉ាំស្រកានាគអ៊ីចឹង ដឹងអត់ថាវាមានប្រយោជន៍ដល់សុខភាព និងសម្រស់ម៉េចខ្លះ?