សង្សារ១០ឆ្នាំរបស់ តាវ មិញស៊ឺប្រញាប់ការនឹងប្រុសផ្សេងព្រោះម្ដាយកើតជំងឺបាត់ការចងចាំ

2019-06-14 04:00:00
ចំនួនមតិ 0 | ចំនួនចែករំលែក 0

កំពូលតារាម៉ូដែលតៃវ៉ាន់ Lin Chi Ling ប្រញាប់រៀបការនឹងតារាចម្រៀងជប៉ុនដោយសារតែជំងឺរបស់ម្ដាយចុះខ្សោយ។

កាលពីសប្ដាហ៍មុន តារាសម្ដែង និងម៉ូដែលជើងចាស់តៃវ៉ាន់ Lin Chi Ling ហើយក៏ជាអតីតមិត្តស្រីស្រលាញ់គ្នា១០ឆ្នាំរបស់តារាសម្ដែង Cherry Yan (តាវ មិញស៊ឺ) បានធ្វើឲ្យគេភ្ញាក់ផ្អើលយ៉ាងខ្លាំងនៅពេលប្រកាសថានាងបានរៀបការនឹងកំពូលតារាចម្រៀង Akira របស់ជប៉ុនរួចទៅហើយ។ ដែលកំលោះរបស់នាងទើបតែមានអាយុ៣៧ឆ្នាំ តិចជាងនាង៧ឆ្នាំ។

បណ្ដាញព័ត៌មានតៃវ៉ាន់បានទម្លាយថា មូលហេតុដែលតារាស្រីមិនចេះចាស់សម្រេចចិត្តតក់ក្រហល់បែបនេះនោះគឺ ជំងឺ Alzheimer របស់ម្ដាយនាង នៅពេលចុងក្រោយនេះ ចាប់ផ្ដើមធ្ងន់ធ្ងរជាងមុន ដែលធ្វើឲ្យលោកស្រីត្រូវទៅពេទ្យជាញឹកញាប់។ ដោយបារម្ភខ្លាចថាម្ដាយមិនអាចរៀបការ ទើបស្រីស្អាតវ័យ៤៥ឆ្នាំ រៀបការស្ងាត់ៗតែម្ដង។

គួរបញ្ជាក់ផងដែរថា ដោយសារតែចង់មើលថែរក្សាឪពុកម្ដាយដោយខ្លួនឯង កាលពីឆ្នាំ២០១៣ តារាស្រីរូបនេះបានចំណាយលុយ៥លានដុល្លារ ដើម្បីទិញផ្ទះថ្មី ហើយទទួលប៉ាម៉ាក់មកនៅជាមួយ ងាយនាងមើលថែ។ មុនពេលឈានដល់មង្គលដ៏ឆាប់រហ័សនេះ Chi Ling បានស្រលាញ់គ្នានឹង Cherry Yan ហើយត្រូវបានគេរំពឹងថានឹងរៀបការនឹងគ្នា តែពួកគេស្រាប់តែប្រកាសបែកគ្នាទៅវិញ៕