រើសយកសត្វទីទុយមួយ ដើម្បីដឹងថាអ្នកជាមនុស្សមានទម្លាប់បែបណាជាមួយមិត្តភក្តិ

2019-06-06 08:20:00
ចំនួនមតិ 0 | ចំនួនចែករំលែក 0

ក្នុងការទស្សន៍ទាយនេះនឹងធ្វើឲ្យអ្នកដឹងពីខ្លួនឯងដោយប្រើអារម្មណ៍ដំបូងគេរបស់អ្នកជ្រើសយកទីទុយមួយ អ្នកនឹងដឹងថាតើខ្លួនឯងជាមនុស្សបែបណាជាមួយមិត្តភ័ក្ដិ។

ទីទុយទី ១

ខាងក្រៅ និងខាងក្នុងរបស់អ្នកគឺខុសគ្នាដាច់។ ពេលខ្លះជាមនុស្សនៅមួយកន្លែងគ្មានអារម្មណ៍អ្វីសោះ ពេលខ្លះជាមនុស្សរវល់។ ជាមនុស្សដែលចូលចិត្តមើលស្ថានការណ៍ឲ្យបានច្បាស់សិនមុនសម្រេចចិត្តធ្វើអ្វីមួយ ប៉ុន្តែអ្នកតែងតែធ្វើឲ្យមនុស្សនៅជុំវិញខ្លួនឆ្ងល់ជាមួយអ្នកជាញឹកញាប់។ ជាអ្នកសម្រេចចិត្តដ៏ពូកែម្នាក់ដែលមនុស្សនៅក្នុងក្រុមមិនអាចខ្វះអ្នកបាន ព្រោះអ្នកជាមនុស្សមានការបត់បែនលឿន។ ពេលខ្លះអាចជាមនុស្សស្ងប់ស្ងាត់ ហើយពេលខ្លះជាមនុស្សដែលកក់ក្ដៅដែលអាចប្រែប្រួលបានតាមស្ថានភាពផ្សេងៗ។

ទីទុយទី ២

អ្នកជាមនុស្សឆាប់ប្រកាន់។ អ្នកជាមនុស្សមានហេតុផល តែចូលចិត្តលាក់ទុកអារម្មណ៍ខ្លួនឯង។ រឿងតូចៗនៅជុំវិញខ្លួនអ្នកអាចធ្វើឲ្យអ្នកចាំអារម្មណ៍ស្ទើរតែពេញមួយថ្ងៃ។ ជាមនុស្សសាមញ្ញ តែពូកែមើលមនុស្ស និងជាអ្នកស្ដាប់ដ៏ជំនាញ។ តាំងពីក្មេង រហូតដល់ពេញវ័យ អ្នកនៅតែងតែធ្វើជាខ្លួនឯង ហើយនឹងរីករាយជានិច្ច។

ទីទុយទី ៣

អ្នកជាមនុស្សចូលចិត្តមើលថែអ្នកដទៃ។ មិត្តភ័ក្ដិតែងតែមករកដើម្បីពិភាក្សាពីបញ្ហា។ អ្នកជាមនុស្សដែលតែងតែមើលអ្នកដ៏ទៃក្នុងផ្លូវល្អ។ មិនថាអ្នកនៅទីណាទេ អ្នកនៅតែប្រកាន់ជំហរធ្វើខ្លួនឯង។ ជាមនុស្សដែលចេះយោគយល់ចំពោះអ្នកដទៃ ជាអ្នកស្ដាប់ដ៏ពូកែ ហើយជួយធ្វើឲ្យគេមានអារម្មណ៍ល្អពេលនោះក្បែរអ្នក ព្រោះអ្នកមានបេះដូងដែលរឹងមាំ និងទន់ភ្លន់។

ទីទុយទី ៤

អ្នកជាមនុស្សពូកែច្នៃប្រឌិត។ ក្នុងខួរក្បាលពោរពេញដោយការគិតត្រង់ៗ តែនឹងមិននិយាយចេញមកទេរហូតដល់ពេលសំខាន់ទើបអ្នកនិយាយ។ អ្នកមើលទៅជាមនុស្សដែលអាថ៌កំបាំង ដែលគួបផ្សំជាមួយអត្តចរិតដូចជា Hero ជាប្រភេទមនុស្សដែលខុសពីគេឯង។ អ្នកផ្សេងអាចគិតថាអ្នកជាមនុស្សចម្លែក តែទាំងនេះជាអ្វីដែលធ្វើឲ្យអ្នកមើលទៅលេចធ្លោខុសពីគេ។

ទីទុយទី ៥

ជាមនុស្សដែលស្ងាត់ស្ងៀមនិងមានទឹកចិត្តបរិសុទ្ធ។ មិនចូលចិត្តប្រើអារម្មណ៍ជាមួយអ្នកដទៃ អ្វីដែលអ្នកត្រូវការពិតប្រាកដគឺអ្វីដែលធម្មតាៗ។ អ្នកតែងតែរំពឹងថាមនុស្សនៅជុំវិញអ្នកនឹងសប្បាយចិត្ត។ អ្នកជាមនុស្សដែលមានភាពស្មោះត្រង់ និងមានទំនួលខុសត្រូវខ្ពស់។ រីករាយនឹងធ្វើដើម្បីអ្នកដទៃដោយទំនួលខុសត្រូវ និងការអាណិតអាសូរ។ អាចនិយាយបានថាអ្នកគឺជាមនុស្សម្នាក់ដែលមានគុណសម្បត្តិច្រើន និងមានតម្លៃ៕

ចុចអាន៖ ជ្រើសរើសរូបបេះដូងមួយដើម្បីដឹងថាអ្នកជាមនុស្សបែបណា ពេលមានស្នេហា

ប្រភព៖ pentahugs ប្រែសម្រួល៖ ឃួន សុលីកា