៣ តិចនិកសម្រកទម្ងន់យ៉ាងមានប្រសិទ្ធិភាពដោយការញ៉ាំ

2019-05-23 04:00:00
ចំនួនមតិ 0 | ចំនួនចែករំលែក 0

មានប្រភេទអាហារមួយចំនួន ពេលញ៉ាំចូលខ្លួន មិនត្រឹមតែមិនឡើងគីឡូនោះទេ ថែមទាំងជួយសម្រកគីឡូបានយ៉ាងល្អទៀតផង។

១. សម្រកទម្ងន់ដោយញ៉ាំស៊ុប

អ្នកចូលចិត្តញ៉ាំស៊ុបតែមិនញ៉ាំដោយសារខ្លាចស៊ុបផ្ទុកជាតិខ្លាញ់ច្រើនមែនទេ? លែងបារម្ភទៀតទៅដោយអ្នកអាច ធ្វើស៊ុបដោយបន្លែ និងរក្សាបានជាតិសាច់ដដែលដោយប្រើម្សៅស៊ុបមានរសជាតិសាច់។ អ្នកអាចបរិភោគស៊ុបនេះជាអាហារចម្បងទាំង៣ពេល។ ស៊ុបដែលល្អចំពោះសុខភាពនោះគឺរួមមានស្ពៃក្ដោប ប៉េងប៉ោះ និងពោតជាដើម។ ដើម្បីកុំឲ្យខ្លួនហើម មិនគួរដាក់គ្រឿងមុតពេកឡើយពេលស្ងោរស៊ុបសម្រាប់សម្រកទម្ងន់។

២. សម្រកគីឡួដោយសណ្ដែកខ្មៅ

អ្នកមានដឹងហេតុអ្វីបានប្រជាជនកូរ៉េភាគច្រើនមានរាងស្អាតៗទេ? នោះគឺមកពី រាល់ពេលដាំបាយ ប្រជាជនប្រទេសនេះតែងលាយអង្ករជាមួយសណ្ដែកខ្មៅជានិច្ច។ ហើយមូលហេតុដែលសណ្ដែកប្រភេទនេះជួយសម្រកគីឡូនោះគឺ សណ្ដែកខ្មៅឆាប់ធ្វើឲ្យឆ្អែតជាងបាយធម្មតា នោះក៏ធ្វើឲ្យយើងញ៉ាំតិចជាងមុន។

៣. បន្ថែមជាតិហិរក្នុងម្ហូប

នេះគឺជាវិធីសាស្ត្រដែលត្រូវបានអនុវត្តច្រើនបំផុតនៅប្រទេសថៃ។ អ្នកអាចធ្វើឲ្យម្ហូបរបស់ខ្លួនហិរជាងមុនដោយបន្ថែម ជី ម្រេច និងម្ទេសជាដើម។ អ្នកវិទ្យាសាស្ត្របានឲ្យដឹងថា ជាតិហិរក្នុងអាហារនឹងជម្រុញឲ្យការរំលាយអាហារប្រព្រឹត្តទៅលឿនជាងមុន។ ស្របគ្នានេះដែរ វាក៏ជួ៏យដុតជាតិខ្លាញ់ក្នុងខ្លួនផងដែរ៕