ស្រីៗពេលមានចរិត ៨ យ៉ាងនេះបង្ហាញថាអ្នកជានារីចាស់ទុំហើយ
- 2019-05-23 03:00:00
- ចំនួនមតិ 0 | ចំនួនចែករំលែក 0
ស្រីៗពេលមានចរិត ៨ យ៉ាងនេះបង្ហាញថាអ្នកជានារីចាស់ទុំហើយ
បើអ្នកនៅឆ្ងល់ថាតើមនុស្សស្រីបែបណាទើបហៅថាចាស់ទុំ អានអត្ថបទនេះទៅមិនខុសទេ។ មនុស្សស្រីមិនតិចទេដែលមិនទាន់ដឹងខ្លួនថាចាស់ទុំហើយនៅ ហើយខ្លះទៀតមិនដឹងថាដូចម្ដេចដែលហៅថាចាស់ទុំនោះទេ។ ចាស់ទុំមិនមែនសំដៅដល់អ្នកដែលមានអាយុច្រើន តែភាពចាស់ទុំសំដៅដល់ការចេះគិត ចាស់ចិត្ត ចាស់គំនិត ទៅវិញទេ។ មិនថាអ្នកមានអាយុប៉ុន្មានទេ សង្កេតមើលខ្លួនឯងថាមានចរិត ៨ យ៉ាងហ្នឹងហើយនៅ? បើមានបញ្ជាក់ថាអ្នកជាមនុស្សចាស់ទុំហើយ៖
១. ផ្ដោតលើការស្លៀកពាក់ខ្លាំង
ពីមុនមិនដឹងថាត្រូវស្លៀកពាក់ស្អីឲ្យស្អាតទេ ខោអាវពេញទូរហើយរអ៊ូថាអត់អីពាក់ ឲ្យតែឃើញទំនងចេះតែទិញឃើញគេស្លៀកស្អាតក៏ចង់ទិញដែរ។ តែឥឡូវដឹងថាស្លៀកពាក់បែបណាឲ្យមើលទៅសមនឹងស្រួលខ្លួន ដឹងថាត្រូវស្លៀកពាក់បែបណាសម្រាប់ចូលរួមកម្មវិធីបែបណា។
២. ចាប់ផ្ដើមចេះរៀបចំគម្រោងចាយលុយ
ពីមុនដឹងតែថារកបានប៉ុន្មានចាយប៉ុណ្ណឹង នឹងឃើញចង់ទិញអីក៏ទិញមិនសូវចេះគិតច្រើនទេ។ តែឥឡូវប្រែជាចេះសន្សំ ចេះយកលុយទៅរកស៊ី កំណត់ការចាយ ចេះធ្វើឲ្យឲ្យចំណូលនិងចំណាយសមាមាត្រគ្នា។
៣. ចូលគេងនិងក្រោកពីគេងលឿន
ការសម្រាកពិតជាសំខាន់ពេលដែលនៅអាយុកំពុងពេញធ្វើការ។ កាលពីមុនមិនថាឲ្យតែរួចដៃពីរៀន ឬធ្វើការទេដឹងតែទៅក្រៅដើរលេងដល់យប់ បើមិនអ៊ីចឹងក៏នៅលេងទូរសព្ទដល់យប់ជ្រៅដែរទើបដាច់ចិត្តបិទភ្នែក ចូលដេកយ៉ាងលឿនបំផុតក៏ម៉ោង ១២ដែរ ហើយបើព្រលឹមឡើងវិញម៉ោងរោទ៍មិនទាន់ដឹងចុចបិទហើយដេកវិញ។ តែឥឡូវវិញចូលដេកយ៉ាងយូរម៉ោង ១០ ព្រលឹមឡើងម៉ោង ៥ មិនទាន់ដឹងតែភ្ញាក់ហើយ។
៤. ថ្ងៃសម្រាកចូលចិត្តនៅផ្ទះ
ដល់ថ្ងៃឈប់ច្រើនថ្ងៃមិនទាន់ទេប្រមូលគ្នារៀបគម្រោងដើរលេងអស់ហើយ តែឥឡូវវិញឲ្យតែបានឈប់មិនចង់ចេញក្រៅផ្ទះ ហើយមានថានៅផ្ទះមានអារម្មណ៍ថាស្រួលខ្លួន ហើយមិនចាំបាច់ចាយលុយច្រើន។
៥. មិនចូលចិត្តតារាចម្រៀងថ្មី
កុំនិយាយពីមុនឲ្យតែក្រុមតារាថ្មីចេញមកមិនទាន់ទេចេះរាំ ចេះច្រៀងគ្រប់បទ។ តែដល់ឥឡូវវិញកុំសួរក្រុមណាចេញថ្មីអត់ដែលស្គាល់ទេ ហើយក៏អត់ចូលចិត្តដែរ។ ចូលចិត្តស្ដាប់តែបទចាស់ៗ បទថ្មីៗស្ដាប់មិនចូលត្រចៀក។
៦. យកចិត្តទុកដាក់លើអាហារសុខភាព
លើកមុនវិញចូលចិត្តតែរបស់ហឹរ ខ្លាញ់ របស់ត្រាំអីហ្នឹងទេ។ តែឥឡូវមុនញ៉ាំអីគឹគិតដល់សុខភាពមុនគេ បើដឹងថាអាហារនោះប៉ះពាល់ដល់សុខភាពវិញគឺអត់ញ៉ាំដាច់ខាត។
៧. ចាប់ផ្ដើមលែងចង់ makeup
ពីមុនវិញកុំថាឡើយចេញក្រៅ តែនៅផ្ទះហ្នឹងបើអត់បានផាត់មុខមានអារម្មណ៍នៅអត់សុខ គ្មានទំនុកចិត្ត ។ តែឥឡូវខ្ជិលឲ្យតែនៅផ្ទះតែក្រែមមិនផង ពេលខ្លះទៅធ្វើការ ឬទៅក្រៅក៏លែងចង់ផាត់មុខដែរ។ ព្រោះតែត្រូវចំណាយពេលយូរហើយត្រូវពិនិត្យមើលមុខពេញមួយថ្ងៃទៀត។
៨. យកចិត្តទុកដាក់ខ្លាំងជាមួយគ្រួសារនិងមនុស្សជាទីស្រលាញ់
ពីមុនវិញមិនសូវចាប់អារម្មណ៍យកចិត្តទុកជាគ្រួសារ និងមនុស្សជាទីស្រលាញ់ទេនិយាយរួមទៅគឺអាត្មានិយមតែម្ដង។ តែដល់ពេលឥឡូវស្រាប់តែចេះគិតគូរទៅណាមកណាតែងតែនឹកដល់អ្នកចាស់ និងមនុស្សជាទីស្រលាញ់ ធ្វើអ្វីតែងតែខ្វល់ពីចិត្តពួកគេ មុននឹងនិយាយសម្ដីចេញមកមួយម៉ាត់ៗក៏ត្រូវពិចារណាឲ្យបានច្បាស់លាស់ជាមុនសិន៕
ចុចអាន៖ ជីវិតនឹងពោរពេញដោយភាពរីករាយបើកុំជួយ និង គិតរឿង ៣ យ៉ាងនេះ