ជីវិតនឹងពោរពេញដោយភាពរីករាយបើកុំជួយ និង គិតរឿង ៣ យ៉ាងនេះ

2019-05-21 04:00:00
ចំនួនមតិ 0 | ចំនួនចែករំលែក 0

ជីវិតគឺពោរពេញដោយជម្រើស នៅពេលដែលមានរឿងអ្វីកើតឡើង យើងមានសិទ្ធិជ្រើសរើសថាត្រូវប្រឈមនឹងស្ថានភាពនោះបែបណា។ ដូចនេះការរស់នៅក្នុងពិភពលោក បើសិនជាអ្នកចេះកុំគិតរឿង ៣ យ៉ាង និងកុំជួយរឿង ៣ យ៉ាងនេះខួរក្បាល និងចិត្តរបស់យើងនឹងបានសម្រាក។

រឿង ៣ យ៉ាងមិនគួរជួយ

ការងារដែលហួសពីសមត្ថភាព

ពាក្យចាស់តែងនិយាយថា «ការជួយនរណាម្នាក់គឺមិនធ្ងន់ធ្ងរណាស់ណាទេ តែអ្វីដែលគ្មានទម្ងន់សោះនោះគឺការដែលមិនបានជួយនរណាម្នាក់សោះ» នៅពេលដែលយើងព្យាយាមជួយនរណាម្នាក់ដោយប្រថុយប្រថានវាអាចនឹងធ្វើឲ្យស្ថានភាពកាន់តែយ៉ាប់ ឬអាចធ្វើឲ្យវាបាត់បង់តែម្ដង ហើយអ្នកដទៃនឹងបន្ទោស ពិតណាស់រឿងបែបនេះគ្មាននរណាចង់ឲ្យកើតឡើងទេ។ ការជួយគេក៏ត្រូវគិតពីសមត្ថភាពខ្លួនឯងដែរ។ មិនអាចពឹងលើការសន្យាតែមិនអាចធ្វើបានទេ។

បញ្ហាសាច់ញាតិ

នៅពេលដែលសាច់ញាតិជួបប្រទះភាពលំបាក ការជួយតាមលទ្ធភាពគឺជារឿងគួរតែធ្វើ។ តែគ្មាននរណាអាចផ្លាស់ប្ដូរវាសនារបស់មនុស្សបានទេ ប៉ុន្តែគ្រាន់តែអាចជួយបានពេលមានការបន្ទាន់តែប៉ុណ្ណោះ។ ចំពោះអ្នកដែលមិនអាចដើរទៅមុខបានដោយជើងខ្លួនឯង ការជួយរបស់អ្នកដទៃនឹងធ្វើឲ្យគេចាំតែពឹងពាក់លើអ្នកដទៃ។ មនុស្សបែបនេះមិនសមនឹងទទួលបានជំនួយពីអ្នកនោះទេ។

ផ្សំផ្គុំគូឲ្យគេ

វាសនាដែលត្រូវបានគេកំណត់រួចហើយ មនុស្សមិនគួរចេះកែប្រែវានោះទេជាពិសេសការចាប់គូឲ្យគេ។ កាលពីសម័យមុនបុរស និងស្ត្រីគ្មានសិទ្ធិស៊េរីភាពក្នុងការទំនាក់ទំនងគ្នាទេ អ៊ីចឹងហើយត្រូវការនរណាម្នាក់ដើម្បីណែនាំ។ តែសព្វថ្ងៃនេះទំនាក់ទំនងរវាងបុរសនិងស្ត្រីគឺមានលក្ខណៈទូលំទូលាយណាស់ តែទោះបីជាមិត្តភក្តិជិតស្និទ្ធក៏មិនគួរណែនាំឲ្យគ្នាដែរ។ រឿងដែលទាក់ទងនឹងស្នេហានិងការរៀបការមិនមែនជារឿងដែលងាយដោះស្រាយបានដោយប្រើហេតុផលទេ។ អ្នកខាងក្រៅមិនគួរជ្រៀតជ្រែកខ្លាំងពេកទេ។

រឿង ៣ យ៉ាងមិនគួរគិតដល់

កុំគិតដល់រឿងដែលមិនអាចធ្វើបាន

កុំព្យាយាមគិតដល់រឿងដែលហួសពីសមត្ថភាព។ បរាជ័យក្នុងការធ្វើ មិនអាចសម្រេចវា អ៊ីចឹងកុំគិតពីវាទៀត។ ក្នុងលោកនេះមានរឿងច្រើនណាស់ដែលលើសពីសមត្ថភាពរបស់មនុស្សយើង។ សូមទទួលយកអ្វីៗគ្រប់យ៉ាងដែលបានកើតឡើង ដំណោះស្រាយគឺត្រូវដោះស្រាយបាន បញ្ហាដែលមិនអាចដោះស្រាយបាន ក៏ទទួលយកវាទៅ។ គ្មាននរណាដឹងពីវាសនាដែលនឹងកើតឡើងទេ ធ្វើអ្វីដែលអ្នកអាចមើលឃើញហើយត្រូវតែធ្វើវា។ ត្រូវជឿថាអ្នកកាន់តែព្យាយាម អ្នកនឹងមានសំណាងកាន់តែល្អ កុំព្រួយពីវា ហើយកុំខ្វល់ថាវានឹងដួលឬអត់។

កុំគិតវែងឆ្ងាយខ្លាំងពេក

កុំគិតច្រើនពេកពីអនាគត។ មានរឿងជាច្រើននៅថ្ងៃខាងមុខដែលយើងមិនអាចដឹង ការគិតច្រើននឹងមិនបានការអ្វីទេ។ ឥឡូវរឿងតែមួយគត់ដែលយើងអាចគ្រប់គ្រងបានគឺជីវិតត្រូវតែមានជំហានឲ្យរឹងមាំជារៀងរាល់ថ្ងៃ ម៉ោង នាទី និងវិនាទី។

កុំគិតដល់រឿងដែលកន្លងហួសហើយ

អតីតកាលជាកន្លែងល្អដែលគួរតែទៅលេង តែមិនគួរទៅស្នាក់នៅនោះទេ។ ត្រូវបំបាត់ចោលភាពងងឹត ត្រូវតែដើរចេញទៅខាងក្រៅ ដើម្បីឲ្យដឹងថាពន្លឺរបស់ព្រះអាទិត្យកំពុងតែបញ្ចេញរស្មីយ៉ាងស្រស់ស្អាតនៅខាងក្រៅ។ អតីតកាលជារឿងដែលមិនអាចកែខៃអ្វីបានឡើយ បើសិនជាអ្នកត្រូវបានវង្វេងក្នុងទីងងឹតរបស់អតីតកាល អ្នកនឹងបាត់បង់ឱកាសក្នុងការស្វែងរកផ្លូវឆ្ពោះទៅមុខ៕

ចុចអាន៖ ទម្លាប់តូចតាចប្រចាំថ្ងៃ ៦ យ៉ាងធ្វើឲ្យអ្នកអាប់រាសីងើបមុខមិនរួច

ប្រភព៖ bestie ប្រែសម្រួល៖ ឃួន សុលីកា