ឆ្នាំម៉ែក្មេក និងកូនប្រសារស្រី៥គូឆុងគ្នា ដូចភ្លើងនិងទឹក មានរឿងមិនចប់

2019-04-10 03:30:00
ចំនួនមតិ 0 | ចំនួនចែករំលែក 0

ក្នុងក្បួនហុងស៊ុយ មានគូឆ្នាំខ្លះ កើតមកគឺឆុងគ្នាពីកំណើត ជាពិសេសគឺពេលក្លាយជា ម្ដាយក្មេក និងកូនប្រសារ។ ខាងក្រោមនេះគឺឆ្នាំទាំង៥គូដែលមានអត្តចរិតផ្ទុយគ្នា ងាយកើតជម្លោះ។

រូបតំណាង

**១. ម៉ែក្មេក កូនប្រសារស្រីឆ្នាំរោង និងច**

ប្រសិនបើម៉ែក្មេក និងកូនប្រសារស្រីមានឆ្នាំទាំង២នេះ មូលហេតុដែលនាំឲ្យមានជម្លោះគឺចរិតផ្ទុយពីគ្នា។ ឆ្នាំទាំង២នេះ ពេលនៅជិតគ្នាតែងមានគំនិតខុសគ្នា ម្នាក់ចូលចិត្តបង្ហាញឲ្យគេឃើញ ម្នាក់ចូលចិត្តស្ងប់ស្ងាត់។ យូរៗទៅ ធ្វើឲ្យអ្នកទាំង២សម្ងំមានគំនិតមិនល្អពីគ្នា។

២. ម៉ែក្មេក កូនប្រសារឆ្នាំជូត និងមមី

មូលហេតុនៃការមិនត្រូវគ្នានៃឆ្នាំមួយគូនេះគឺ មកពីម្នាក់ចិត្តទូលាយ ចាយធំ ឯម្នាក់ទៀតត្បិតត្បៀត សន្សំសំចៃ គិតវែងឆ្ងាយ។ ម្នាក់ចូលចិត្តអ៊ូអរ ម្នាក់ចូលចិត្តសុភាពរាបសារ ទើបធ្វើឲ្យពួកគេពិបាកនៅជាមួយគ្នាដូចគ្នា។ បើចង់នៅជាមួយគ្នា ទាល់តែអ្នកទាំង២សម្របសម្រួលហើយ ចោលអំនួតរបស់ខ្លួនខ្លះ។

រូបតំណាង

៣. ម៉ែក្មេក កូនប្រសារឆ្នាំខាល និងច

បើអ្នកនឹងម្ដាយក្មេកមានឆ្នាំមួយគូនេះ គឺពិបាកនៅចុះសម្រុងគ្នាណាស់។ គឺថាម្ដាយក្មេកមើលកូនប្រសារស្រីមិនចូលភ្នែកសោះតែម្ដង គឺទើសតាំងពីពេលឈានជើងចូលផ្ទះដំបូង។ ចាប់កំហុសតាំងពីរឿងតូចបំផុត។

៤. ម៉ែក្មេក កូនប្រសារឆ្នាំកុរ និងរការ

ឆ្នាំទាំង២នេះគ្រាន់តែក្រឡេកមើលគ្នា ក៏មិនត្រូវចិត្តទៅហើយ។ ម្នាក់រស់នៅដោយចូលចិត្តចែករំលែកនឹងអ្នកដទៃ ឯម្នាក់ទៀតផ្អៀងទៅរកភាពអាត្មានិយមច្រើនជាង ធ្វើឲ្យក្នុងភ្នែកម្ដាយក្មេកប្រៀបដូចមានអ្នកមកលួចកូនប្រុសរបស់ខ្លួន។

៥. ម៉ែក្មេក និងកូនប្រសារឆ្នាំរោង និងខាល

រូបតំណាង

នារីឆ្នាំរោង និងខាល សុទ្ធតែអ្នកមានអំណាច និងអំនួតធំ។ ហេតុនេះហើយ ពេលនៅជាមួយគ្នា ពួកគេពិបាកសម្របសម្រួលគ្នាណាស់។ អ្នកណាក៏ចង់តែតាមចិត្តខ្លួន សូម្បីតែរឿងតូចតាច ក៏អាចឲ្យអ្នកទាំង២មានជម្លោះគ្នាបានដែរ៕

ប្រភព៖ Phunutoday ប្រែសម្រួល៖ Caramel