អត្ថប្រយោជន៍ ៥ នៃការថើបចំពោះសុខភាពដែលអ្នកមិនដឹងពីមុនមក

2019-04-01 05:00:00
ចំនួនមតិ 0 | ចំនួនចែករំលែក 0

តើអ្នកមានដឹងទេថា ពេលខ្លះការថើបអាចមានប្រសិទ្ធិភាពចំពោះសុខភាពជាងអ្នកទៅជួបពេទ្យទៅទៀត។ រក្សាទម្លាប់ថើបជារៀងរាល់ថ្ងៃ អ្នកអាចបង្កើនអាយុខ្លួនឯងទៀតផង។ ខាងក្រោមនេះគឺជាអត្ថប្រយោជន៍ទាំងឡាយ ប្រសិនបើអ្នកបានថើបមនុស្សដែលខ្លួនស្រលាញ់។

១. បន្ថយការឈឺចាប់

ការពិសោធន៍បង្ហាញថា ការថើបដ៏រ៉ូមេនទិកមួយ អាចមានលទ្ធភាពបន្ថយភាពឈឺចាប់ ស្មើនឹងថ្នាំបំបាត់ភាពឈឺចាប់មួយគ្រាប់ ព្រោះពេលថើប អ័រម៉ូននឹងបញ្ចេញសារជាតិ Endorphin ដែលធ្វើឲ្យអ្នកដូចត្រូវសណ្ដំ ភ្លេចភាពជាក់ស្ដែង។

២. បន្ថយភាពតានតឹង

នៅពេលថើប រាងកាយនឹងបញ្ចេញសារជាតិ Oxytocin ដែលធ្វើឲ្យរាងកាយធូរស្រាលដោយធម្មជាតិ។ អរម៉ូននេះ ជួយទប់ស្កាត់ភាពតានតឹងក្នុងខួរក្បាល បំបាត់ទុក្ខព្រួយ និងធ្វើឲ្យអ្នកជ្រះស្រឡះជាងមុន។

៣. សម្រកទម្ងន់

ការថើបមួយអាចជួយឲ្យអ្នកដុតកាឡូរីចំនួន១២០។ ទោះបីជាចំនួននេះមិនអាចស្មើនឹងការហាត់ប្រាណក៏ដោយ តែវាអាចឲ្យអ្នកញ៉ាំថែមនំចំណីបន្តិចបន្តួចដោយមិនបាច់បារម្ភ។ មិនត្រឹមតែប៉ុណ្ណោះ នៅពេលអ្នកថើបកាន់តែស្អិតរមួត ចំនួនកាឡូរីត្រូវបានដុតកាន់តែច្រើន។

៤. ក្មេងជាងវ័យ បន្ថយស្នាមជ្រួញ

អំឡុងពេលថើប មានសាច់ដុំមុខចំនួន៣៤ និងសាច់ដុំរាងកាយចំនួន១១២ ធ្វើចលនា។ ប្រការនេះ នឹងធ្វើឲ្យអ្នកអាចកាត់បន្ថយស្នាមជ្រីវជ្រួញនៅមុខនិងក ហើយថែមទាំងប្រឆាំងនឹងភាពចាស់ផងដែរ។

៥. ការពារពុកធ្មេញ

ពេលថើប ក្រអូមមាត់នឹងបញ្ចេញទឹកមាត់ច្រើនជាងមុន ជាតិអាស៊ីតនៅក្នុងទឹកនេះ នឹងជួយសម្អាតកំណកអាហារលើធ្មេញ ជួយកករលើធ្មេញ តាមនោះក៏ត្រូវបានសម្អាតដូចគ្នា ព្រមទាំងបង្ការដង្កូវស៊ីធ្មេញផងដែរ៕